486.78
+0.12
515.5
+2.27
8.41
+0.01
+2
Եղանակը Երևանում
Հայ
ԵՄ–ի հետ Հայաստանի նոր բանակցությունները կմեկնարկեն Ռիգայի գագաթնաժողովին. պատգամավոր
16:49
18 Ապրիլի 2015

ԵՐԵՎԱՆ, 18 ապրիլի. /Նովոստի–Արմենիա/. ԵՄ–ի հետ Հայաստանի նոր բանակցությունները կմեկնարկեն Ռիգայի գագաթնաժողովի ժամանակ, «Sputnik-Արմենիա» ռադիոկայանին տված հարցազրույցում  ասաց հայկական խորհրդարանի պատգամավոր, ԱԺ արտաքին հարաբերությունների մշտական հանձնաժողովի անդամ Թևան Պողոսյանը։

Ավելի վաղ արտաքին քաղաքական գերատեսչության ղեկավարի տեղակալ Շավարշ Քոչարյանը հայտնել էր, որ Հայաստանն ու Եվրամիությունը մտադիր են գործակցության համաձայնագիր ստորագրել Ռիգայի գագաթնաժողովում մայիսի 21-22–ին, որը կանցկացվի ԵՄ–ի «Արևելյան գործընկերություն» ծրագրի շրջանակում, որում ընդգրկված են Հայաստանը, Վրաստանը, Ադրբեջանը, Ուկրաինան, Մոլդովան և Բելառուսը։

«Ակնկալվում է, որ Ռիգայի գագաթնաժողովին Հայաստանի և ԵՄ–ի միջև կստորագրվի փաստաթուղթ, որը մեկնարկ կտա նոր բանակցություններին»,– ասաց Պողոսյանը։

Ըստ նրա` կարող է հայտարարվել նաև հատուկ գործընթացի, մասնավորապես, վիզաների ռեժիմի ազատականացման, «բաց երկնքի» քաղաքականության համատեղ իրագործման կամ «Հորիզոն-2020» ծրագրին Հայաստանի միանալու մասին։

«Հորիզոն-2020»–ը (Horizon 2020) Եվրոպական միության նորարարությունների և հետազոտությունների ծրագրեն են` 80 միլիարդ եվրո բյուջեով։

Ինչպես կարծում է քաղաքական գործիչը, բացի այդ ուղղություններից, կարող է հայտարարվել նաև բոլոր հնարավոր ոլորտներում գործակցության նոր բանակցությունների մեկնարկի մասին։ Նա ավելացրեց, որ ԵՄ–ի հետ համագործակցության ճանապարհին խոչընդոտներ չի տեսնում ԵՏՄ–ին Հայաստանի անդամակցության համատեքստում։

Պատգամավորը բարձր է համարում բանակցությունների հաջող ավարտի հավանականությունը, քանի որ բոլոր հնարավոր կողմերը նախապես քննարկվել են։

«Եթե չլինեն նոր աշխարհաքաղաքական փոփոխություններ, ապա հնարավորությունները բարձր են, և Հայաստանը կփորձի չկրկնել անցած սխալները` քաղաքական պայմանավորվածություններին զուգընթաց զարգացնելով հնարավոր բոլոր տնտեսական ծրագրերը»,– ասաց Պողոսյանը։

Պատգամավորը կարծում է, որ նոր պայմանավորվածությունների արդյունքում Հայաստանը տնտեսական ոլորտում նոր արտոնություններ կարող է ակնկալել, առավել ևս, երբ ԵՄ–ի հետ ընդլայնված տնտեսական համաձայնագիր վերջերս ստորագրվել է Ղազախստանի հետ, որն արդեն վաղուց Եվրասիական տնտեսական միության անդամ է։ -0-

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։