484.45
-0.06
527.28
+8.56
8.65
+0.04
+15
Եղանակը Երևանում
Հայ
Ոչ միայն թուրքական իշխանությունները, այլ նաև հայկական համայնքի ներկայացուցիչներից ոմանք են խոչընդոտում Պոլսի պատրիարքի ընտրությունները. փորձագետ
14:56
25 Մարտի 2015

ԵՐԵՎԱՆ, 24 մարտի. /Նովոստի–Արմենիա/. Կոստանդնուպոլսի նոր Պատրիարքին հնարավոր չի լինում ընտրել ոչ միայն Թուրքիայի իշխանությունների մոտեցման, այլ նաև Ստամբուլի հայկական համայնքի որոշ ներկայացուցիչների դիրքորոշման պատճառով, կարծում է թուրքագետ Ռուբեն Մելքոնյանը։

«Կոստանդնուպոլսի Հայ Պատրիարքի ընտրությունները ձախողվում են ոչ միայն թուրքական իշխանությունների, այլ նաև հայկական համայնքի որոշ ներկայացուցիչների, այդ թվում` Արամ արքեպիսկոպոս Աթեշյանի պատճառով», – նշեց Մելքոնյանը։

Նրա խոսքով` Պոլսի Հայ Պատրիարքը միակ կառույցն է, որը պատասխանատվություն է կրում Թուրքիայում բնակվող հայերի համար, և նրա գործունեությունը հատկապես կարևոր է Հայոց ցեղասպանության 100–րդ տարելիցի համատեքստում։

«Ցավոք, Կոստանդնուպոլսի պատրիարքարանում գործերն արդեն երկար ժամանակ բարձիթողի վիճակում են Մեսրոպ Պատրիարք Մութաֆյանի անբուժելի հիվանդության և նոր ընտրություններ անցկացնելու անհնարինության պատճառով», – ավելացրեց Մելքոնյանը։   

Փորձագետը հիշեցրեց, որ վերջերս Արամ արքեպիսկոպոս Աթեշյանը հայտարարել է, որ արդեն դիմել է Թուրքիայի իշխանություններին ընտրություններ անցկացնելու հարցով, սակայն նրանք պնդում են, թե ոչ մի դիմում չեն ստացել։ «Ստացվում է, որ բարձրաստիճան հայ հոգևորականի հայտարարությունները սու՞տ են», – ասաց Մելքոնյանը։

Խոսելով Հայոց ցեղասպանության 100–րդ տարելիցի մասին` Մելքոնյանը նշեց, որ արդեն հայտնի են միջոցառումները, որոնք այդ օրերին պետք է անցկացնի Կոստանդնուպոլսի Պատրիարքարանը։

Նա ընդգծեց, որ Կոստանդնուպոլսի Պատրիարքարանում և նրա ենթակայության տակ գտնվող 42 եկեղեցիներում ապրիլի 23–ին զանգերը չեն հնչի, ինչպես մնացած բոլոր հայկական եկեղեցիներում` ըստ Ամենայն Հայոց Կաթողիկոս Գարեգին Երկրորդի հանձնարարության։

«Կոստանդնուպոլսի Պատրիարքարանը, որը Մայր Աթոռ Սուրբ Էջմիածնի հիերարխիկ աթոռներից է, ըստ էության, չի կատարում նրա կարգադրությունները», – նշեց Մելքոնյանը։

Միաժամանակ նա նշեց, որ արքեպիսկոպոս Աթեշյանը նախատեսում է այդ օրերին Կոստանդնուպոլսի Պատրիարքարանում հոգեհանգստի կարգ մատուցել ոչ միայն հայերի, այլ նաև թուրքերի համար, ինչը «ընդհանուր ցավ» անվանումն ունեցող թուրքական քարոզչության մի մասն է։ «Այս քարոզչության նախաձեռնողը Թուրքիայի վարչապետ Ահմեդ Դավութօղլուն է», – ասաց Մելքոնյանը։

Նրա խոսքերով` կան տվյալներ, որ ապրիլի 24–ին Չանակկալում (Գալիպոլի) ևս հոգեհանգստի կարգ կմատուցվի 1915 թ.–ին Գալիպոլիի ճակատամարտում զոհված հայերի և թուրքերի համար։ «Կարծում եմ, որ սա բավականին ճնշող է և խոսում է այն մասին, որ Թուրքիայի իշխանությունները եկեղեցու և նրանց ենթակայության տակ գտնվող Կոստանդնուպոլսի Պատրիարքարանի օգնությամբ փորձում են ևս մի բաժանարար գիծ անցկացնել», – ասաց փորձագետ։

Նրա խոսքով` կա ևս մի կարևոր ծիսակարգային խնդիր։ Ապրիլի 23–ին Հայաստանում տեղի կունենա Ցեղասպանության զոհերի սրբադասման կարգ, իսկ եկեղեցական ծեսերի համաձայն` սրբերի համար հոգեհանգստի կարգ չեն մատուցում։

Թուրքիայի կառավարությունը նախատեսում է ապրիլի 24–ին Գալիպոլիի ճակատամարտի 100–ամյակին նվիրված միջոցառումներ կազմակերպել։ Երևանը համարում է, որ Անկարայի այդ քայլը միջազգային հանրության և համաշխարհային առաջնորդների ուշադրությունը Ցեղասպանության տարելիցից շեղելու փորձ է։

Հայոց ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի վերաբերյալ Արևմուտքի կողմից արվող քննադատություններին։

Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։ -0-

Loading...
Թեմատիկ նյութեր

Բաժնի այլ նյութեր
14:04
26 Ապրիլի 2017
Մոսկվայում կկայանա Հայաստանի, ՌԴ-ի և Ադրբեջանի ԱԳ նախարարների հանդիպումը
Մոսկվայում կկայանա Ռուսաստանի, Հայաստանի և Ադրբեջանի արտգործնախարարների եռակողմ հանդիպումը։
11:13
26 Ապրիլի 2017
Նախօրեին վիճել են ՀՀ վարչապետ Կարեն Կարապետյանն ու ՀՅԴ բյուրոյի պատասխանատուն
Խոսակցության թեման եղել է նոր կառավարության կազմը և ՀՅԴ-ի պորտֆելները:
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով:
11:15
06 Ապրիլի 2017
Րաֆֆի Հովհաննիսյանն ու Վարդան Օսկանյանը դու՞րս են գալիս քաղաքականությունից
Երկուսն էլ նախկինում ԱՄՆ քաղաքացիներ են եղել։