487.29
-0.01
568.08
+2.76
8.23
+0.01
+13
Եղանակը Երևանում
Հայ
Բաքուն շահարկում է հայ գերիների գործոնը և այդ փաստն օգտագործում բացառապես քարոզչական նպատակներով. փորձագետ
20:58
24 Մարտի 2015

ԵՐԵՎԱՆ, 24 մարտի. /Նովոստի–Արմենիա/. Բաքուն փորձում է շահարկել Ադրբեջանի տարածքում հայտնված հայերի թեման, և Բաքվին ձեռնտու է, որ հայկական լրատվամիջոցները տարածեն ադրբեջանական քարոզչական դրսևորումները, «Sputnik-Արմենիա» ռադիոկայանի եթերում ասել է քաղաքագետ Միքայել Յալանուզյանը` մեկնաբանելով ղարաբաղցի զինծառայողի հետ կապված միջադեպը։

ԼՂՀ ՊՆ մամուլի ծառայության տեղեկատվության համաձայն` ՊԲ արևելյան ուղղությամբ տեղակայված զորամասերից մեկի մարտական դիրքից, զենք-զինամթերքը թողնելով մարտական հենակետում, հակառակորդի կողմն է անցել ՊԲ զինծառայող, 1991թ.–ին ծնված շարքային պայմանագրային Անդրանիկ  Գրիգորյանը: Երկուշաբթի ադրբեջանական ԶԼՄ–ները տարածեցին տեսանյութեր` Գրիգորյանի մասնակցությամբ։

«Վերջին տարիների իրադարձությունները, երբ հայ զինծառայողները կամ առանձին մարդիկ հայտնվել են ադրբեջանական տարածքում, ցույց են տալիս, որ անկախ ամեն ինչից Ադրբեջանը նպատակ ունի ցույց տալ կամ շահարկել գերու, բռնված մարդու կամ ինքնակամ սահմանը անցած զինծառայողի գործոնը, այսինքն նրանց նպատակն է հստակ մանիպուլյացիա իրականացնել այնտեղ և այս կամ այն փաստն օգտագործել բացառապես քարոզչական նպատակներով», – ասել է Յալանուզյանը։

Նրա խոսքով` Բաքվի համար ցանկալի է և ձեռնտու, որ ադրբեջանական քարոզչական երևույթները կրկնօրինակեն հայկական լրատվամիջոցները, այսինքն դա ուղղված է հայկական լսարանին և «եթե մենք տարածում ենք, մենք ջուր ենք լցնում նրանց ջրաղացին», – ընդգծել է փորձագետը։

Փորձագետը կարծում է, որ նման իրավիճակում լրատվամիջոցը պետք է առաջնորդվի միայն փաստական տվյալներով, այսինքն արձանագրի, որ տեղի է ունեցել այսպիսի միջադեպ, զինծառայողը անցել է սահմանը, և դրանով սահմանափակվի: «Սա կարծում եմ, որ ամենազուսպ տարբերակն է, քանի որ մենք չունենք փաստեր, թե դեպքը ինչպես է տեղի ունեցել», – ասել է փորձագետը։

Նա նաև նշել է, որ մեդիադաշտն ունի մի շարք կարևոր առանձնահատկություններ, չի կարելի այն կենտրոնացված վերահսկել և արգելող մեխանիզմներով կարգավորել։ «Ժամանակի ընթացքում ընթերցողը պետք է կարողանա ձևավորել իր համար ցանկալի և որակյալ լրատվամիջոցները և հետևել դրանց», – նշել է Յալանուզյանը։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ.–ի դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ Ադրբեջանը կորցրեց վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ.–ի մայիսի 12-ին զինադադարի վերաբերյալ եռակողմ համաձայնագիր կնքելուց հետո հակամարտության գոտում դադարեցին ռազմական գործողությունները, որոնց հետևանքով երկու կողմն ընդհանուր առմամբ շուրջ 25-30 հազար զոհ ունեցավ, իսկ մոտ մեկ միլիոն մարդ էլ ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչ այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակում, որի համանախագահներն են ԱՄՆ-ն, Ռուսաստանը և Ֆրանսիան: -0

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։