478.85
+0.03
558.1
+0.51
7.99
-0.15
+26
Եղանակը Երևանում
Հայ
Ֆրանսիայի նախագահն ապրիլին կայցելի Երևան և Բաքու. Դեզիր
19:04
21 Մարտի 2015

ԵՐԵՎԱՆ, 21 մարտի. /Նովոստի-Արմենիա/. Ֆրանսիայի նախագահ Ֆրանսուա Օլանդը ղարաբաղյան խնդիրը կքննարկի հայ և ադրբեջանցի գործընկերների հետ ապրիլի 24-ին և 25-ին Երևան և Բաքու նախատեսված այցելությունների ընթացքում, տեղեկացրել է Ֆրանսիայի եվրոպական գործերով պետական քարտուղար Առլեմ Դեզիրը:

Ավելի վաղ տեղեկացվել է, որ ապրիլի 24-ին Երևանում Օլանդը կմասնակցի Հայոց ցեղասպանության 100-րդ տարելիցին նվիրված միջոցառումներին:

«Փարիզը կգործադրի բոլոր ջանքերը ղարաբաղյան հակամարտության կարգավորման և այդ տարածաշրջանում ինքնորոշման իրավունքի պաշտպանության համար», - Դեզիրի խոսքերը մեջբերել են ՀՅԴ-ի մամուլի ծառայությունից:

Պատասխանելով «Ժողովրդական շարժում միություն» կուսակցությունից պատգամավոր Ժան-Կլոդ Մինյոնի հարցին` դիվանագետը հիշեցրել է, որ Ֆրանսիան լիարժեքորեն ներգրավված է Մինսկի խմբի գործունեության մեջ որպես համանախագահ (ԱՄՆ-ի և Ռուսաստանի հետ)` ղարաբաղյան խնդրի  կայուն լուծումը փնտրելու համար:

Նրա խոսքերով` ներկա ստատուս-քվոն չի համապատասխանում Հայաստանի և Ադրբեջանի շահերին:

«Այդ պատճառով հանրապետության նախագահը  ցանկանալով աջակցել դիվանագիտական նախաձեռնությունների վերսկսմանը, 2014 թ.-ի հոկտեմբերի 27-ին գումարեց գագաթնաժողով Հայաստանի և Ադրբեջանի նախագահների (Սերժ Սարգսյան և Ւլհամ Ալիև) մասնակցությամբ: Այդ հանդիպման ժամանակ ձեռք է բերվել պայմանավորվածություն մարդասիրական առաջին քայլի` անհայտ կորածների մասին տեղեկատվության փոխանակման շուրջ», - ասել է Դեզիրը:

Նա նշել է, որ այս հանդիպումը նաև օգնեց նոր ազդակ հաղորդել բանակցություններին, որոնք հիմնված են, այսպես կոչված, Մադրիդյան սկզբունքների վրա, որոնք նախատեսում են ուժի չկիրառում, պետության տարածքային ամբողջականության և ազգերի ինքնորոշման իրավունքի հարգում:

«Վերջին ամիսների լարվածությունը վկայում է, որ խիստ անհրաժեշտ է կյանքի կոչել այդ սկզբունքները: Հետևաբար, Ֆրանսիան ակտիվորեն կշարունակի իր ջանքերն այդ ուղղությամբ», - ասել է Դեզիրը:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:
Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: