481.5
+0.15
565.52
-0.45
8.39
-0.01
+8
Եղանակը Երևանում
Հայ
ԵՄ-ն կհամագործակցի Հայաստանի հետ` հարգելով նրա ունեցած պարտավորությունները. Հան
18:18
18 Մարտի 2015

ԵՐԵՎԱՆ, 18 մարտի. /Նովոստի–Արմենիա/. ԵՄ-ն կհամագործակցի Հայաստանի հետ` լիովին հարգելով նրա ունեցած պարտավորությունները, հայտարարեց Եվրոպական հարևանության քաղաքականության և ընդլայնման բանակցությունների հարցերով ԵՄ հանձնակատար Հանը Երևանում ՀՀ ԱԳ նախարար Էդվարդ Նալբանդյանը հետ ունեցած համատեղ մամուլի ասուլիսում։

«Մենք նախանշեցինք ապագայում հնարավոր համագործակցության ուղիները, և ես հուսով եմ, որ դրա հիման վրա մենք կարող ենք բանակցություններ սկսել Հայաստանի և ԵՄ միջև նոր պայմանագրի մասին, երբ համապատասխան մանդատ ստանանք Եվրոպական միության անդամների կողմից»,- ասաց նա։ 

Հանը նաև ընդգծեց, որ ԵՄ-ն միտված է ապագային և վճռական է տրամադրված Հայաստանի հետ համագործակցության դրական օրակարգի ձևավորման հարցում, որը համատեղելի կլինի երկրի մյուս պարտավորությունների հետ։

Նա նշեց նաև, որ ընթացիկ տարին կարևոր և որոշիչ է Հայաստանի և ԵՄ հարաբերությունների համար։

«Երկու կողմերն էլ իրենց վրա բոլոր հնարավոր ոլորտներում համագործակցության խորացման, հետագա հարաբերությունների համար իրավական ամուր բազա ստեղծելու պարտավորություն են վերցրել»,- ասաց Հանը։

Ըստ եվրահանձնակատարի` համագործակցության ուղղությունների հարցում կողմերը պետք է հասկանան, թե ինչն է բխում Հայաստանի շահերից, իսկ ինչը` ԵՄ-ի։

«Համոզված եմ, որ մոտ ապագայում մենք մանդատ կստանանք կոնկրետ բանակցություններ մեկնարկելու համար։ Կարծում եմ, որ մենք կարող ենք լուրջ հարաբերություններ ունենալ իրավական հիմքի վրա»,- ընդգծեց Հանը։

Հայաստանի ԱԳ նախարար Նալբանդյանը նշեց, որ այսօր լավ հնարավորություն էր` շարունակելու զրույցը, որը կայացել էր այս տարվա հունվարին` Հայաստան - Եվրամիություն համագործակցության խորհրդի նիստի ժամանակ:

«Խորհրդատվությունները, որոնք անցկացվել են Հայաստանի և Եվրամիության միջև, նախանշելու են այն իրավական հիմքը, որը ապագայում պետք է ձևակերպվի բանակցությունների արդյունքում։ Բանակցությունների արդյունքում մենք կմշակենք այն փաստաթուղթը, որը մեր՝ Հայաստանի և Եվրոպական միության միջև հարաբերությունների նոր իրավական հիմքը կհանդիսանա»,- ասաց Նալբանդյանը։

Ըստ նախարարի` բավական ձեռքբերումներ կողմերն ունեցել են վերջին տարիներին: Դա վերաբերում է երկու կարևորագույն համաձայնագրերին, որոնք ստորագրվել էին Եվրամիության հետ՝ վիզային ռեժիմի դյուրացման, նաև ռեադմիսիայի վերաբերյալ, որոնք ուժի մեջ են մտել 2014թ. հունվարից։

«Նաև ստորագրվել է արձանագրություն, որը հնարավորություն տվեց Հայաստանին՝ մասնակցելու ԵՄ ծրագրերի լայն շրջանակի և համագործակցելու ԵՄ գործակալությունների հետ: Հուսով ենք, որ մոտ ապագայում մենք կսկսենք նաև բանակցությունների հաջորդ փուլը, որը կտանի դեպի վիզային ռեժիմի ազատականացում»,- ասաց Նալբանդյանը:--0--

Loading...
Թեմատիկ նյութեր
Բաժնի այլ նյութեր
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը:
12:15
12 Հոկտեմբերի 2017
Հայաստանը ՌԴ–ից 100 մլն դոլարի պետական արտահանման վարկ կստանա
Վարկը տրամադրվելում է տարեկան 3% տոկոսադրույքով, 15 տարի մարման ժամկետով։
16:27
09 Հոկտեմբերի 2017
Անկարան կարող է հրաժարվել С-400-ի գնումից, եթե Մոսկվան մերժի համատեղ արտադրությունը
Անկարան կարող է հրաժարվել Մոսկվայից զենիթահրթիռային С-400 կամակարգերի գնումից:
13:59
08 Հոկտեմբերի 2017
Համանախագահներ. Հայաստանը և Ադրբեջանը վերահաստատել են բանակցությունները վերսկսելու պատրաստակամությունը
ԵԱՀԿ Մինսկի խմբի համանախագահները հաղորդագրություն են տարածել: