485.25
-0.08
569.44
-2.72
8.18
-0.02
-2
Եղանակը Երևանում
Հայ
Հայաստանի իշխանությունը կա՛մ նոր ընդդիմություն կստեղծի, կա՛մ ճնշում կգործադրի ընդդիմադիր դաշտի վրա. փորձագետ
21:26
10 Մարտի 2015

ԵՐԵՎԱՆ, 10 մարտի. /Նովոստի–Արմենիա/. Հայաստանի իշխանությունը կա՛մ նոր ընդդիմություն կստեղծի, կա՛մ ճնշում կգործադրի ընդդիմադիր դաշտի վրա, որպեսզի կարողանա զսպել հասարակության դժգոհ հատվածին, «Sputnik-Արմենիա» ռադիոկայանի եթերում ասաց տեղեկատվական անվտանգության փորձագետ Տիգրան Քոչարյանը։

Վերջին ամսվա ընթացքում Հայաստանի ներքին քաղաքական դաշտում փոփոխություններ կատարվեցին։ Անցած շաբաթվա ընթացքում փոխվեց «Բարգավաճ Հայաստան» կուսակցության ղեկավար կազմը։ Մարտի 5-ին ԲՀԿ նիստի ժամանակ կուսակցության առաջնորդ Գագիկ Ծառուկյանն իր պաշտոնն առաջարկեց պատգամավոր Նաիրա Զոհրաբյանին։ Վերջինն էլ հայտարարեց, որ կուսակցությունը ընդդիմադիր է դառնում։

«Հարցն այն է, որ ոչնչացվեց ամենախոշոր ընդդիմադիր կուսակցությունը, սակայն դժգոհ հասարակությունը մնաց։ Ի՞նչ անել այդ մարդկանց հետ, որոնց թիվը, ըստ որոշ տեղեկությունների, հասնում է 70 տոկոսի, ինչպե՞ս կառավարել այդ զանգվածին։ Դա խնդիր կդառնա իշխանության համար, որովհետև ընդդիմություն չկա»,– ասաց Քոչարյանը։

Նրա խոսքով` իրադարձությունները կարող են զարգանալ երկու ուղղությամբ։ Առաջին սցենարի համաձայն` շատ արագ ընդդիմություն կստեղծվի, որի առաջնորդը կլինի ՀԱԿ պատգամավոր Նիկոլ Փաշինյանը կամ «Ժառանգություն» կուսակցության պատգամավոր Զարուհի Փոստանջյանը։

«Երկրորդ տարբերակը կլինի ընդդիմադիր դաշտին ճնշելը` առանց նոր ընդդիմադիր գործիչներ աճեցնելու»,– ասաց Քոչարյանը։

Ընդհանուր առմամբ փորձագետը իշխանության և ԲՀԿ–ի միջև կատարվածը գնահատում է ոչնչացում, չնայած ԲՀԿ–ն բավականին մեծ ռեսուրսներ ուներ, այդ թվում` տեղեկատվական։

«ԲՀԿ–ի տոտալ ոչնչացումը  ավելի շատ նման էր Ֆրանսիայում մեկ գիշերվա ընթացքում հուգենոտների ոչնչացմանը։ Ստացվեց այնպես, որ բոլոր ռեսուրսները` կայքերը, հեռուստաընկերությունը, Facebook–ի օգտատերերը, ֆեյքերը, ի վիճակի չէին դիմակայելու իշխանության հարվածին։ Իշխանությունը ճիշտ հարված հասցրեց` գրոհը սկսելով ԲՀԿ առաջնորդից։ Առանց Գագիկ Ծառուկյանի` այդ կուսակցությունը ոչ մի հարց լուծել չի կարող»,– ասաց փորձագետը։

Փետրվարի կեսին սրվել էին ՀՀ նախագահ Սերժ Սարգսյանի և ԲՀԿ առաջնորդ Գագիկ Ծառուկյանի հարաբերությունները։ Փետրվարի 12-ին ելույթ ունենալով ՀՀԿ–ի խորհրդի նիստում`ՀՀ նախագահ Սերժ Սարգսյանը կոշտ քննադատության էր ենթարկել Ծառուկյանի գործունեությունը` հայտարարելով, որ Գագիկ Ծառուկյան քաղաքական դերակատարը երկրի համար դարձել է չարիք։ ՀՀ նախագահը նաև հանձնարարել էր բացահայտել Ծառուկյանի` խորհրդարանի նիստերից պարբերաբար բացակայելու պատճառները, քանի որ Ծառուկյանը 2013–2014թթ.–ին Ազգային ժողովի 145 նիստից մասնակցել է միայն չորսին, ինչպես նաև ստուգել Ծառուկյանի` միլիարդավոր դրամի հարկերը չվճարելու մասին խոսակցությունները։

ԲՀԿ առաջնորդ Գագիկ Ծառուկյանն իր հերթին հայտարարել էր, որ Սարգսյանի հայտարարությունների պատճառն իր հրաժարվելն է իրեն առաջարկված  համագործակցության բազմաթիվ տարբերակներից, անձնական շահեկան առաջարկներից։

Փետրվարի 20–ին ԲՀԿ–ն նախատեսում էր մյուս ընդդիմադիր ուժերի` ՀԱԿ–ի և «Ժառանգության» հետ համատեղ հանրահավաք անցկացնել, սակայն հանրահավաքից երկու օր առաջ կուսակցությունը հայտարարեց, որ չեղյալ է հայտարարում այդ ակցիան, իսկ Ծառուկյանը կոչ արեց հայրենակիցներին երկրում առաջացած բոլոր խնդիրները լուծել խաղաղ, օրինական, քաղաքական ճանապարհով։ –0–


 

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։