487.29
-0.01
568.08
+2.76
8.23
+0.01
+4
Եղանակը Երևանում
Հայ
ԲՀԿ–ի առաջնորդի պաշտոնից Ծառուկյանի հեռանալը նշանավորեց վերջին շաբաթների քաղաքական ինտրիգի ավարտը. Իսկանդարյան
14:42
06 Մարտի 2015

ԵՐԵՎԱՆ, 6 մարտի./Նովոստի–Արմենիա/. ԲՀԿ–ի առաջնորդի պաշտոնից Ծառուկյանի հեռանալը նշանավորեց վերջին շաբաթների քաղաքական ինտրիգի ավարտը, ասաց Կովկասի ինստիտուտի տնօրեն, քաղաքագետ Ալեքսանդր Իսկանդարյանը։

Նաիրա Զոհրաբյանը գլխավորել է կուսակցությունը ընտրությունների արդյունքում, որոնք տեղի են ունեցել հինգշաբթի ԲՀԿ–ի համագումարի ժամանակ։ Զոհրաբյանի թեկնածությունն առաջադրել է ԲՀԿ–ի արդեն նախկին առաջնորդ Գագիկ Ծառուկյանը, ով համագումարի ժամանակ հայտարարել է, որ որոշել է հեռանալ կուսակցության և խորհրդարանական խմբակցության նախագահի պաշտոնից։

«Չեմ կարող ասել, որ երեկ մեր երկրի քաղաքական կյանքում ինչ–որ էական բան տեղի ունեցավ։ Նախօրեին տեղի ունեցած ԲՀԿ–ի նիստը, որքան գիտեմ, տևել է ընդամենը մի քանի րոպե` ավարտվելով քաղաքական ինտրիգի ավարտով, որը մեր երկրում տևում էր վերջին մի քանի շաբաթվա ընթացքում», – ասաց Իսկանդարյանն ուրբաթ ասուլիսի ժամանակ։

Քաղաքագետը նշեց, որ Հայաստանում տեղի ունեցած խորհրդարանական և նախագահական ընտրություններից, ինչպես նաև այն բանից հետո, երբ ՀՀԿ–ն նվաճեց բոլոր քաղաքական հարթակները, եկավ ժամանակ, «որի ընթացքում, եթե արտահայտվենք բժշկական լեզվով, գոյություն ուներ կուսակցական համակարգի նեկրոզ»։

«Այսինքն, կուսակցական համակարգը կամ այն, ինչ Հայաստանում ընդունված է անվանել ընդդիմություն, այլընտրանք, ոչ իշխանամետ ուժ, աստիճանաբար մահանում և մասնատվում էր։ Եվ երեկ արձանագրվեց այդ գործընթացի վերջը», – ասաց նա։

Իսկանդարյանի խոսքերով` տեղ ազատվեց ընդդիմադիր քաղաքական կուսակցության համար։

«Դա, մի կողմից իհարկե, վատ է, քանի որ երկրի համար դժվար է ապրել առանց քաղաքական կուսակցության, մյուս կողմից` այն քաղաքական խմբերը, որոնք իրենց համարում էին կուսակցություններ, որոշակի տեղ էին զբաղեցնում։ Մարդիկ կարծում էին, որ հենց դա էլ ընդդիմությունն է։ Ոչինչ չնշանակող բոլոր այս խոսքերը, ինչպիսին ընդդիմադիր «եռյակն է», «քառյակը», որոնք, ըստ էության, հորինված էին, հիմա ամբողջովին անհետացան», – ավելացրեց Իսկանդարյանը։

Քաղաքագետը կարծում է, որ այս գործընթացի հետևանքը կլինի անտարբերությունը։ «Այս իրադարձությունները դուրս հանեցին Հայաստանի քաղաքական կյանքի հիմնական խնդիրները։ Հայաստանը քաղաքական կուսակցությունների համակարգի կարիք ունի, և անհրաժեշտ է ոչ թե միավորել, վերամիավորել, այլ ստեղծել», – ընդգծեց նա։

Նա նաև կարծում է, որ դա շատ դժվար է, սակայն դա այն ճանապարհն է, որով հարկավոր է ընթանալ մինչև նպատակին հասնելը։

«Հակառակ դեպքում Հայաստանում կշարունակի գործել մի քաղաքական մոդել, որտեղ «հանրապետականները» կկարողանան հեշտությամբ հաղթել ցանկացած քաղաքական իրադարձությունում, քանի որ այս պահին նրանց ոչինչ չի դիմակայում», – ավելացրեց քաղաքագետը։

2012 թ.–ի մայիսին կայացած ՀՀ ԱԺ վերջին ընտրությունների ժամանակ իշխող ՀՀԿ–ն ստացավ խորհրդարանի տեղերի մեծամասնությունը։ ԲՀԿ–ն զբաղեցրեց երկրորդ տեղը (տեղերի մոտ մեկ քառորդը), այն դեպքում երբ ՀԱԿ–ը, «Ժառանգությունը», «Դաշնակցությունը» և ՕԵԿ–ը ստացան տեղերի մոտ 10 տոկոսը։

Փետրվարի կեսերին  սրվել էին ՀՀ նախագահ Սերժ Սարգսյանի և ԲԱԿ առաջնորդ Գագիկ Ծառուկյանի հարաբերությունները։ Փետրվարի 12-ին ելույթ ունենալով ՀՀԴ–ի խորհրդի նիստում`ՀՀ նախագահ Սերժ Սարգսյանը կոշտ քննադատության էր ենթարկել Ծառուկյանի գործունեությունը` հայտարարելով, որ Գագիկ Ծառուկյան քաղաքական դերակատարը երկրի համար դարձել է չարիք։ ՀՀ նախագահը նաև հանձնարարել էր բացահայտել Ծառուկյանի` խորհրդարանի նիստերից պարբերաբար բացակայելու պատճառները, քանի որ Ծառուկյանը 2013–2014թթ.–-ին Ազգային ժողովի 145 նիստից մասնակցել է միայն չորսին, ինչպես նաև ստուգել Ծառուկյանի` միլիարդավոր դրամի հարկերը չվճարելու մասին խոսակցությունները։

ԲՀԿ առաջնորդ Գագիկ Ծառուկյանն իր հերթին հայտարարել էր, որ Սարգսյանի հայտարարությունների պատճառն իր հրաժարվելն է իրեն առաջարկված  համագործակցության բազմաթիվ տարբերակներից, անձնական շահեկան առաջարկներից, այդ թվում՝ նախագահի պաշտոնը սահմանադրությունը փոխելուց հետո` մեկ պայմանով, որ համաձայնի Սերժ Սարգսյանի իշխանության վերարտադրությանը։

Փետրվարի 20–-ին ԲԱԿ–ն պատրաստվում էր համատեղ հանրահավաք կազմակերպել երկու ընդդիմադիր ուժերի` ՀԱԿ–ի և «Ժառանգության» հետ, սակայն չորեքշաբթի հայտարարեց, որ չեղյալ է համարում այդ ակցիան, իսկ Ծառուկյանը կոչ է արել հայրենակիցներին երկրի բոլոր հարցերը լուծել խաղաղ, օրինական, քաղաքական ճանապարհով։ 

«Բարգավաճ Հայաստան» կուսակցությունը կենտրոնամետ քաղաքական ուժ է` լիբերալ ուղղվածությամբ, այն ստեղծվել է 2004թ.–ին։ 2012թ.–ի մայիսի 6–ի ընտրությունների արդյունքում ձևավորված հինգերորդ գումարման խորհրդարանում կուսակցությունն ունի թվով երկրորդ խմբակցությունը` 131 պատգամավորական մանդատներից ունենալով 36 մանդատ։ Կուսակցությունը գլխավորում է խոշոր ձեռներեց Գագիկ Ծառուկյանը։ –0–

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։