481.32
+0.33
567.52
-1.39
8.41
+0.07
+4
Եղանակը Երևանում
Հայ
Թուրքիան բավականին լուրջ հարված ստացավ նաև ԵԺԿ–ի բանաձևով. Արմեն Աշոտյան
19:46
03 Մարտի 2015

ԵՐԵՎԱՆ, 3 մարտի. /Նովոստի–Արմենիա/. Եվրոպական ժողովրդական կուսակցությունն այսօր իր քաղաքական համաժողովի բանաձևով վերահաստատեց այն հանգամանքը, որ եվրոպական քաղաքականությունը խարսխված է նաև արժեքների վրա,- «Sputnik-Արմենիա» ռադիոկայանին տված հարցազրույցում, Բրյուսելից հաղորդեց ՀՀ Կրթության և գիտության նախարար Արմեն Աշոտյանը:

Եվրոպական ժողովրդական կուսակցությունը երեքշաբթի Բրյուսելում Հայոց ցեղասպանության 100–րդ տարելիցին նվիրված բանաձև է ընդունել։ Ընդունված բանաձևում ԵԺԿ–ն դատապարտում է հայ ժողովրդի հանդեպ ցեղասպանության գործողությունները, որոնք ծրագրվել և մշտապես չարակամորեն իրականացվել են Օսմանյան կայսրության և Թուրքիայի այլ ռեժիմների կողմից 1894-1924 թթ.–ին։ Փաստաթղթում նշվում է, որ այդ գործողություններն են հայրենազրկումը, ոճրագործությունները և էթնիկ գործոնով պայմանավորված բնաջնջումները, որոնք ուղղված էին հայկական բնակչության և նրա մշակութային ժառանգության ոչնչացմանը:

Աշոտյանը նշել է, որ դժվար է գերագնահատել այս բանաձևի կարևորությունը`  հաշվի առնելով ԵԺԿ-ի առաջատար դերը Եվրոպական միության կառույցներում և այն հանգամանքը, որ հայաստանյան երեք կուսակցությունները անդամակցում են ԵԺԿ–ին: Իհարկե դա իր դրական ազդեցությունն էր ունեցել բանաձևի վրա, և ոչ միայն ցեղասպանության հետ կապված:  Հայաստանին և հայերին վերաբերող հարցերի քննարկման ընթացքում դրական վերաբերմունք և արդյունքներ ձևավորելու տեսակետից սա նույնպես կարևոր է:

«Կարծում եմ, որ բանաձևը  լավ գործիք կարող է դառնալ մեր ձեռքերում եվրոպական այլ հարթակներում Հայոց ցեղասպանության միջազգային ճանաչման , դատապարտման, ժխտողականության  դատապարտման  և դրանց վերացման համար: Իհարկե աշխատանքներ պետք է տարվեն բոլոր ուղղություններով`  ինչպես ազգային մակարդակներում, այնպես էլ եվրոպական կառույցներում, սակայն այսօրվա բանաձևը ևս մեկ լուրջ պլատֆորմ է հանդիսանալու մեր դիվանագետների, խորհրդարանականների, այլ պատկան մարմինների համար`  եվրոպական ինստիտուտներում միջազգային ճանաչման հետագա քայլերի համար»,– ասել է Աշոտյանը։ 

«Բանաձևը իր բովանդակությամբ բավականին լուրջ փաստաթուղթ է, և ուզում եմ հատուկ շեշտել, որ այս փաստաթղթում օգտագործված են համահայկական հռչակագրի հիմնական դրույթները, ինչը ևս մեկ անգամ ապացուցում է, որ համահայկական հռչակագիրը  կիրառական բնույթի լրջագույն փաստաթուղթ է:

Վստահաբար սա խոշոր հաջողություն կարելի է դիտարկել, բայց ոչ թե հանգիստ շունչ քաշելու տրամադրվածությամբ, այլ հետագա աշխատանքները այդ հունով շարունակելու համար»,- նկատեց Արմեն Աշոտյանը, և հավելեց, որ իհարկե պատահական չէ, որ այս բանաձևը ընդունվել է այսօր`  ոգեկոչման միջոցառումներից մոտ մեկ ամիս առաջ և կրում է շատ խորհրդանշական վերնագիր`  «Հայոց ցեղասպանությունը և Եվրոպական արժեքները»:

Բնական է, որ թուրքական քաղաքականությունից դժվար է ակնկալել որևէ քայլ,  որը կարող էր հույս ներշնչել,  որ Թուրքիան եվրոպականանում է,  և պատրաստ է առերեսվել իր անցյալին և անցյալը հաղթահարելով կառուցել նոր հարաբերություններ իր հարևաններից մեկի`  Հայաստանի հետ:  Հասկանալով, որ սա ուղիղ հարված է Թուրքիային, բնական է, որ կանխատեսելի են թուրքական քաղաքական շրջանակների արձագանքները, հակազդեցությունն  այս ուղղությամբ, բայց նաև ակնհայտ է, որ Թուրքիան բավականին լուրջ հարված ստացավ նաև այսօրվա բանաձևով, քանի որ,  նաև իրեն ուղված բազմաթիվ  կոչեր կան այնտեղ: Սակայն իրականում նպատակը Թուրքիային հարվածելը չէր , այլ  օգնել թուրք հասարակությանը,  առերեսելով սեփական անցյալին,  կառուցել իրական եվրոպական ապագա`  նաև իր հարևանների հետ տարվող քաղաքականության շրջանակներում:

Հայոց ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին շուրջ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Արևմուտքի քննադատություններին։

Հայոց ցեղասպանության փաստը ճանաչել են բազմաթիվ երկրներ, մասնավորապես` Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։ --0—

Loading...
Թեմատիկ նյութեր
Բաժնի այլ նյութեր
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը:
12:15
12 Հոկտեմբերի 2017
Հայաստանը ՌԴ–ից 100 մլն դոլարի պետական արտահանման վարկ կստանա
Վարկը տրամադրվելում է տարեկան 3% տոկոսադրույքով, 15 տարի մարման ժամկետով։
16:27
09 Հոկտեմբերի 2017
Անկարան կարող է հրաժարվել С-400-ի գնումից, եթե Մոսկվան մերժի համատեղ արտադրությունը
Անկարան կարող է հրաժարվել Մոսկվայից զենիթահրթիռային С-400 կամակարգերի գնումից:
13:59
08 Հոկտեմբերի 2017
Համանախագահներ. Հայաստանը և Ադրբեջանը վերահաստատել են բանակցությունները վերսկսելու պատրաստակամությունը
ԵԱՀԿ Մինսկի խմբի համանախագահները հաղորդագրություն են տարածել:
17:20
06 Հոկտեմբերի 2017
ԵԽԽՎ նախագահ Պեդրո Ագրամունտը հրաժարական է տվել
Պեդրո Ագրամունտը հեռանում է ԵԽԽՎ նախագահի պաշտոնից: