483.87
+0.05
519.53
-2.51
8.59
+0.1
+6
Եղանակը Երևանում
Հայ
ՀՀԿ–ԲՀԿ առճակատումից պետք է հետևություններ անել` երկրում սոցիալ- տնտեսական և քաղաքական բնույթի բազում խնդիրներ կան. քաղաքագետ
20:40
27 Փետրվարի 2015

ԵՐԵՎԱՆ, 27 փետրվարի. /Նովոստի–Արմենիա/. Հայաստանի Հանրապետական կուսակցության և «Բարգավաճ Հայաստան» կուսակցության առճակատումից պետք է հետևություններ անել` երկրում սոցիալ- տնտեսական և քաղաքական բնույթի բազում խնդիրներ կան, «Սպուտնիկ-Արմենիա» ռադիոկայանի հետ զրույցում ասել է Քաղաքական գիտությունների թեկնածու, դոցենտ Խաչիկ Գալստյանը:

Ըստ նրա` պատճառն ամենևին էլ Գագիկ Ծառուկյան քաղաքական գործիչը չէր: «Խնդիրն ավելի խորքային է: Կողմերը պետք է ընդունեին այդ փաստը»,-ընդգծել է Գալստյանը եւ հավելել է, որ հանդիպման մանրամասները կարող էին եւ գաղտնի պահվել, բայց կողմերը պետք է հայտարարեին, որ ընդունում են խնդրի առկայությունը և հրապարակային քաղաքական գործունեությամբ են փորձում լուծել: «Սա, բնականաբար, ողջունելի կլիներ, և մեծ քայլ կլիներ դեպի ժողովրդավարական քաղաքական մշակույթի կայացում: Մենք դա չունեցանք»,- արձանագրել է նա:

Փետրվարի կեսին սրվել էին ՀՀ նախագահ Սերժ Սարգսյանի և ԲՀԿ առաջնորդ Գագիկ Ծառուկյանի հարաբերությունները։ Փետրվարի 12-ին ելույթ ունենալով ՀՀԿ–ի խորհրդի նիստում`ՀՀ նախագահ Սերժ Սարգսյանը կոշտ քննադատության էր ենթարկել Ծառուկյանի գործունեությունը` հայտարարելով, որ Գագիկ Ծառուկյան քաղաքական դերակատարը երկրի համար դարձել է չարիք։ ՀՀ նախագահը նաև հանձնարարել էր բացահայտել Ծառուկյանի` խորհրդարանի նիստերից պարբերաբար բացակայելու պատճառները, քանի որ Ծառուկյանը 2013–2014թթ.–ին Ազգային ժողովի 145 նիստից մասնակցել է միայն չորսին, ինչպես նաև ստուգել Ծառուկյանի` միլիարդավոր դրամի հարկերը չվճարելու մասին խոսակցությունները։

ԲՀԿ առաջնորդ Գագիկ Ծառուկյանն իր հերթին հայտարարել էր, որ Սարգսյանի հայտարարությունների պատճառն իր հրաժարվելն է իրեն առաջարկված  համագործակցության բազմաթիվ տարբերակներից, անձնական շահեկան առաջարկներից։

Քաղաքական ներկա գործընթացները, դիտարկելով քաղաքական հակամարտության հանգուցալուծման տեսանկյունից, քաղաքագետը ողջունելի է համարել կողմերի ընդունած որոշումները, ինչի արդյունքում եղավ խաղաղ հանգուցալուծում: «Այդ զարգացումներում չունեցանք վատթարագույն սցենարներ, մեկ կամ մի քանի հանդիպումների արդյունքում ներքաղաքական լարվածությունն էականորեն թուլացավ: Գոնե մենք չտեսանք փողոցային դիմակայություն, արյունահեղություն, ինչը պետք է գնահատվի դրական»,-ընդգծել է Գալստյանը՝ այդ ամենը վերագրելով քաղաքական գործիչների խոհեմությանը և առողջ բանականությանը:

Քաղաքագետը նշել է, որ Հայաստանի քաղաքական համակարգը դեռեւս գտնվում է կայացման ու կայունացման փուլում, և քաղաքական համակարգի շատ ինստիտուտների նման կուսակցական համակարգ ևս այդ ընթացքի մեջ է: Նա նաեւ համոզմունք է հայտնել, որ ԲՀԿ-ն դեռ ասելու է իր խոսքը: «Այս հարաբերական դադարը կօգտագործվի, երևի թե, ինչպես նշել են՝ նոր ռազմավարություն, նոր ուղեգիծ որդեգրելու համար: Դրա ետևում կան հարյուր հազարավոր չկողմնորոշված քաղաքացիներ, որոնք սպասում են, թե ինչ կասեն կուսակցության առաջնորդները»,-կարծիք է հայտնել նա:

Ներքաղաքական վերջին խմորումների մեջ քաղաքագետը չի բացառում նաև սուբյեկտիվ գործոնների առկայությունը, թաքնված անձնական գործոնները, սակայն միեւնույն ժամանակ այդ ամենը պայմանավորում է նաև հասունացած քաղաքական իրադրությամբ:

Փետրվարի 20–ին ԲՀԿ–ն նախատեսում էր մյուս ընդդիմադիր ուժերի` ՀԱԿ–ի և «Ժառանգության» հետ համատեղ հանրահավաք անցկացնել, սակայն հանրահավաքից երկու օր առաջ կուսակցությունը հայտարարեց, որ չեղյալ է հայտարարում այդ ակցիան, իսկ Ծառուկյանը կոչ արեց հայրենակիցներին երկրում առաջացած բոլոր խնդիրները լուծել խաղաղ, օրինական, քաղաքական ճանապարհով։ –0–


 

Loading...
Թեմատիկ նյութեր

Բաժնի այլ նյութեր
19:02
30 Մարտի 2017
Հայ քաղաքագետը հայտնել է առաջիկա ընտրությունների հիմնական ինտրիգը
Քաղաքագետ Սերգեյ Մինասյանը հայտնել է խորհրդարանական ընտրությունների` փորձագիտական հանրությանը հետաքրքրող հիմնական ինտրիգը։
19:40
27 Մարտի 2017
Հայաստանի և Ադրբեջանի ԱԳՆ ղեկավարները բարձր մակարդակով հանդիպում են նախապատրաստում. Հոգլանդ
Հայաստանի և Ադրբեջանի արտաքին գործերի նախարարները բարձր մակարդակով հանդիպում են նախապատրաստում:
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։