486.7
-0.08
515.12
-0.38
8.43
+0.02
+7
Եղանակը Երևանում
Հայ
2015թ.–ի ձմեռը Հայաստանում կարելի է թեժ որակել քաղաքական տեսանկյունից. քաղաքագետ
14:51
05 Փետրվարի 2015

ԵՐԵՎԱՆ, 5 փետրվարի. /Նովոստի–Արմենիա/. 2015թ.–ի ձմեռը Հայաստանում կարելի է թեժ որակել քաղաքական տեսանկյունից, հինգշաբթի լրագրողներին ասաց ԱՊՀ երկրների ինստիտուտի հայկական մասնաճյուղի տնօրեն, քաղաքագետ Ալեքսանդր Մարկարովը։

«Վերջին մի քանի շաբաթվա ընթացքում մենք բախվեցինք քաղաքական իրադարձությունների, որոնք թեժ քննարկումների հիմք ստեղծեցին», – հինգշաբթի լրագրողներին ասաց Մարկարովը։

Նրա խոսքով` հասարակության ուշադրության կենտրոնում առաջին հերթին Գյումրիում յոթ մարդկանց դաժան սպանությունն էր, իսկ երկրորդը` ղարաբաղյան սահմանին տեղի ունեցող իրադարձությունները։

Փորձագետի խոսքով` ժամանակագրական կարգով առաջին խնդիրը, որին հարկավոր է ուշադրություն դարձնել, հայ–ադրբեջանական սահմանին գրանցվող լարվածությունն է և դրա հետ կապված խնդիրները, որոնք անդրադարձել են ԵԱՀԿ ՄԽ համանախագահների հայտարարության մեջ, որը հաջորդել է Ադրբեջանի ԱԳ նախարար Էլմար Մամեդյարովի հետ հանդիպմանը։

Հունվարի 27–ին ԵԱՀԿ ՄԽ համանախագահները Մամեդյարովի հետ հանդիպումից հետո հայտարարություն են տարածել, որում կոչ են արել Ադրբեջանին պահպանել ղարաբաղյան հակամարտության խաղաղ կարգավորման պարտավորությունները` նման կերպով խախտելով «հավասարակշռված» տոնայնության ավանդույթը։

Համանախագահների հայտարարության մեջ նշվում է, որ նրանք նախարարին են հայտնել իրենց մտահոգությունը շփման գծում և հայ-ադրբեջանական սահմանագծում արձանագրվող դեպքերի առնչությամբ, որոնք հանգեցնում են նաև զոհերի: Այնուհետև նշել են, որ անհրաժեշտ է դադարեցնել դեռևս նախորդ տարվանից սկիզբ առած բռնությունների աճը վստահության վերականգնման հնարավորություն ստեղծելու և ղարաբաղյան հակամարտության կարգավորման խաղաղ գործընթացում առաջընթաց ձեռք բերելու համար։

«Եթե վերադառնանք ղարաբաղյան սահմանի վրա կոնֆլիկտային իրավիճակի հարցին և հայկական կողմի հայտարարություններին այն մասին, որ մենք արդեն պատրաստ ենք ակտիվ միջոցառումների իրականացմանը, ապա դա ինչ–որ իմաստով աշխարհայացքի փոփոխություն է։ Մենք արդեն բախվել ենք այնպիսի դեպքերի հետ, երբ մեր կողմից կիրառվող կանխարգելիչ միջոցառումները Ադրբեջանի ագրեսիայի կանխման միջոց են եղել», – նշեց քաղաքագետը։

Մարկարովի խոսքով` օգտագործելով «ագրեսիա» բառը` մենք վերադառնում ենք ԵԱՀԿ ՄԽ համանախագահների հայտարարությանը, որում Ադրբեջանին փաստորեն մեղադրել են ագրեսիայի մեջ` ի տարբերություն ավելի վաղ հնչած քաղաքականորեն հավասարակշռված ձևակերպումների։

«Երկար ժամանակահատվածում առաջին անգամ միտք հնչեց, որ Ադրբեջանը ներխուժում է շփման գծից այն կողմ։ Ներխուժումն իր հերթին ենթադրում է ագրեսիայի ակտ, չնայած «ագրեսիա» բառն ինքնին չի օգտագործվել», – ասաց Մարկարովը։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։