487.57
+0.28
567.63
-0.45
8.2
-0.03
+12
Եղանակը Երևանում
Հայ
Հայաստանի նախագահին Թուրքիա հրավիրելով` Անկարան փորձում է թուլացնել Հայոց ցեղասպանության 100–ամյա տարելիցի նշանակությունը. փորձագետ
18:54
26 Հունվարի 2015

ԵՐԵՎԱՆ, 26 հունվարի. /Նովոստի–Արմենիա/. Հայաստանի նախագահի Սերժ Սարգսյանին Թուրքիա հրավիրելով` Անկարան փորձում է թուլացնել Հայոց ցեղասպանության 100–ամյա տարելիցի նշանակությունը, երկուշաբթի լրագրողներին հայտնեց թուրքագետ Արտակ Շաքարյանը։

Ավելի վաղ թուրքական մամուլը հայտնել էր, որ Էրդողանը Սարգսյանին հրավիրել է Գալիպոլիի ճակատամարտի 100–ամյակի տոնակատարություններին` ապրիլի 23-24–ին։ Նախագահ Սարգսյանը պատասխանել էր այդ հրավերին` ընդգծելով, որ դա նպատակ ունի շեղել միջազգային հանրության ուշադրությունը Հայոց ցեղասպանության 100–ամյա տարելիցին նվիրված միջոցառումներից։

«Էրդողանի ուղարկած հրավերը զարմանալի չէր, քանի որ Թուրքիան 2013 թվականից էր ծրագրում այդ միջոցառումը։ Մեզ համար ամենազարմանալին այն էր, որ 102 հրավիրված երկրների շարքում կար նաև Հայաստանը։ Բնականաբար, այդ քայլն Էրդողանի կողմից քաղաքական հետաքրքիր քայլ էր, որի նպատակը լրացուցիչ աղմուկ բարձրացնելն էր, որպեսզի ինչ–որ չափով խլացնի Հայոց ցեղասպանության 100–ամյա տարելիցը»,– ավելացրեց Շաքարյանը։

Նա հույս հայտնեց, որ այս տարի Հայոց ցեղասպանության 100–ամյա տարելիցի հետ կապված միջոցառումները Հայաստանում չեն սահմանափակվի միայն ապրիլի 24–ով։

«Բացի ապրիլի 24–ից, այս տարի հատկանշական է նաև մայիսի 3–ը` Վանի ճակատամարտի (Վանի ինքնապաշտպանություն) հաղթանակի 100–ամյակը։ Դա պատմության շատ կարևոր իրադարձություն է, որն ուշադրության է արժանի»,– ավելացրեց թուրքագետը։

Խոսելով ապրիլի 23–ին սպասվող Էրդողանի ելույթի մասին` Շաքարյանն ասաց, որ շատերին է հետաքրքրում` կտարբերվի՞ նրա խոսքը նախորդներից, թե ոչ։

«Հենց այդ պատճառով էլ երկու շաբաթ առաջ Թուրքիայում սոցիալական հարցում է անցկացվել... Հարցվածների մոտ 4-8 տոկոսը պահանջել է Էրդողանից ճանաչել Հայոց ցեղասպանությունը, ավելի քան 30 տոկոսը կողմ է, որ նա 1915 թվականին զոհված հայերի և թուրքերի կապակցությամբ ցավակցություն հայտնի` առանց «ցեղասպանություն» բառի և հասցեական ներողությունների»,– ասաց Շաքարյանը։

«Նշեմ, որ այս տարի հունիսին Թուրքիայում խորհրդարանական ընտրություններ են լինելու, և Էրդողանը կանի ամեն ինչ` հաղթելու համար, քանի որ դրանից է կախված իր քաղաքական ապագան։ Վստահ կարող եմ ասել, որ Էրդողանը չի անի ոչինչ, ինչը կարող էր ազդել նրա հաղթանակի վրա։ Եվ դա նշանակում է, որ ապրիլի 23-24–ի նրա քայլերը չեն հակասի Թուրքիայում ընդունված հասարակական կարծիքին»,– ավելացրեց փորձագետը։

Հայաստանի և Թուրքիայի միջև բացակայում են դիվանագիտական հարաբերությունները, իսկ հայ-թուրքական սահմանը պաշտոնական Անկարայի նախաձեռնությամբ փակ է 1993 թվից: Երկու երկրի միջև բարդ հարաբերությունները պայմանավորված են մի շարք հանգամանքներով, որոնք կապված են, մասնավորապես, Անկարայի՝ ադրբեջանական դիրքորոշման պաշտպանությամբ ղարաբաղյան հարցում, ինչպես նաև Թուրքիայի սուր արձագանքի հետ 1915 թվականին Օսմանյան կայսրությունում Հայոց ցեղասպանության միջազգային ճանաչման հետ կապված։

Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։ 2009 թ.–ի հոկտեմբերի 10–ին Հայաստանի և Թուրքիայի արտգործնախարարները Ցյուրիխում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման արձանագրությունը», որոնք պետք է վավերացվեին երկու երկրների խորհրդարանների կողմից։ Սակայն 2010թ.–ի ապրիլի 22–ին Սարգսյանը հայ–թուրքական արձանագրությունների վավերացման գործընթացը դադարեցնելու մասին հրամանագիր ստորագրեց` հայտարարելով, որ Թուրքիան պատրաստ չէ շարունակել սկսած գործընթացը։ Արձանագրությունների վավերացման գործընթացը սառեցված վիճակում է։

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։