484.04
+0.53
521.46
-0.05
8.41
+0.05
+11
Եղանակը Երևանում
Հայ
Փորձագետները քիչ հավանական են համարում պատերազմի վերսկսումը
18:38
26 Հունվարի 2015

ԵՐԵՎԱՆ, 26 հունվարի. /Նովոստի–Արմենիա/. Երկուշաբթի Մեդիա կենտրոնում մի քանի փորձագետներ հայ-ադրբեջանական սահմանին հրադադարի ռեժիմի պարբերաբար խախտման դեպքերին նվիրված քննարկման ժամանակ քիչ հավանական համարեցին լայնածավալ ռազմական գործողությունների վերսկսումը ղարաբաղյան հակամարտության գոտում։

Ընթացիկ տարվա հունվարի սկզբից հայ–ադրբեջանական և ադրբեջանա–ղարաբաղյան շփումների գծերում լարված իրավիճակ է ստեղծվել։ Չեն դադարում դիվերսիոն ակցիաներն ադրբեջանական ԶՈՒ կողմից, երկու կողմերն ունեն վիրավորներ և զոհեր։

Ինչպես նշեց Տարածաշրջանային հետազոտությունների կենտրոնի տնօրեն Ռիչարդ Գիրագոսյանը, թեև երկար տարիների ընթացքում մեծ ներդրումներ են կատարվել Ադրբեջանի ռազմական ոլորտում, սակայն, ինչպես ցույց տվեցին վերջին զարգացումները, կարևոր են ոչ թե ներդրումները, այլ` արդյունավետությունը։

«Այդ առումով Հայաստանի պաշտպանական դիրքորոշումը շատ ավելի ուժեղ է, քան Ադրբեջանի հավանական ագրեսիվ ոտնձգությունները»,– ընդգծեց նա։

Գիրագոսյանի խոսքով` պաշտոնական պատերազմի ռիսկը փոքր է, սակայն գոյություն ունի «պատահական պատերազմի» գործոնի ռիսկը Բաքվի սխալ հաշվարկների հետևանքով։

Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանն էլ ընդգծեց, որ հրադադարի ռեժիմի սահմանման պահից քսան տարվա ընթացքում Հայաստանը և Ադրբեջանն իրենք են վերահսկել շփման գծի իրավիճակը։

«Մենք պետք է հասկանանք, որ այստեղ երրորդ դերակատարի հայտնվելը չափազանց անցանկալի է։ Դա պետք է հասկանան և՛ Երևանը, և՛ Բաքուն, քանի որ նրանց ձեռնտու չէ երրորդ ուժի հայտնվելը»,– ասաց Գրիգորյանը։

«Ժառանգություն» կուսակցության պատգամավոր Թևան Պողոսյանն իր հերթին ընդգծեց, որ ղարաբաղյան խնդրի լուծման միակ բանալին կարող է լինել Բաքվի անմիջական բանակցությունները Ստեփանակերտի հետ։

«Քանի դեռ Բաքվում դա չեն հասկանում` լարվածությունը կպահպանվի։ Այն, ինչ այսօր կատարվում է Ադրբեջանում, ավելի է բարդացնում բանակցությունների միջոցով հակամարտության լուծման հնարավորությունը։ Մոտեցումները պետք է փոխվեն, հատկապես` Բաքվում»,– ավելացրեց նա։

Պատգամավորը նշեց, որ լարվածության աճը սահմանում պետք է դիտարկել նաև Հայոց ցեղասպանության 100–ամյակի համատեքստում։

«Ադրբեջանն օգնում է իր ավագ եղբորը (Թուրքիային)։ Այդ լարվածությունը կանխատեսելի էր և սպասելի։ Բացի այդ, նավթի գները նվազում են, և Ադրբեջանը կորցնում է իր արժեքը Եվրոպայի համար, այդ պատճառով էլ փորձում է ինչ–որ կերպ իրավիճակից դուրս գալ»,– ընդգծեց նա։

Քննարկմանը տեսակապի միջոցով մասնակցող ադրբեջանցի լրագրող, քաղաքագետ Շահին Ռզաևն ընդգծեց, որ ռազմական լայնածավալ գործողությունների վերսկսումը քիչ հավանական է, բայց շփման գծում լարվածությունը դեռ կպահպանվի։

«Ի տարբերություն Հայաստանի, Ադրբեջանում կարծում են, որ պատերազմը չի ավարտվել, այդ պատճառով ավելի հանգիստ են վերաբերվում սահմանում առկա լարվածության և զոհերի մասին հաղորդումներին»,– ավելացրեց նա։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր

Բաժնի այլ նյութեր
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։