483.58
+0.74
513.85
-7.76
7.67
+0.05
-6
Եղանակը Երևանում
Հայ
ԱՄՆ–ում ռասսայական խտրականության հետ կապված խնդիրներ կան, սակայն գոյություն ունեն ավելի կարևոր հարցեր. փորձագետ
12:36
23 Հունվարի 2015

ԵՐԵՎԱՆ, 23 հունվարի. /Նովոստի–Արմենիա/. ԱՄՆ–ում ռասսայական խտրականության հետ կապված խնդիրներ կան, սակայն այդ երկրում գոյություն ունեն ավելի կարևոր հարցեր։ Այս մասին «Sputnik-Արմենիա» ռադիոյին տված հարցազրույցում ասել է քաղաքագետ Գևորգ Մելիքյանը` մեկնաբանելով «Ռոսիա սեգոդնյա» ՄԼԳ–ի պատվերով ICM Research գործակալության կողմից անցկացված հարցման արդյունքները։

Պատասխանելով այն հարցին, թե համաձա՞յն են նրանք այն պնդման հետ, որ միջռասսայական և միջէթնիկ տարաձայնություններն այսօր ամերիկյան հասարակության ամենասուր խնդիրներից են` ամերիկացիների 67 տոկոսը պատասխանել է «ամբողջությամբ համաձայն եմ» կամ «ավելի շատ համաձայն եմ»։ Բացասական պատասխան է տվել հարցվածների 21 տոկոսը։

Մելիքյանի խոսքերով` ռասսայական խտրականությունը ցանկացած զարգացած, քաղաքակիրթ երկրի խնդիրն է, որտեղ մարդու իրավունքները կարևորագույն և առանցքային դերակատարություն ունեն հասարակության կայացման և զարգացման գործում։

«Սակայն կարծում եմ, որ հարցվածները փոքր ինչ չափազանցրել են այն փաստը, որ այսօր դա ԱՄՆ–ի ամենակարևոր խնդիրներն են։ Այսօր Միացյալ Նահանգներում շատ են ավելի կարևոր խնդիրները, քան միջէթնիկ հակասությունները, դրանք ունեն սոցիալ–տնտեսական բնույթ։ Աճել է գործազուրկների և նպաստ ստացողների թիվը։ Սակայն այո, Միացյալ Նահանգներում ռասսայական խտրականության հետ կապված խնդիրներ կան, քանի որ ԱՄՆ–ն ինքնին ձևավորվել է` որպես պետական միավորում, որը բաղկացած է բազմաթիվ, բազմազան էթնոսներից, որը տարբեր փուլերի միջով է անցել», – ասել է փորձագետը։

Նրա խոսքերով` հավանական է, որ ԱՄՆ–ում խնդիրների ամենակարևոր մասը վերաբերում է խտրականության սոցիալական դրսևորումներին։ «Հնարավոր է, որ երկու հավասար թեկնածուների աշխատանքի ընդունելիս նախապատվությունն առանց որևէ հիմնավորման կտրվի սպիտակամորթ թեկնածուին», – կարծում է փորձագետը։

Ինչ վերաբերում է նախորդ տարվա նոյեմբերին տեղի ունեցած իրադարձություններին, ապա, փորձագետի խոսքերով, Միացյալ Նահանգների հասարակությունը միշտ չէ, որ գոհ է ոստիկանության աշխատանքից։

«Կան դժգոհություններ, և այո, սևամորթները տարբեր հարթակներում միշտ բարձրաձայնել են այդ մասին, փորձել են պաշտպանել իրենց իրավունքները։ Սակայն հնարավոր է` սխալ է այդ խնդիրը տարածել ամերիկյան ողջ հասարակության վրա», – ասել է փորձագետը։

Հարցումն անցկացվել է ԱՄՆ–ում ICM Research գործակալության կողմից «Ռոսիա սեգոդնյա» ՄԼԳ–ի պատվերով նախորդ տարվա դեկտեմբերի 5–ից 17–ն ընկած ժամանակահատվածում։ Հարցմանը մասնակցել է ավելի քան հազար մարդ, ընտրությունը կատարվել է` ըստ սեռի, տարիքի և աշխարհագրության։

ԱՄՆ–ում նախորդ տարվա նոյեմբերին և դեկտեմբերին զանգվածային բողոքի ակցիաներ էին կազմակերպվել, որոնք կապված էին ոստիկանական անհիմն բռնության զոհերի հետ։ Ամերիկյան հասարակության մեջ դժգոհության ալիք էր բարձրացրել, մասնավորապես, աֆրոամերիկացի Էրիկ Գարների մահը, ով խեղդամահ էր արվել Նյու Յորքում ձերբակալման ժամանակ և Մայքլ Բրաունի մահը, ով գնդակահարվել էր ոստիկանի կողմից Միսուրի նահանգում։–0–

Loading...
Թեմատիկ նյութեր
Բաժնի այլ նյութեր
20:43
09 Դեկտեմբերի 2016
Հայաստանի և Ադրբեջանի ղեկավարների հանդիպման հնարավորությունը չի բացառվում. Նալբանդյան
Հայաստանի և Ադրբեջանի նախագահների Սերժ Սարգսյանի և Իլհամ Ալիևի հանդիպումը չի բացառվում:
16:43
09 Դեկտեմբերի 2016
Նախագահ Սարգսյանը կգլխավորի ՀՀԿ նախընտրական ցուցակը
ՀՀ նախագահ, Հայաստանի իշխող կուսակցության նախագահ Սերժ Սարգսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
16:32
09 Դեկտեմբերի 2016
Հայաստանի առաջին նախագահը կգլխավորի ՀԱԿ–ի ցուցակը 2017թ.–ի ընտրություններում. խմբակցության ղեկավար
Հայ ազգային կոնգրես կուսակցության նախագահ, ՀՀ առաջին նախագահ Լևոն Տեր-Պետրոսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
12:39
09 Դեկտեմբերի 2016
ՀՀԿ-ում բոլորը «փշերի» վրա են
Այսօր մամուլն արդեն գրում է, թե ովքեր են լինելու ՀՀԿ ցուցակում, և ովքեր են դուրս մնալու:
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը: