484.11
-0.64
570.43
-1.33
8.23
+0.04
-3
Եղանակը Երևանում
Հայ
Անկարան ամենալկտի ձևով խոչընդոտում է Հայոց ցեղասպանության ճանաչման գործընթացին
21:59
21 Հունվարի 2015

ԵՐԵՎԱՆ, 21 հունվարի. /Նովոստի–Արմենիա/. Անկարան ամենալկտի ձևով խոչընդոտում է Հայոց ցեղասպանության ճանաչման գործընթացին, «Sputnik-Արմենիա» ռադիոկայանին տված հարցազրույցում ասաց Հայաստանի գիտությունների ազգային ակադեմիայի Արևելագիտության ինստիտուտի տնօրեն Ռուբեն Սաֆրաստյանը։

Ըստ նրա, Թուրքիան փորձում է խանգարել Հայոց ցեղասպանության ճանաչման գործընթացին` օգտագործելով պատմական իրադարձությունները, մասնավորապես, Գալիպոլիի ճակատամարտը, և նույնիսկ փոխելով դրա ամսաթիվը։

Ավելի վաղ թուրքական մամուլը տեղեկացրել էր, որ Էրդողանը հրավիրել է Սարգսյանին ապրիլի 23–24–ը մասնակցել Գալիպոլիի ճակատամարտի հարյուրամյակի հիշատակի միջոցառումներին։ Նախորդ շաբաթ Սարգսյանը պատասխանել է այդ հրավերին` ընդգծելով, որ այն  համաշխարհային հանրության ուշադրությունը Հայոց ցեղասպանության 100-ամյա տարելիցի միջոցառումներից շեղելու պարզունակ նպատակ է հետապնդում։

«Որևէ նախադրյալ չեմ տեսնում թուրքական կողմից հարաբերությունները բարելավելու համար։ Հակառակը, մենք տեսնում ենք, որ վերջին ժամանակներում թուրքական պաշտոնական շրջանակներում ուժեղացել է Հայոց ցեղասպանության ճանաչման գործընթացը կասեցնելուն ուղղված քարոզչությունը հարյուրամյա տարելիցի նախաշեմին»,– ասաց Սաֆրաստյանը։

Փորձագետը կարծում է, որ Թուրքիայի ղեկավարությունը, մասնավորապես, Դավութօղլուն և Էրդողանը, օգտագործում են ձևակերպումներ, որոնք, կարծես թե, բխում են ժամանակակից աշխարհընկալման ընդհանուր օրինաչափություններից, և միջազգային հանրությունը կարող է դրական ընկալել նրանց դիրքորոշումը։ «Սակայն իրականում այդ ձևակերպումներն օգտագործվում են Ցեղասպանությունը ժխտելու համար»,– նշեց Սաֆրաստյանը։

«Մեզ պետք է ակտիվ լինել միջազգային ասպարեզում։ Անհրաժեշտ է բացահայտել բոլոր հնարքները, որոնք օգտագործում է թուրքական պաշտոնական քարոզչությունը, ինչպես նաև մեր տեսակետը հասանելի դարձնել համաշխարհային հանրության համար։ Շատ կարևոր հանգամանքն է այն, որ մեր տեսակետը ոչ թե պարզապես դիրքորոշում է, այլ պատմական փաստ։ Ամենակարևորը, որ մեր ճշմարտությունը ներկայացվի աշխարհին տարբեր լեզուներով և պետական մակարդակով։ Հայկական տեսակետը պետք է ներկայացնեն ժամանակակից աշխարհում հեղինակություն ունեցող մարդիկ։ Մեր դիրքորոշումը պետո էվ հիմնված լինի պնդումների, բայց նաև պատմական փաստերի վրա»,– նշեց Սաֆրաստյանը։

Ըստ նրա, հայերը պետք է սովորեն օգտագործել այն լեզուն, որը հասկանալի է ժամանակակից աշխարհում, ժամանակակից մարդկանց և հասարակությանը։

«Դավութօղլուն ասել է, որ պետք է խախտել արգելքը։ Այդ բոլոր ձևակերպումները փոխում են իմաստները, բոլոր օգտագործվող արտահայտությունները բխում են նույն շահերից։ Մենք էլ պետք է կարողանանք հանդես գալ նմանատիպ ձևակերպումներով»,– նշեց Սաֆրաստյանը։

Ավելի վաղ Թուրքիայի վարչապետ Ահմետ Դավութօղլուն արտահայտվել էր 2015 թվականին թուրք–հայկական հարաբերությունների բարելավման օգտին` կոչ անելով ջանքեր գործադրել նոր խաղաղություն կառուցելու համար։

Հայաստանի և Թուրքիայի միջև բացակայում են դիվանագիտական հարաբերությունները, իսկ 1993 թվականից պաշտոնական Անկարայի նախաձեռնությամբ փակվել է հայ-թուրքական սահմանը: Պետության միջև բարդ հարաբերությունները պայմանավորված են մի շարք հանգամանքներով, մասնավորապես, Անկարայի` ղարաբաղյան խնդրում ադրբեջանական կողմի դիրքորոշմանը սատարելու և Օսմանյան կայսրությունում 1915 թվականի Հայոց ցեղասպանության միջազգային ճանաչման գործընթացի վերաբերյալ Թուրքիայի սուր արձագանքի հետ։

Հայաստանի և Թուրքիայի հարաբերությունների բարելավումը 2008 թվականի աշնանը նախաձեռնեց Հայաստանի նախագահ Սերժ Սարգսյանը։ 2009 թվականի հոկտեմբերի 10-ին Ցյուրիխի համալսարանում ստորագրեցին  «Դիվանագիտական հարաբերություններ հաստատելու մասին արձանագրությունը» և «Երկկողմ հարաբերությունների զարգացման մասին արձանագրությունը», որոնք պետք է հաստատվեին երկու երկրի խորհրդարաններում: Սակայն 2010 թվականի ապրիլի 22–ին Սարգսյանը հրաման ստորագրեց հայ–թուրքական արձանագրությունների գործընթացի սառեցման մասին` հայտարարելով, որ Թուրքիան պատրաստ չէ շարունակել սկսած գործընթացը։ Արձանագրությունների վավերացման հարցը սառեցված վիճակում է։ -0-

Loading...
Թեմատիկ նյութեր
Բաժնի այլ նյութեր
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ: