483.58
+0.74
513.85
-7.76
7.67
+0.05
+3
Եղանակը Երևանում
Հայ
Գյումրիում կատարված ողբերգության քննությունը պետք է բաց լինի. ռուս փորձագետ
17:25
15 Հունվարի 2015

ԵՐԵՎԱՆ, 15 հունվարի. /Նովոստի–Արմենիա/. Գյումրիում կատարված ողբերգության քննությունը պետք է բաց լինի, այդ մասին «Sputnik-Արմենիա» ռադիոկայանի հետ զրույցում ասել է ռուս փորձագետ և հրապարակախոս Դենիս Դվորնիկովը։ Նա նախօրեին մասնակցել է Ռուսաստանի Դաշնությունում Հայաստանի դեսպանության մոտ անցկացված սգո ակցիային։

Ոստիկանության տվյալների համաձայն, հունվարի 12–ի առավոտյան ինքնաձիգից արձակած կրակոցներից սպանվել են նույն ընտանիքի անդամները` 1961թ.–ին ծնված Սերյոժա Ավետիսյանը, 1959թ.–ին ծնված Հասմիկ Ավետիսյանը, 1979թ.–ին ծնված Աիդա Ավետիսյանը, 1981թ.–ին ծնված Արմեն Ավետիսյանը, 1990թ.–ին ծնված Արաքսյա Պողոսյանը և Հասմիկ Ավետիսյանը։ Միակ ողջ մնացած վեց ամսական Սերյոժա Ավետիսյանին նախօրեին վիրահատել են Գյումրու ավստրիական մանկական հիվանդանոցում։ Այս պահին Սերյոժա Ավետիսյանը Երևանի «Սուրբ Աստվածամայր» հիվանդանոցում է, երեխայի վիճակը գնահատվում է կայուն ծանր։

Ըստ նախնական տվյալների՝ հանցագործությունը կատարել է ժամկետային զինծառայող Վալերի Պերմյակովը: Հունվարի 12–ին նա կամավոր լքել է զորամասը, ինչի կապակցությամբ նրա նկատմամբ հետախուզում էր հայտարարվել։ Հունվարի 13–ին Պերմյակովը ձերբակալվել էր սահմանային ջոկատի կողմից հայ–թուրքական սահմանն անօրինական կերպով հատելու փորձի ժամանակ և արդեն ընդունել է իր մեղքը։

«Ռուսաստանում այժմ այնպիսի տրամադրություն է, որ այստեղ էլ թույլ չեն տա պարզապես կոծկել այդ գործը։ Ես ավելի քան վստահ եմ, որ բոլոր նրանք, ովքեր անմիջապես կամ անուղղակի մեղավոր են կատարվածում, պատիժ կկրեն... Չէ՞ որ, այստեղ «խաղարկվում է» ոչ միայն Զինված ուժերի հեղինակությունը, այլ նաև ամբողջ երկրի հեղինակությունը, այդ իսկ պատճառով չեմ կարծում, որ ինչ–որ բան թաքցնեն, կոծկեն։ Բաց քննություն կլինի»,– նշեց Դվորնիկովը։

Ըստ նրա, գոյություն ունի զինվորական քննության ավանդույթ, և նրանք բավական դժվար են արտաքին շփում հաստատում։

«Բայց կարծում եմ, որ «վերևից» հրահանգ կլինի, որ գործընթացն առավելագույնս հասանելի լինի։ Որքան հասկանում եմ, քննությունը և հետագա դատական գործողությունները կանցկացվեն Հայաստանի տարածքում, այդ պատճառով էլ պետք է սպասենք արդյունքներին»,– ասաց Դվորնիկովը։

Նա նշեց, որ Ռուսաստանի Դաշնությունում Հայաստանի դեսպանության մոտ նախօրեին աշխատանքից հետո մարդիկ լուռ հավաքվել էին, ծաղիկներ, մոմեր և մանկական խաղալիքներ էին բերում։

«Մարդիկ անաղմուկ մոտենում էին մեքենաներով, ոտքով կամ մետրոյից։ Լուռ էր, և կարծես, մարդիկ միավորվում էին այդ վշտի շուրջ... Ես ընդհանրապես չեմ հասկանում, թե ինչպես կարող էր այդպիսի բան կատարվել»,– ասել է Դվորնիկովը։

Հրապարակախոսը ցավակցություն է հայտնել հայ ժողովրդին` ընդգծելով, որ լավ հասկանում է բոլոր զգացողություններ, էմոցիաները և այն, որ մարդիկ միասին են հավաքվում։

«Դա միանգամայն բնական արձագանք է։ Տարօրինակ կլիներ, եթե մարդիկ դրանից հետո դուրս չգային փողոցներ։ Կարելի է հասկանալ մարդկանց, հասկանալ նրանց զգացումները»,– նշել է Դվորնիկովը։

«Ամենաողբերգականն ու տխուրն այն է, որ մարդկանց չես վերադարձնի...»,– ավելացրել է հրապարակախոսը։ -0-

 

Loading...
Թեմատիկ նյութեր
Բաժնի այլ նյութեր
20:43
09 Դեկտեմբերի 2016
Հայաստանի և Ադրբեջանի ղեկավարների հանդիպման հնարավորությունը չի բացառվում. Նալբանդյան
Հայաստանի և Ադրբեջանի նախագահների Սերժ Սարգսյանի և Իլհամ Ալիևի հանդիպումը չի բացառվում:
16:43
09 Դեկտեմբերի 2016
Նախագահ Սարգսյանը կգլխավորի ՀՀԿ նախընտրական ցուցակը
ՀՀ նախագահ, Հայաստանի իշխող կուսակցության նախագահ Սերժ Սարգսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
16:32
09 Դեկտեմբերի 2016
Հայաստանի առաջին նախագահը կգլխավորի ՀԱԿ–ի ցուցակը 2017թ.–ի ընտրություններում. խմբակցության ղեկավար
Հայ ազգային կոնգրես կուսակցության նախագահ, ՀՀ առաջին նախագահ Լևոն Տեր-Պետրոսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
12:39
09 Դեկտեմբերի 2016
ՀՀԿ-ում բոլորը «փշերի» վրա են
Այսօր մամուլն արդեն գրում է, թե ովքեր են լինելու ՀՀԿ ցուցակում, և ովքեր են դուրս մնալու:
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը: