478.73
-0.03
561.07
+4.18
8.06
+0.07
+24
Եղանակը Երևանում
Հայ
Ադրբեջանը նոր ռազմավարություն է սկսել իրականացնել Հայաստանի և Արցախի դեմ. փորձագետ
18:19
12 Հունվարի 2015

ԵՐԵՎԱՆ, 12 հունվարի. /Նովոստի–Արմենիա/. Ադրբեջանը ոչ միայն Արցախի հետ շփման գծում, այլ նաև Հայաստանի հետ սահմանում իրավիճակը սրելու բոլորովին նոր ռազմավարություն է իրականացնում, երկուշաբթի լրագրողներին հայտնեց Միջազգային և պաշտպանական հարցերի հայկական ինստիտուտի ղեկավար Ստեփան Սաֆարյանը։

«Հունվարի սկզբից շփման գծում և երեկ Տավուշի մարզում կատարված իրադարձությունները խոսում են մի բանի մասին` Ադրբեջանը միանգամայն նոր ռազմավարություն է վարում։ Եթե նախորդ տարիներին նա սահմանափակվում էր Ղարաբաղի այս կամ այն դիրքի ամրապնդման ստուգումներով, իսկ ակտիվությունը դրսևորվում էր այնպիսի օրերին, ինչպիսիք են Խոջալուի իրադարձությունների տարելիցը, տարբեր շրջանների կորուստը և այլն, ապա այժմ պարբերաբար ուժեղանում է լարվածությունը ոչ միայն Ղարաբաղի հետ շփման գծում, այլ նաև նմանատիպ գործողություններ են իրագործվում Հայաստանի հետ սահմանին»,– ասաց Սաֆարյանը։

Ադրբեջանցի զինծառայողները նախորդ կիրակի` հունվարի 11–ին, Տավուշի մարզի Բաղանիս գյուղի մոտակայքում դիվերսիայի փորձ են կատարել։

Լեռնային Ղարաբաղի Հանրապետության ՊՆ մամուլի ծառայությունը հունվարի 3–ին հայտնել էր ԼՂՀ պաշտպանության բանակի երկու զինծառայողների մահվան մասին դիվերսանտների հարձակմանը հակահարված տալու ժամանակ։ Հունվարի 4–ի լույս 5–ի գիշերը հակառակորդը հրադադարի ռեժիմը խախտել էր 350 անգամ։ Տարբեր տրամաչափի հրազենից ԼՂՀ պաշտպանության բանակի ուղղությամբ ավելի քան 4500 կրակոց է արձակվել։ Բացի դիպուկահար զենքից, հակառակորդը կիրառել է նաև ականանետներ, նռնականետեր և ինքնաձիգեր։

Սաֆարյանի խոսքով, այս իրավիճակում ղարաբաղյան հակամարտության կարգավորման մասին խոսելն իմաստ չունի։ Ըստ նրա, ոչ միայն Հայաստանի և Լեռնային Ղարաբաղի, այլ նաև միջազգային հանրության համար թիվ մեկ խնդիրն թույլ չտալ Ադրբեջանին լայնածավալ ռազմական գործողություններ սկսել։

«Ադրբեջանի նախագահ Իլհամ Ալիևը բարկանում է, որովհետև ղարաբաղյան հակամարտության լուծումը խոշոր խաղացողների օրակարգում չէ։ Ինչպես և անցյալում, այնպես էլ հիմա Ալիևը փորձում է այնքան լարել իրավիճակը, որ Ուկրաինայի և Փարիզի իրադարձություններով զբաղված համաշխարհային առաջնորդները ոչ միայն չմոռանան ղարաբաղյան հակամարտության մասին, այլ նաև ընդգրկեն այն իրենց օրակարգում»,– նշեց Սաֆարյանը։

Փորձագետի կարծիքով, մյուս կողմից, Ադրբեջանի ակտիվացումը կապված է ԵՏՄ–ին Հայաստանի միացմամբ, քանի որ Ադրբեջանը չկարողացավ հասնել Հայաստանի և ԼՂՀ–ի հստակ բաժանման մաքսային և այլ հարցերում։

«Ալիևը փորձում է հակամարտության սրման միջոցով ստուգել Հայաստանի անվտանգության աստիճանը ԵՏՄ կազմում և որոշել, թե ինչ աջակցություն կունենա Հայաստանը Միության մյուս երկրների կողմից։ Եթե այժմ պատժամիջոցներ կիրառվեն Ադրբեջանի դեմ, ապա արդյունքները բավականին ծանր կլինեն ոչ միայն Հայաստանի և Արցախի, այլ նաև միջազգային հանրության համար»,– կարծում է Սաֆարյանը։

Ըստ նրա, լարվածության սրումը ղարաբաղյան հակամարտության շուրջ այս տարի բարձր կմնա, ինչը ձեռնտու է նաև Թուրքիային, քանի որ կշեղի ուշադրությունը Հայաստանից այս տարվա հիմնական իրադարձության` Ցեղասպանության 100–ամյա տարելիցի նշումից։

«Դա չի նշանակում, թե Հայաստանը պետք է պատրաստվի պատերազմի, բայց նա պետք է պատրաստվի Ադրբեջանի դեմ արդյունավետ գործողությունների»,– ընդգծեց փորձագետը։
 
Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։