486.21
-0.98
517.62
-1.72
8.15
+0.04
-9
Եղանակը Երևանում
Հայ
Ղարաբաղյան պատերազմի վերսկսման հավանականությունը 2015 թ.–ին նվազագույն է. փորձագետ
15:42
25 Դեկտեմբերի 2014

ԵՐԵՎԱՆ, 25 դեկտեմբերի. /Նովոստի–Արմենիա/. Ղարաբաղյան պատերազմի վերսկսման հավանականությունը 2015 թ.–ին նվազագույն է, սակայն տարին կարող է բավականին լարված լինել, հայտարարեց «Հայացք» կիրառական քաղաքականության և ուսումնասիրությունների վերլուծական կենտրոնի փորձագետ Հերմինե Մխիթարյանը։

«Մենք քիչ հիմքեր ունենք 2015 թ.–ին ղարաբաղյան հակամարտության կարգավորման հարցում դրական փոփոխությունների սպասելու համար, կամ էլ այն հարցում, որ տարին հանգիստ կանցնի։ Ինձ թվում է` հակառակը։ Ելնելով 2015 թ.–ին սպասվող իրադարձություններից, մասնավորապես` Հայոց ցեղասպանության 100–րդ տարելիցից և այդ հարցում Թուրքիայի դիրքորոշումից, տարին կլինի բավականին լարված սահմանային միջադեպերի տեսակետից, չնայած պատերազմի հավանականությունը նվազագույն է», – ասաց Մխիթարյանը հինգշաբթի մամուլի ասուլիսի ժամանակ։

Ամփոփելով 2014 թ.–ի արդյունքները Ղարաբաղում և նրա շուրջ տեղի ունեցած իրադարձությունների զարգացման հարցում` նա նշեց, որ տարին լարված է եղել սահմանին գրանցված միջադեպերի տեսակետից, սակայն բանակցային գործընթացում էական առաջընթաց չի գրանցվել։

«Հրադադարի դե–յուրե ռեժիմում արդեն 20 տարի մենք ապրում ենք ոչ պատերազմի, ոչ խաղաղության պայմաններում։ Դրա վկայությունը դարձան օգոստոսյան իրադարձությունները, որոնք աննախադեպ էին իրենց լարվածությամբ», – ասաց նա։

«Դրանից հետո կազմակերպված նախագահների երեք հանդիպումները ցույց տվեցին, որ երեք համանախագահները ցանկանում են պահպանել հավասարակշռությունը (բանակցային գործընթացում), ինչպես նաև ղարաբաղյան հակամարտության բացառապես խաղաղ կարգավորմանն ուղղված իրենց հավատարմությունը», – ասաց Մխիթարյանը։

«Եվրոպական ինտեգրացիա» ՀԿ–ի վարչության անդամ Նարեկ Մինասյանն իր հերթին նշեց, որ ղարաբաղյան հակամարտության հետ կապ ունեցող տարածաշրջանային զարգացումների տեսակետից չափազանց վտանգավոր է Թուրքիայի, Ադրբեջանի և Վրաստանի տնտեսական և քաղաքական մերձեցումը, ինչը մարտահրավերներ է պարունակում  Հայաստանի համար։

«Նման պայմաններում Հայաստանը պետք է ավելի ակտիվ դիրքորոշում դրսևորի Վրաստանի հետ մերձեցման հարցում` մեկուսացման մեջ չհայտնվելու համար», – ասաց նա։

Նրա խոսքերով` վերջին տարին բավականին արդյունավետ էր հայ–վրացական հարաբերությունների տեսակետից, և հաշվի առնելով Վրաստանում և Հայաստանում իրականացվող բազմավեկտոր ինտեգրացիոն գործընթացները` կան բոլոր հիմքերը ենթադրելու, որ երկու երկրների համագործակցությունը կարող է փոխշահավետ լինել։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
00:01
22 Հունվարի 2017
ԱՄՆ նախագահի անցումային վարչակազմը գլխավորել է Քեն Նահիգյանը
ԱՄՆ նախագահի վարչակազմի անցումային վարչակազմը նոր ղեկավար ունի:
16:57
20 Հունվարի 2017
Իշխան Զաքարյանը դարձել է Գագիկ Ծառուկյանի դաշինքի շտաբի պետը
Հայաստանի ՀՀ վերահսկիչ պալատի ղեկավար Իշխան Զաքարյանը գլխավորել է Գագիկ Ծառուկյանի դաշինքի նախընտրական շտաբը։
15:30
20 Հունվարի 2017
Մինսկն արտահանձնում է բլոգեր Լապշինին Ադրբեջանին
Բելառուսի Հանրապետությունը որոշել է արտահանձնել Ռուսաստանի Դաշնության և Իսրայելի պետության քաղաքացի Ալեքսանդր Լապշինին։
19:48
19 Հունվարի 2017
Խաչատուր Սուքիասյանը չի պատրաստվում գլխավորել ԲՀԿ շտաբը
Հայ խոշոր գործարար Խաչատուր Սուքիասյանը չի պատրաստվում գլխավորել «Բարգավաճ Հայաստան» կուսակցության շտաբն առաջիկա խորհրդարանական ընտրություններում:
10:57
19 Հունվարի 2017
Խաչատուր Սուքիասյանը կլինի Գագիկ Ծառուկյանի դաշինքի շտաբի պետը
Երկար քննարկումներից հետո Խաչատուր Սուքիասյանը որոշել է առաջիկա ընտրություններին մասնակցել Գագիկ Ծառուկյանի դաշինքով։
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ: