478.85
+0.03
558.1
+0.51
7.99
-0.15
+31
Եղանակը Երևանում
Հայ
Ռուսաստանցիները Բելառուսն ու Ղազախստանը առավել հաջող են համարում ԱՊՀ երկրների շրջանում, Հայաստանը չորրորդն է
14:54
15 Դեկտեմբերի 2014

ԵՐԵՎԱՆ, 15 դեկտեմբերի. /Նովոստի–Արմենիա/. Ռուսաստանցիները Բելառուսն ու Ղազախստանը առավել հաջող են համարում ԱՊՀ երկրների շրջանում, Հայաստանը չորրորդ տեղում է, վկայում են Հասարակական կարծիքի ուսումնասիրման համառուսական կենտրոնի կողմից անցկացված ուսումնասիրության արդյունքները, որոնք հրապարակվել են երկուշաբթի։

Ուսումնասիրությունն անցկացվել է 2014 թ.–ի նոյեմբերին։ Հարցմանը մասնակցել է 1,6 հազար մարդ Ռուսաստանի 52 շրջաններում։ Անճշտությունը չի գերազանցում 3,5 տոկոսը։ Հարցման ընթացքում համառուսական կենտրոնն ուսումնասիրել է ռուսաստանցիների վերաբերմունքը ԱՊՀ երկրների հաջողված լինելու հարցում, երկրներից յուրաքանչյուրի հետ համագործակցության արդյունավետության մասին քաղաքացիների կարծիքը, ինչպես նաև գնահատվել է ռուսաստանցիների վստահությունը ԱՊՀ երկրների առաջնորդների նկատմամբ, ինչպես նաև այն, թե այդ երկրներում որքանով են պաշտպանված ռուսալեզու բնակչության իրավունքները, հաղորդում է «ՌԻԱ Նովոստին»։

Ամենահաջողվածները ԱՊՀ–ից

«Ռուսների կարծիքով` լուրջ տարբերությամբ հաջողված է երկու պետություն։ Առաջին տեղում է Բելառուսի Հանրապետությունը, մեր քաղաքացիների 66 տոկոսը կարծում է, որ այն առավել հաջողված է ԱՊՀ երկրների շրջանում։ Քաղաքացիների 45 տոկոսի կարծիքով` երկրորդ տեղում Ղազախստանն է», – երկուշաբթի ասել է Հասարակական կարծիքի ուսումնասիրման համառուսական կենտրոնի հիմնադրամի վարչության նախագահ Կոնստանտին Աբրամովը «Եվրասիական միությունը մեկնարկի նախաշեմին» թեմայով կլոր սեղանի ընթացքում։ Երկու երկրներն էլ այդ վարկանիշում դրական դինամիկա են ցուցադրել 2010 թ.–ից մինչև այն պահը, երբ սկսվել է ուսումնասիրությունը, ավելացրել է նա։ 

Աբրամովը նշել է, որ առաջատար երկրները, երրորդ տեղի համեմատ, մեծ տարբերություն ունեն, որտեղ այս տարի Ադրբեջանն է, հարցվածների 10 տոկոսը կարծում է, որ Ադրբեջանը ԱՊՀ ամենահաջողակ պետություններից մեկն է։ Այնուհետև գալիս է Հայաստանը (9%), Ղրղըզստանը, Վրաստանը, Մոլդովան (5-ական տոկոս), Թուրքմենստանը (4 տոկոս)։ Աբրամովի խոսքերով` մյուս երկրների հաջողվածության վարկանիշը գտնվում է անճշտության շրջանակում։

«Եթե մինչև 2013 թ.–ը 21 տոկոսով երրորդ տեղում Ուկրաինան էր, ապա այս տարի Ուկրաինայի դիրքերը շատ են նվազել` հասնելով 2 տոկոսի, և երրորդ տեղում հայտնվել է Ադրբեջանը», – ավելացրել է Հասարակական կարծիքի ուսումնասիրման համառուսական կենտրոնի հիմնադրամի վարչության նախագահը։

Առաջնորդների նկատմամբ վստահության մակարդակ

Ինչ վերաբերում է ԱՊՀ երկրների առաջնորդների նկատմամբ ռուսաստանցիների վստահությանը, ապա այստեղ նմանատիպ միտում է նկատվում` վստահության առավել բարձր մակարդակ է գրանցվել Բելառուսի և Ղազախստանի առաջնորդների նկատմամբ։

«Ալեքսանդր Լուկաշենկոն առաջին տեղում է, նրա նկատմամբ վստահության մակարդակը կազմում է 61 տոկոս, Նուրսուլթան Նազարբաևի նկատմամբ ևս վստահության բարձր մակարդակ կա` 38 տոկոս։ Նրանք երկու առաջատարներն են ԱՊՀ պետությունների շրջանում մեր քաղաքացիների վստահության աստիճանով», – ասել է Աբրամովը` նշելով, որ 2010 թ.–ին Լուկաշենկոյի նկատմամբ ռուսաստանցիների վստահության մակարդակը կազմում էր 16 տոկոս։

«Ուկրաինայի նախագահ Պյոտր Պորոշենկոն վայելում է մեր քաղաքացիների միայն մեկ տոկոսի վստահությունը... Եթե 2010 թ.–ին երկրորդ տեղում էր Ուկրաինայի նախագահը (17 տոկոս), ապա հիմա մեր քաղաքացիների միայն մեկ տոկոսն է հայտարարում, որ Ուկրաինայի նախագահը վստահություն է առաջացնում ԱՊՀ երկրների մնացած նախագահների շրջանում», – նշել  է նա։
Ռուսալեզու բնակչության իրավունքները

Այն հարցին, թե ԱՊՀ ո՞ր երկրներում են առավել շատ ապահովված ռուսալեզու բնակչության իրավունքները, հարցվածների մեծ մասը կրկին նշել է Բելառուսն ու Ղազախստանը։

«Մենք տխուր միտում ենք նկատում Ուկրաինայում մեր քաղաքացիների նկատմամբ, 2010 թ.–ին գրանցվել է 17 տոկոս, որով նշվում էր, որ այդ երկրում պաշտպանված են ռուսալեզու բնակչության իրավունքները, և այս տարի այդ ցուցանիշը կազմել է միայն 2 տոկոս», – ավելացրել է Աբրամովը։

Ամփոփելով արդյունքները` Հասարակական կարծիքի ուսումնասիրման համառուսական կենտրոնի հիմնադրամի վարչության նախագահը նշել է, որ Բելառուսն ու Ղազախստանը երկար տարիներ այս ուսումնասիրության առաջատարներն են, իսկ այս տարի նրանց առաջատար դիրքերը միայն ամրապնդվել են։

«Հայաստանն ու Ղրղըզստանը, որոնք մտադրություն են հայտնել առաջիկայում դառնալ ԵվրԱզԱԷ–ի անդամ, ամրապնդել են իրենց դիրքերը հասարակական կարծիքի վարկանիշում, սակայն` ոչ շատ։ Այսինքն` չի կարելի ասել, որ հասարակական կարծիքում կտրուկ շրջադարձ է տեղի ունեցել այդ երկրների նկատմամբ», – ավելացրել է Աբրամովը։ Նրա խոսքերով` երկրների մեծ մասը պահպանել են իրենց դիրքը հասարակական կարծիքի վարկանիշում, որը ֆիքսվել է նախորդ տարիներին, բացառություն է կազմում միայն Ուկրաինան։–0–

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: