486.78
+0.12
515.5
+2.27
8.41
+0.01
-1
Եղանակը Երևանում
Հայ
«Իսլամական պետությունը» վաղուց ստվերել է «Ալ Քաիդային». փորձագետ
21:47
08 Դեկտեմբերի 2014

ԵՐԵՎԱՆ, 8 դեկտեմբերի. /Նովոստի–Արմենիա/. «Իսլամական պետություն» խմբավորումը վաղուց արդեն ստվերել է «Ալ Քաիդային», երկուշաբթի «Սպուտնիկ Արմենիա» ռադիոյի եթերում ասաց արաբագետ Սարգիս Գրիգորյանը։

«Սա առաջին կառույցն է, որը իսլամական խալիֆայություն է հռչակել արաբական քաղաքակրթության բնօրրանում։ Այս պահին այն ամենահարուստ իսլամական կազմակերպությունն է, որն ունի զգալի ռեսուրսներ, էներգակիրներով հարուստ տարածքներ, զբաղվում է նավթի, գազի  վաճառքով և այլն», – ասաց Գրիգորյանը։

Նրա խոսքերով` այս կազմակերպությունը ստեղծվել է քաոսային ձևով, չնայած շատ փորձագետներ կարծում են, որ դա սիրիական նախագիծ էր, որը ստեղծվել էր 90–ականների վերջում։ «Երբ 2003 թ.–ին ամերիկացիները մտան Իրաք, Սիրիայի ղեկավարությունը թույլատրում էր իր սահմանով իսլամիստներին ներթափանցել Իրաքի տարածք։ ԱՄՆ–ի Պետդեպարտամենտի 2007 թ.–ի զեկույցում նշվում է, որ զինված օտարերկրացիների մոտ 70–75 տոկոսը, ովքեր պատերազմել են Իրաքի տարածքում, եկել են Սիրիայից», – ընդգծեց արաբագետը։

Գրիգորյանի խոսքերով` երբ այդ կազմակերպությունը հաստատվեց Իրաքում, հասկանալի դարձավ, որ իրավիճակը տարածաշրջանում շարունակվելու է թեժանալ, քանի որ հենց «Իսլամական պետության» ամրապնդումից հետո Սիրիայի վիճակը կտրուկ փոխվեց։

«Ամենայն հավանականությամբ իսլամիստներն իրենք են ստեղծել «Իսլամական պետություն» կազմակերպությունը, սակայն տարածաշրջանի և արտաքին ուժերը փորձում են ուղղորդել այդ կառույցը, ինչն, ամենայն հավանականությամբ, նրանց չի հաջողվում։ Շատ դժվար է ասել, թե որ կողմին կհարի այդ անկանխատեսելի ուժը, ԻՊ–ն դեռ ղեկավարվում է արմատական իսլամական գաղափարներով, կարծում է, որ այն պետք է գոյություն ունենա և զարգանա այդ տարածքում», – ասաց Գրիգորյանը։

«Եթե 2000–ականներին Արևմուտքն իրականացնում էր «կառավարվող քաոսի» քաղաքականություն, ապա հիմա հարց է առաջանում` քաոս կա, սակայն ո՞վ է այն կառավարում։ Եթե ղեկավարվենք փաստերով, ապա պետք է փաստել, որ ձևավորվել է «Իսլամական պետություն» անվանումով կառույցը, և նա է ղեկավարում շատ գործընթացներ տարածաշրջանում», – նշեց Գրիգորյանը։

Արաբագետի խոսքերով` այս ամենը նրան վերածում է այն կազմակերպության, որի դեմ միջազգային հանրությունը պետք է պայքարի համատեղ ուժերով։

«Իսլամական պետություն» ահաբեկչական կազմակերպությունը «խալիֆայություն է» հռչակել այս տարվա ամռանը Սիրիայի և Իրաքի գրավված տարածքներում։ ԻՊ–ն առավել մեծ թափ է ստացել Սիրիայի տարածքում իրականացրած գործողությունների ժամանակ, որտեղ պատերազմել է կառավարական ուժերի դեմ և ամենադաժան կազմակերպություններից մեկի համբավ է ստացել։ Գրոհայինների գործողությունների հետևանքով զոհվել է մի քանի հազար խաղաղ բնակիչ, հարյուր հազարավոր մարդիկ դարձել են փախստականներ և ևս մի քանի հազարը գերության մեջ է հայտնվել։–0–

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։