482.84
+0.58
521.61
+4.72
7.62
+0.05
-6
Եղանակը Երևանում
Հայ
ԵՏՄ–ին անդամակցումը կամրապնդի Հայաստանի ինքնիշխանությունը. Պատգամավոր
21:27
04 Դեկտեմբերի 2014

ԵՐԵՎԱՆ, 4 դեկտեմբերի. /Նովոստի–Արմենիա/. Եվրասիական տնտեսական միությանը միանալը կամրապնդի Հայաստանի ինքնիշխանությունը, հայտնել է Հայաստանի Ազգային ժողովի պատգամավոր Հայկ Բաբուխանյանը «Սպուտնիկ–Արմենիա» ռադիոկայանի եթերում։

Հայաստանի խորհրդարանը հինգշաբթի նիստում վավերացրեց Եվրասիական տնտեսական միությանը երկրի անդամակցության մասին պայմանագիրը։

Մեկնաբանելով քաղաքական ընդդիմախոսների փաստարկներն այն մասին, որ ԵՏՄ–ին միանալով Հայաստանը կորցնում է ինքնիշխանությունը` Բաբուխանյանն ընդգծեց, որ ԵՏՄ–ն, նախևառաջ, ապահովում է Հայաստանի անվտանգությունը։

«Եթե դու անվտանգության մեջ ես, նշանակում է` ինքնիշխան պետություն ես, իսկ եթե քո անվտանգությունը խոցելի է, ապա ինչ  ինքնիշխանության մասին կարող է լինել խոսքը»,– ասել է նա։

Պատգամավորը նշել է, որ Հայաստանի անվտանգությունը սերտորեն կապված է Ռուսաստանի և ՀԱՊԿ–ի հետ, հետևաբար, «որքանով սերտ մենք կապված լինենք այդ համակարգերի հետ, այդքանով մեր ինքնիշխանությունը և տարածքային ամբողջականությունը պաշտպանված կլինի»։

Նա ընդգծել է, որ ԵՏՄ–ին միանալը ճակատագրական նշանակություն կունենա Հայաստանի տնտեսական զարգացման համար։

Ըստ նրա, գոյություն ունի միայն մեկ ռիսկ` «չկարողանալ իրագործել այն հնարավորությունները, երբ քեզ մեծ առաջընթացի հնարավորություն է տրված»։

«Շատ լուրջ փոփոխություն է կատարվում։ Ամենաշատը, ինչ մենք ստանում ենք, տնտեսական արտոնություններն են, երկրորդ մասը` աշխարհաքաղաքական արտոնությունները և երրորդը` քաղաքակրթական` արժեհամակարգը, մշակույթի զարգացումը, կրթության զարգացումը, հումանիտար ոլորտների առաջընթացը։ Մենք պետք է ժամանակին օգտվենք այդ հնարավորություններից»,– ավելացրել է նա։

Եվրասիական բարձրագույն տնտեսական խորհուրդը հավանություն է տվել Հայաստանի միացմանը ԵՏՄ–ին։ Համապատասխան պայմանագիրը ստորագրվել է ուրբաթ, երկրների ղեկավարների մակարդակով` Մինսկում կայացած նիստի արդյունքում։ Այսպիսով` Հայաստանը Ռուսաստանին, Բելառուսին և Ղազախստանին հավասար դառնում է 2015 թվականի հունվարի 1-ից գործունեությունը սկսող ԵՏՄ–ի լիիրավ մասնակիցը։ -0-

Loading...
Թեմատիկ նյութեր
Բաժնի այլ նյութեր
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը:
12:34
03 Դեկտեմբերի 2016
ՀՀ նախագահ Սերժ Սարգսյանն ու ԱՄՆ նորընտիր փոխնախագահ Մայք Փենսը հեռախոսազրույց են ունեցել
Հեռախոսազրույցը կայացել է ամերիկյան կողմի նախաձեռնությամբ:
19:55
02 Դեկտեմբերի 2016
Հայ–ռուսական զորախմբի ստեղծումը բխում է Հայաստանի շահերից. պաշտպանության նախկին նախարար
Հայաստանի և Ռուսաստանի Զինված ուժերի միավորված զորախմբի ստեղծումը բխում է Հայաստանի շահերից, ուրբաթ լրագրողներին հայտարարեց ՀՀ պաշտպանության նախկին նախարար Վաղարշակ Հարությունյանը։
17:18
02 Դեկտեմբերի 2016
Ադրբեջանի հետ սահմանագծում լարվածություն չկա. ՀՀ ՊՆ
Հայ-ադրբեջանական սահմանագծում և ղարաբաղա-ադրբեջանական շփման գծում իրավիճակը հանգիստ է, ասաց ՀՀ ՊՆ մամուլի քարտուղար Արծրուն Հովհաննիսյանը:
11:43
02 Դեկտեմբերի 2016
Րաֆֆի Հովհաննիսյանի որոշումը վտանգում է «Ժառանգություն» կուսակցության գոյությունը
Րաֆֆի Հովհաննիսյանը սպասում է քաղաքական դաշտում կատարվելիք փոփոխություններին: