485.33
+0.37
572.16
-1.31
8.2
-0.02
+2
Եղանակը Երևանում
Հայ
ԵՄ երկրների ԱԳ նախարարները կքննարկեն, սակայն դժվար թե ՌԴ-ի դեմ նոր պատժամիջոցներ ընդունեն
10:41
17 Նոյեմբերի 2014

ԵՐԵՎԱՆ, 17 նոյեմբերի. /Նովոստի-Արմենիա/. ԵՄ անդամ-երկրների ԱԳ նախարարները երկուշաբթի Բրյուսելում կքննարկեն Ուկրաինայում տիրող իրավիճակն ու Ռուսաստանի դեմ նոր սահմանափակող միջոցները, սակայն, ինչպես սպասվում է, կսահմանափակվեն անհատական պատժամիջոցների ցանկում նոր անուններ ներառելով, հաղորդում է ՌԻԱ Նովոստին:

ԵՄ խորհրդի արտաքին գործերի կանոնավոր նիստն առաջին անգամ կանցնի եվրոպական դիվանագիտության նոր ղեկավար Ֆեդերիկա Մոգերինիի նախագահությամբ: Իտալիայի նախկին արտգործնախարարը  որոշել է նախարարական նիստերում մի շարք նորամուծություններ անել, որոնցից մեկը կդառնա մի թեմայի լայնածավալ քննարկումը և մյուս հարցերին նվիրված կարճատև զրույցը: Երկուշաբթի նախատեսված նիստի ռազմավարական հարց է ընտրվել Ուկրաինան:

Ինչպես լրագրողներին տեղեկացրել է ԵՄ բարձրաստիճան ներկայացուցիչը, նախարարները կքննարկեն երեք հիմնահարց: Առաջինը վերաբերում է հնարավոր միջոցներին, որոնք կարող է կիրառել ԵՄ-ն Ուկրաինայում խաղաղությանն աջակցելու, Մինսկի պայմանավորվածությունների կատարման, սահմանների վերահսկման դիտարկման գործում օգնություն ցուցաբերելու համար: Երկրորդ հարցը վերաբերում է Ուկրաինայի կառավարության կողմից անհրաժեշտ բարեփոխումների իրականացմանը, որոնց թվում են նաև Սահմանադրության մեջ նախատեսված փոփոխություններն ու ռուսալեզու բնակչության կարգավիճակի հարցը:

Երրորդ հարցը վերաբերում է Ռուսաստանի նկատմամբ իրականացվող քաղաքականությանն ու սահմանափակող միջոցներին: Ինչպես բազմիցս հայտարարել են Եվրոպայի արտաքին քաղաքական ծառայության ներկայացուցիչներն ու դիվանագետները, պատժամիջոցների վերաբերյալ որոշումը պատրաստ չէ, նախարարներն այն պետք է ընդունեն բանավեճի ժամանակ: «Մենք պետք է լսենք, թե ինչ կասեն ԱԳ նախարարները: Պե՞տք է առաջ շարժվել, թե՞ հարկավոր է միայն պատրաստվել կամ էլ մենք դեռ կսպասենք», - լրագրողներին է ասել եվրոպացի բարձրաստիճան աղբյուրը:

Այս պահին միջոցները, ամենայն հավանականությամբ, կսահմանափակվեն անհատական պատժամիջոցների ցանկի ընդլայնմամբ: Գերմանիայի ԱԳ նախարար Ֆրանկ-Վալտեր Շտայնմայերը Bild թերթի կիրակնօրյա համարին տված հարցազրույցում ասել է, որ Ռուսաստանի դեմ միջոցների խստացման հարց նախատեսված չէ: Շաբաթվա վերջին այս դիրքորոշմանը կողմ են հանդես եկել նաև եվրոպացի դիվանագետները: Շտայնմայերի խոսքով՝ «կքննարկվի պատժամիջոցների ցանկում Ուկրաինայի արևելքի անջատողականներին ներառելու հարցը, որոնք վերաբերում են ակտիվների սառեցմանն ու տեղաշարժվելու սահմանափակմանը», - ասել է նախարարը:

Ցանկը ուրբաթ դեռ պատրաստ չէր: Ինչպես տեղեկացրել է եվրոպացի դիվանագետը, ոմանք խորհուրդ էին տալիս ցանկում ներառել ընտրություններում հաղթած ԴԺՀ-ի և ԼԺՀ-ի առաջնորդներին: «Խնդիրն այն է, որ նրանք արդեն ցանկում են: Հարկավոր է ուրիշ անուններ գտնել», - ասել է աղբյուրը: Նրա խոսքով՝ նոր անունները հարկավոր է քննարկել, խորհրդակցել փաստաբանների հետ,  քանի որ ցանկում ներառված մարդիկ սկսել են հաճախ դատական կարգով վիճարկել իրենց նկատմամբ կիրառվող սահմանափակումները:

Բացի Ուկրաինայից, նախարարները կհամաձայնեցնեն մերձարևելյան հակամարտության կարգավորման և Գազայում ու Երուսաղեմում տիրող իրավիճակի վերաբերյալ ամփոփիչ եզրակացությունը: Մասնավորապես կքննարկվի, թե ինչպես կարող է ԵՄ-ն աջակցել երկարատև հաշտեցմանը Գազայի հատվածում: Բացի այդ, սպասվում է Էբոլա վիրուսի դեմ պայքարին վերաբերող եզրակացություն: Էբոլայի դեմ պայքարի  ԵՄ համակարգող, հումանիտար օգնության և ճգնաժամերի կառավարման հարցերով եվրահանձնակատար Խրիստոս Ստիլիանիդիսը նախարարներին կներկայացնի Արևմտյան Աֆրիկա կատարած այցի արդյունքները:

Ավելի հակիրճ կլինի Բոսնիա և Հերցեգովինայում տիրող իրավիճակին, հոկտեմբերին Լիբիայում տեղի ունեցած ընտրություններին վերաբերող եզրակացությունը, որտեղ ԵՄ-ն ճգնաժամային իրավիճակի քաղաքական կարգավորում է նախատեսում:-0-

Loading...
Թեմատիկ նյութեր
Բաժնի այլ նյութեր
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։
20:26
27 Նոյեմբերի 2017
Հանրապետության քաղաքացիները կզգան Հայաստան–ԵՄ համաձայնագրի օգուտը. Սվիտալսկի
Հայաստանի քաղաքացիները ժամանակի ընթացքում կզգան Հայաստան–Եվրամիություն համաձայնագրի օգուտը։
19:29
24 Նոյեմբերի 2017
Հայաստանն ու ԵՄ–ն ստորագրեցին Համապարփակ և ընդլայնված գործընկերության համաձայնագիրը. ԼՐԱՑՎԱԾ
Փաստաթուղթը ձևավորում է նոր հարթակ Հայաստան–ԵՄ քաղաքական և տնտեսական համագործակցության ամրապնդման համար: