481.5
+0.15
565.52
-0.45
8.39
-0.01
+8
Եղանակը Երևանում
Հայ
ՀՀ ԱԺ–ն քննարկել է «Ժառանգության» ներկայացրած Լեռնային Ղարաբաղի Հանրապետության ճանաչման նախագիծը
17:38
11 Նոյեմբերի 2014

ԵՐԵՎԱՆ, 11 նոյեմբերի. /Նովոստի–Արմենիա/. ՀՀ խորհրդարանն «ԱԺ կանոնակարգ» օրենքի համաձայն քննարկել է ԱԺ «Ժառանգություն» խմբակցության կողմից արտահերթ համարված «Լեռնային Ղարաբաղի (Արցախի) և Հայաստանի Հանրապետությունների անվտանգության ապահովման ռազմաքաղաքական հիմնադրույթների հայեցակետերի մասին» ՀՀ ԱԺ որոշման նախագիծը, որի հեղինակը ՀՀ ԱԺ պատգամավոր Զարուհի Փոստանջյանն է:

Նա նշել է, որ հաշվի առնելով միջազգային եւ ռազմաքաղաքական իրադրությունը, մասնավորապես` Լեռնային Ղարաբաղի եւ Հայաստանի Հանրապետությունների նկատմամբ սպառնալիքներն ու մարտահրավերները` Լեռնային Ղարաբաղի Հանրապետության ճանաչման օրակարգային պահանջը, Լեռնային Ղարաբաղի եւ Հայաստանի Հանրապետությունների տարածքների վրա զինված լայնածավալ հարձակումները (1994 թվականի զինադադարի համաձայնագրի խախտումը), Հայաստանի Հանրապետությանն ուղղված Եվրասիական տնտեսական միության անդամակցության նախագիծը, ՀՀ Ազգային Ժողովը պարտավոր է որոշման ընդունմամբ սահմանել Լեռնային Ղարաբաղի (Արցախի) և Հայաստանի Հանրապետությունների անվտանգության ապահովման ռազմաքաղաքական հիմնադրույթների հայեցակետերը:

Նախագիծը գլխադասային՝ ՀՀ ԱԺ արտաքին հարաբերությունների մշտական հանձնաժողովում չի ստացել դրական եզրակացություն:

Քննարկվող հարցի վերաբերյալ իրենց դիրքորոշումներն ու տեսակետներն են արտահայտել ԱԺ պատգամավորները:

Լեւոն Զուրաբյանը նշել է, որ իրենց խմբակցությունը վաղաժամ է համարում հարցի քննարկումը եւ չի մասնակցելու քվեարկությանը: Էդմոն Մարուքյանի կարծիքով՝ իրավական առումով ԱԺ-ը ՀՀ Սահմանադրությամբ նման որոշում ընդունելու լիազորություն չունի: Իսկ ըստ Զարուհի Փոստանջյանի՝ նախագծում բարձրացված հարցերը օրակարգային են:

Ներկայացնելով «Ժառանգություն» խմբակցության տեսակետը՝ խմբակցության ղեկավար Ռուբիկ Հակոբյանը նշել է, որ վերջին 22 տարվա ընթացքում նմանատիպ օրինագծեր բազմիցս են ներկայացվել եւ անդրադարձել է ԼՂ բանակցային գործընթացի փուլերին:

ՀՅԴ խմբակցության անունից ելույթ է ունեցել խմբակցության ղեկավար Արմեն Ռուստամյանը: Նա նշել է, որ խմբակցությունը միշտ կողմ է քվեարկել ԼՂՀ ճանաչմանը վերաբերող նախագծերին: Պարոն Ռուստամյանի կարծիքով՝ նմանատիպ հարցերը չպետք է ներառել օրակարգ առանց նախնական համաձայնությունների:

Արտահերթ ելույթով հանդես է եկել ՀՀ ԱԺ փոխնախագահ Էդուարդ Շարմազանովը: Ըստ նրա՝ ԼՂ խնդրի եւ ղարաբաղաադրբեջանական հակամարտության արդարացի լուծումը ԼՂՀ միջազգային ճանաչումն է: ԱԺ փոխնախագահը կարծում է, որ ԼՂՀ միակողմանի ճանաչումը խոչընդոտ կհանդիսանա բանակցային գործընթացի համար: ՀՀ իշխանությունները բազմիցս հայտարարել են, որ Հայաստանի Հանրապետությունը Լեռնային Ղարաբաղի անվտանգության երաշխավորն է: «Այս տարիների ընթացքում մենք բոլորս՝ նաեւ խորհրդարանականներս, տարբեր միջազգային հարթակներում մեծ աշխատանք ենք կատարել, որպեսզի մեր միջազգային գործընկերները գիտակցեն, որ ԼՂ անկախության միջազգային ճանաչումն այլընտրանք չունի», -ասել է ԱԺ փոխնախագահը: Ըստ Շարմազանովի՝ ՀՀ-ը, ԼՂՀ-ը եւ սփյուռքահայ գաղթօջախները միասնական աշխատանքի արդյունքում պետք է հասնեն Արցախի Հանրապետության միջազգային ճանաչմանը:

Եզրափակիչ ելույթում Զարուհի Փոստանջյանն անդրադարձել է պատգամավորների հարցադրումներին եւ տվել է պարզաբանումներ: Հեղինակը հորդորել է պատգամավորներին կողմ քվեարկել նախագծին:-0-

Loading...
Թեմատիկ նյութեր
Բաժնի այլ նյութեր
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը:
12:15
12 Հոկտեմբերի 2017
Հայաստանը ՌԴ–ից 100 մլն դոլարի պետական արտահանման վարկ կստանա
Վարկը տրամադրվելում է տարեկան 3% տոկոսադրույքով, 15 տարի մարման ժամկետով։
16:27
09 Հոկտեմբերի 2017
Անկարան կարող է հրաժարվել С-400-ի գնումից, եթե Մոսկվան մերժի համատեղ արտադրությունը
Անկարան կարող է հրաժարվել Մոսկվայից զենիթահրթիռային С-400 կամակարգերի գնումից:
13:59
08 Հոկտեմբերի 2017
Համանախագահներ. Հայաստանը և Ադրբեջանը վերահաստատել են բանակցությունները վերսկսելու պատրաստակամությունը
ԵԱՀԿ Մինսկի խմբի համանախագահները հաղորդագրություն են տարածել: