478.73
-0.03
561.07
+4.18
8.06
+0.07
+27
Եղանակը Երևանում
Հայ
Արևմտյան աղանդավորական քարոզչության հիմնական նպատակը Ռուսաստանի շուրջ իրավիճակի ապակայունացումն է. հայ փորձագետ
17:46
22 Հոկտեմբերի 2014

ԵՐԵՎԱՆ, 22 հոկտեմբերի. /Նովոստի–Արմենիա/. Եվրոպական և ամերիկյան աղանդավորական քարոզչության հիմնական նպատակը, այդ թվում` Հայաստանում, Ռուսաստանին մոտ տարածաշրջաններում աշխարհաքաղաքական իրավիճակի ապակայունացումն է, կարծում է «Համահայկական ծնողական կոմիտեի» նախագահ Արման Բոշյանը։

«Հայաստանը դարերի ի վեր քրիստոնեական արժեքների կրող է, սակայն իր աշխարհագրական և աշխարհաքաղաքական դիրքի պատճառով գտնվում է գերտերությունների շահերի խաչմերուկում։ Այսօր Ռուսաստանի և ԱՄՆ–ի միջև «սառը պատերազմի» ժամանակահատվածում աղանդավորական քարոզչության միջոցով Ռուսաստանին շրջապատող տարածաշրջաններում հնարավոր է դրության ապակայունացում»,– ասաց Բոշյանը «Աղանդների դերն աշխարհաքաղաքական, մշակութային և քաղաքական գործընթացներում» թեմայով կլոր սեղանի ժամանակ։

Ըստ նրա, քաղաքական գործիչների և շոու–բիզնեսի աստղերի միջոցով Հայաստանում տարվում է Արևմուտքից ֆինանսավորվող և հայոց պատմության ինքնության պահպանմանն օժանդակած հոգևոր արժեքների և հավատքի քայքայմանն ուղղված աղանդների ագրեսիվ քարոզչություն։

«Այսօր երկրում մարդու իրավունքների հարցերով զբաղվող եվրոպական տարբեր կազմակերպությունների տակ քողարկված` գործում են զանազան պղծություններ, նույնասեռականություն և մանկապղծություն քարոզող, ընտանիքի ինստիտուտը փլուզող տարբեր աղանդներ»,– նշել է փորձագետը։

«Քայքայիչ պաշտամունքներից տուժածների օգնության և վերականգնողական կենտրոնի» ղեկավար Ալեքսանդր Ամարյանն էլ իր հերթին նշեց, որ այսօր Հայաստանի բնակչության 15 տոկոսը որևէ աղանդի հետևորդ է, իսկ աղանդավորական շարժումը երկրում սկսեց թափ առնել 1988 թվականին, երբ ժողովուրդը «հոգեբանական սթրես» էր ապրում, և աղանդները` բարեգործական կազմակերպությունների քողի տակ, բուռն գործունեություն ծավալեցին Հայաստանում։

Ըստ նրա, միաժամանակ, վերջին ժամանակաշրջանում հաճախակի են դարձել եվրոպացի բարձրաստիճան պաշտոնյա աղանդավորների այցերը Հայաստան, և նրանք փակ հանդիպումներ են անցկացնում Երևանում ու մարզերում, ինչը կարող է զանազան գործընթացներով պայմանավորված լինել, ինչպես, օրինակ, «գունավոր հեղափոխություններն» են։

Ուկրաինայից ժամանած «Սլավոնական Գվարդիա» հասարակական կազմակերպության ղեկավար Վլադիմիր Ռոգովն էլ նշեց, որ Արևմուտքի և ԱՄՆ–ի` աղանդների ֆինանսավորման գլխավոր նպատակը ռուս ուղղափառ եկեղեցու, ինչպես նաև ժողովուրդների ինքնությունը պահպանող բոլոր մյուս ուղղափառ և քրիստոնեական եկեղեցիների ոչնչացումն է։

«Այսօր Ուկրաինայում գործում է 10 հազ 613 կրոնական աղանդ։ Ուկրաինական ներկա իշխանության բազմաթիվ ներկայացուցիչները, որոնց թվում են Յացենյուկը և Տուրչինովը, աղանդների հետևորդներ են, ինչի հաշվին էլ հասել են իշխանության շատ կարճ ժամկետում»,– ասաց Ռոգովը։ Նա ավելացրեց, որ իրավիճակի ապակայունացման համար բավարար է, որ երկրի բնակիչների 7 տոկոսը դառնա աղանդավոր, մինչդեռ փոքր Հայաստանում այդ ցուցանիշն արդեն հասել է 15 տոկոսի։

Կլոր սեղանի ընթացքում ընդունվել է Բանաձև, որը կոչ է անում Հայաստանում անհապաղ քայլեր ձեռնարկել հոգևոր արժեքների պաշտպանության համար, մասնավորապես ընդունել օրենք` հակաընտանեկան քարոզչությունն արգելելու համար և քրեական պատիժ սահմանել այն խախտելու համար, արգելել արտասահմանյան հ/կ–ների գործունեությունը, որոնք քարոզում են «գենդերային ինքնության» բազմազանություն և վերանայել կրթական դպրոցական համակարգն ընտանեկան արժեքների և ազգային մշակույթի պահպանման համար։

Փորձագետների գնահատականներով, Հայաստանում գործում է 65 պաշտոնապես գրանցված աղանդ և տարբեր անուններով գործող մոտ 250 կազմակերպություն։ Տարբեր աղանդավորական և կրոնական կազմակերպությունների հետևորդների թիվը հասնում է 350 հազարի։

Loading...
Թեմատիկ նյութեր
Բաժնի այլ նյութեր
15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։