478.65
-0.08
560.79
-0.28
8.05
-0.01
+34
Եղանակը Երևանում
Հայ
Հայաստանի էներգետիկայի և բնական պաշարների նախարարը ՀԱԷԿ-ի նոր էներգաբլոկի կառուցման հարցեր կքննարկի «Ռոսատոմի» ղեկավարի հետ
15:35
14 Հոկտեմբերի 2014

ԵՐԵՎԱՆ, 14 հոկտեմբերի. /Նովոստի–Արմենիա/. Հայաստանի էներգետիկայի և բնական պաշարների նախարար Երվանդ Զախարյանը «Ռոսատոմի» ղեկավար Սերգեյ Կիրիենկոյի հետ կքննարկի ՀԱԷԿ-ի նոր էներգաբլոկի կառուցման հարցեր, հայտնում է գերատեսչության մամուլի ծառայությունը։

Հանդիպումը կկայանա ատոմային էներգետիկայի խնդիրների համաշխարհային խոշորագույն World Nuclear Exhibition ցուցահանդեսի շրջանակում։ Ցուցահանդեսը կանցկացվի հոկտեմբերի 14-16–ը Փարիզում։

«Ռոսատոմի» ղեկավար Սերգեյ Կիրիենկոյի հետ կքննարկվեն ՀԱԷԿ-ի գործող էներգաբլոկի շահագործման ժամկետի երկարացման  հարցում համագործակցության հնարավորությունները: Կշարունակվեն նաև բանակցությունները  նոր էներգաբլոկի կառուցման ծրագրի շուրջ»,– ասվում է հաղորդման մեջ։

Նախատեսվում է, որ  Ատոմային էներգետիկայի համաշխարհային ցուցահանդեսին կմասնակցեն միջուկային էներգետիկայի ոլորտի  շուրջ 500 ընկերություններ ու փորձագետներ: Կներկայացվեն ատոմային էներգետիկայի բնագավառին առնչվող համաշխարհային նորարարություններ, որոնք վերաբերում են ոլորտի նորագույն սարքավորումներին և տեխնոլոգիաներին, նոր ատոմային էլեկտրակայանների կառուցմանը, ատոմային էլեկտրակայանների անվտանգ շահագործմանը, դրանց հսկողությանը, սերտիֆիկացմանը, աշխատած վառելիքի փոխադրմանը, պահեստավորմանը, կադրերի վերապատրաստմանն ու այլ հարցերի:

Ավելի վաղ Հայաստանի էներգետիկայի և բնական պաշարների նախարարը հայտնել էր, որ Հայկական ԱԷԿ–ի շահագործման ժամկետի երկարացման աշխատանքները կսկսվեն 2017 թվականի գարնանը։ Նա նշեց, որ հայկական կողմն արդեն սկզբունքային պայմանավորվածություն ունի Ռուսաստանի հետ այդ նպատակներով 300 մլն դոլար հատկացնելու վերաբերյալ։

Հայաստանի կառավարությունը 2014 թվականի մարտի 27–ի նիստում որոշում է ընդունել Հայկական ԱԷԿ–ի երկրորդ էներգաբլոկի շահագործումը մինչև 2026 թվականը երկարացնելու մասին նոր էներգաբլոկի կառուցման ձգձգման պատճառով։

2012 թվականի փետրվարին Հայաստանի էներգետիկայի և բնական պաշարների նախարար Արմեն Մովսիսյանը հայտնել էր, որ էներգաբլոկը ծրագրվում է կառուցել 2019-2020 թվականներին։

Ներկայում գործող Հայկական ԱԷԿ-ը (ՀԱԷԿ) տեղակայված է Մեծամոր քաղաքի մերձակայքում (Երևանից մոտավորապես 20-30 կմ դեպի հարավ): Կայանը շահագործման են հանձնել 1976թ.-ին, ներկա պահին գործում է միայն 407,5 ՄՎտ հզորությամբ երկրորդ բլոկը: Կանգնեցվել է 1989 թվականի մարտին Սպիտակի երկրաշարժից հետո։ Երկրորդ անգամ գործարկվել է 1995 թվականին  հանրապետության էներգետիկ սուր ճգնաժամի կապակցությամբ։ Ներկայում գործում է 407.5 ՄՎտ հզորությամբ երկրորդ բլոկը։

Հայաստանում ծրագրվում է կառուցել 1000 ՄՎտ հզորության նոր էներգաբլոկ։  Գոսատոմնադզորի տվյալներով, Հայկական ԱԷԿ–ի նոր բլոկի կառուցումը Հայաստանում կկազմի մոտ 5 մլրդ դոլար։ --0—

Loading...
Թեմատիկ նյութեր
Բաժնի այլ նյութեր
15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։