478.55
+0.13
562.3
+0.63
8.1
+0.05
+33
Եղանակը Երևանում
Հայ
Հայաստանի և Ադրբեջանի նախագահների` Ղարաբաղի հարցով մշտական խորհրդականների նշանակումը կբարձրացներ բանակցությունների արդյունավետությունը. փորձագետ
14:19
08 Սեպտեմբերի 2014

ԵՐԵՎԱՆ, 8 սեպտեմբերի. /Նովոստի-Արմենիա/. Հայաստանի և Ադրբեջանի նախագահների կողմից ղարաբաղյան հակամարտության հարցերով մշտական խորհրդականների նշանակումը կբարձրացներ բանակցային գործընթացի արդյունավետությունը, կարծում է Վաշինգտոնի «Կարնեգի» հիմնադրամի Կովկասի հարցերով առաջատար մասնագետ Թոմաս դե Վաալը:

«Ամեն ինչ փոխվում է, սակայն ամեն ինչ նույնն է մնում: Վերջին 20 տարում շատ բան է փոխվել, սակայն մնացել է հակամարտության անլուծելի լինելը: Հայաստանի և Ադրբեջանի ղեկավարների բազմաթիվ, սակայն հազվադեպ բանակցությունները, ԵԱՀԿ ՄԽ համանախագահների փոփոխությունն ու այլ իրադարձություններ չփոխեցին իրավիճակը: Նախագահների մշտական խորհրդականները, որոնք կարող են պարբերաբար հանդիպել, այլ ոչ թե մի քանի ամիսը մեկ անգամ, կբարձրացնեն բանակցությունների արդյունավետությունը», - ասել է դե Վաալը երկուշաբթի լրագրողներին:

Նրա խոսքերով՝ այսօրվա դրությամբ գոյություն ունեն նորմալ բանակցային գործընթացին բնորոշ գծեր, սակայն այն չունի բովանդակություն, քանի որ բանակցությունները կրում են ֆորմալ բնույթ, և իրական հարցեր չեն քննարկվում ոչ հասարակությունում, ոչ էլ նախագահների միջև:

«Տեղի ունեցան նախագահների հանդիպումները Սոչիում և Ուելսում, ես հուսով եմ, որ, միգուցե, հանդիպում կկազմակերպվի ՄԱԿ-ի շրջանակում Նյու Յորքում և Փարիզում Ֆրանսիայի նախագահ Ֆրանսուա Օլանդի հրավերով: Սակայն երկու կողմից ավելի լայն գործընթաց է հարկավոր, ավելի շատ մարդիկ են հարկավոր, չէ՞ որ ղարաբաղյան հակամարտության հարցերով պրոֆեսիոնալ կերպով զբաղվում է երկու-երեքական մարդ Երևանում, Ստեփանակերտում և Բաքվում: Լուծում պահանջող բազմաթիվ հարցեր կան», - նշեց փորձագետը:

Նրա խոսքերով՝ Ադրբեջանն ու Հայաստանը ընդհանուր ապագայի հարցում միասին աշխատելու փոխադարձ հետաքրքրություն ունեն: «Միաժամանակ Ադրբեջանի համար ռազմավարական տեսակետից ավելի կարևոր է ազատ լինել Ռուսաստանի և Իրանի ազդեցությունից, իսկ Հայաստանի համար ռազմավարական նշանակություն ունի սահմանների բացումն ու տնտեսական զարգացումը», - ասաց փորձագետը:

«Ոչ նախագահների կողմից, ոչ էլ հասարակությունում չեն քննարկվում այնպիսի հարցեր, ինչպիսիք են՝ «ի՞նչ է մեզ համար փոխզիջումը», «ո՞րն է մեր ռազմավարական շահը», հիմնականում միայն հայրենասիրական հռետորաբանություն է հնչում», - ընդգծել է դե Վաալը:
Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:
Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:
1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:
Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
18:00
22 Օգոստոսի 2017
ՀՀ բնապահպանության նախարարը խոսել է իր հրաժարականի հավանականության մասին
ՀՀ բնապահպանության նախարար Արծվիկ Մինասյանը խոսել  է իր հրաժարականի հավանականության մասին Խոսրովի արգելոցում գրանցված հրդեհի համատեքստում։
11:27
21 Օգոստոսի 2017
ՀՀ ԱԳՆ–ն մեկնաբանել է ԵՏՄ մաքսային գոտուն միանալու Թուրքիայի մտադրությունը
ՀՀ փոխարտգործնախարար Շավարշ Քոչարյանը ԱԳՆ–ի Twitter–յան էջում մեկնաբանել է ԵՏՄ մաքսային գոտի մուտք գործելու Թուրքիայի ցանկությունը։
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։