478.55
+0.13
562.3
+0.63
8.1
+0.05
+24
Եղանակը Երևանում
Հայ
Երևանում լուսանկարչական ցուցահանդես է բացվել` ֆոտոլրագրող Անդրեյ Ստենինի արձակման պահանջի կապակցությամբ
14:11
28 Օգոստոսի 2014

ԵՐԵՎԱՆ, 28 օգոստոսի. /Նովոստի-Արմենիա/.  Հինգշաբթի Երևանի Մոսկվայի տանը բացվել է «Ռոսիա Սեգոդնիա» ՄԼԳ-ի հայաստանյան մասնաճյուղի կազմակերպած լուսանկարչական ցուցահանդեսը՝ պահանջելով ազատ արձակել «Ռոսիա Սեգոդնյա» ՄԼԳ-ի ֆոտոլրագրող Անդրեյ Ստենինին:

Ցուցահանդեսը բացեց ՀՀ-ում ՌԴ արտակարգ և լիազոր դեսպան Իվան Վոլինկինը, ով շնորհակալություն հայտնեց ցուցահանդեսի կազմակերպիչներին և այցելուներին:

«Ցանկանում եմ իմ հարգանքն արտահայտել այն բոլոր լրագրողներին, ովքեր, ինչպես Անդրեյ Սենինը, չնայած կյանքին սպառնացող բազմաթիվ ռիսկերին, այցելում են բարդ տարածաշրջաններ, որպեսզի ներկայացնեն այդ շրջանների իրական վիճակը: Նրանք գնում են հենց օբյեկտիվ տեղեկատվության համար, և նրանք, իրավամբ, խիզախ մարդիկ են», - հայտարարեց դեսպանը:

Նրա խոսքով՝ մեծ մտահոգություն է առաջացնում այն փաստը, որ հակամարտության գոտում շարունակում են հետապնդել լրագրողներին, նրանց ենթարկում են հարցաքննության՝ երբեմն ծեծի և տանջանքի ենթարկելով: Ուկրաինայի հակամարտության ժամանակ այս տարի ծառայողական պարտականությունները կատարելիս զոհվել է վեց լրագրող:

«Նման իրավիճակն անընդունելի է ժամանակակից աշխարհում: Մենք կոչ ենք անում բոլորին լռության չմատնել նման դեպքերը: Համաշխարհային հանրությունը պետք է արձագանքի Անդրեյ Սենինի հետ կատարված պատմությանն ու Ուկրաինայում լրագրողների հետ կապված իրավիճակին», - ավելացրեց ռուս դիվանագետը:

Դեսպանն ընդգծեց, որ Ռուսաստանը պնդում է, որպեսզի անհապաղ միջոցներ ձեռնարկվեն Ստենինի որոնման և ազատ արձակման, ինչպես նաև աշխատանքի անվտանգ պայմանների ապահովման ուղղությամբ Ուկրաինայում իրենց մասնագիտական պարտքը կատարող ինչպես ռուսական, այնպես էլ օտարերկրյա ԶԼՄ-ների ներկայացուցիչների համար:

Լուսանկարչական ցուցահանդեսին ներկայացված Անդրեյ Ստենինի աշխատանքներին ծանոթանալուց հետո Վոլինկինը նշեց, որ Հարավսլավիայում ընթացող պատերազմի տարիներին նա աշխատել է Խորվաթիայում և Բոսնիայում: Նա ներկայացրել է այդ ժամանակահատվածից ստացած իր տպավորությունները, մասնավորապես՝ պատմել է այնտեղ զոհված ռուս լրագրողների մասին՝ նշելով, որ չի ցանկանում, որպեսզի ինչ-որ տեղ նման բան տեղի ունենա լրագրողների հետ:

Դեսպանը նաև ավելացրեց, որ այս ցուցահանդեսը կօգնի ուշադրություն գրավել Անդրեյ Ստենինի խնդրի նկատմամբ: «Սա հասարակության, լրագրողների, ողջ աշխարհի ձայնն է, որը կոչ է անում ուկրաինական իշխանություններին դադարեցնել լրագրողների նկատմամբ կիրառվող բռնությունն ու վարել ադեկվատ, ճիշտ քաղաքականություն իրավիճակը լուսաբանող ԶԼՄ-ների նկատմամբ»,- ասաց նա:

2014թ.-ի օգոստոսի 7-ին «Ռոսիա սեգոդնյա» ՄԼԳ-ն տեղեկացրեց, որ Ուկրաինայի արևելքում գտնվող հատուկ ֆոտոլրագրող Անդրեյ Ստենինը կապի դուրս չի եկել: Ֆոտոտեղեկատվության տնօրինությունը նրանից վերջին անգամ նյութ է ստացել օգոստոսի 5-ին:

Աղբյուրները տեղեկացրել են, որ նրան կարող էին ձերբակալել ուկրաինացի ուժայինները, սակայն Կիևը դա չի հաստատում: Ուկրաինայի ՆԳՆ-ն օգոստոսի 11-ին դիմում է ընդունել լրագրողի անհետացման մասին: Հաջորդ օրը Ուկրաինայի իշխանություններն առաջին անգամ հայտարարեցին, որ իրենց հայտնի է Ստենինի ճակատագիրը: Ուկրաինայի ՆԳՆ-ի խորհրդական Անտոն Գերաշչենկոն լատվիական Baltkom ռադիոկայանի հետ հարցազրույցում հայտնել էր, որ ֆոտոլրագրողին ձերբակալել են ուկրաինական հատուկ ծառայությունները և կասկածում են նրան «ահաբեկիչներին սատարելու մեջ»։ Ավելի ուշ Գերաշչենկոն նշել էր, որ իրեն «սխալ են մեկնաբանել»` նա միայն ենթադրել է, թե Ստենինը ձերբակալված է, բայց հստակ տեղեկություն այդ մասին չունի։ Baltkom–ը հայտարարել էր, որ ունի հարցազրույցի ձայնագրությունը և տրամադրել էր այն ԶԼՄ–ներին։

«Ռոսիա սեգոդնյա» ՄԼԳ-ի գլխավոր տնօրեն Դմիտրի Կիսելյովը պահանջել է ազատ արձակել Ուկրաինայի արևելքում կորած ֆոտոլրագրողին։ Ենթադրվում է, որ նրան ձերբակալել է Ուկրաինայի անվտանգության ծառայությունը:

ՌԴ քննչական կոմիտեն քրեական գործ է հարուցել Ստենինի առևանգման փաստով:

«Ռոսիա սեգոդնյա» ՄԼԳ-ն հայտարարել է, որ աջակցության ակցիաներ է անցկացնելու այնքան ժամանակ մինչև Ստենինը չհայտնվի ազատության մեջ: Գործակալությունն արդեն ակցիաներ է կազմակերպել սոցիալական ցանցերում, որոնց ընթացքում օգտատերերն իրենց անձնական էջերում տեղադրում են ակցիայի խորհրդանիշը (#освободитеАндрея): Բացի այդ, «Փակեք ձեր տեսախցիկի օբյեկտիվը» խորագրով ակցիա է անցկացվում, որը խորհրդանշում է այն փաստը, որ մարտական գործողությունների, հանրահավաքների, ցանկացած միջոցառումների ժամանակ լուսանկարչի ձերբակալության միջոցով հասարակությունը զրկվում է օբյեկտիվ պատկերացումից այն մասին, թե ինչ է իրականում տեղի ունենում: Ստենինին աջակցող ակցիաներ են արդեն անցկացվել Սերբիայում, Ռուսաստանում և Արգենտինայի մի քանի քաղաքներում, այդ թվում նաև Բուենոս Այրեսում: Ակցիաներին մասնակցում են լրագրողներ, ռուսական սփյուռքի, միջազգային իրավապաշտպան կազմակերպությունների ներկայացուցիչներ և պարզապես մարդիկ, ովքեր անտարբեր չեն ռուս լուսանկարչի ճակատագրի նկատմամբ: 

«Ռոսիա սեգոդնյա» ՄԼԳ-ն նաև ֆլեշ-մոբ է անցկացրել՝ աջակցելով իր գործընկերոջը: Այն անցկացվել է գործակալության բակում: Ասֆալտի վրա սպիտակ կավիճով մեծ տառերով գրվել է #freeAndrew: Իսկ գործակալության աշխատակիցները վառ գույնի շապիկներով ուս ուսի կանգնել են այդ գրառման շուրջ և բացականչել՝ «Ազատություն Անդրեին»:

Ստենինի ճակատագրի կապակցությամբ մտահոգություն են հայտնել ԵԱՀԿ-ի ԶԼՄ-ների ազատության հարցերով ներկայացուցիչ Դունիա Միյատովիչը, Լրագրողների միջազգային ֆեդերացիան (IFJ), ինչպես նաև «Թղթակիցներ առանց սահմանների» (Reporters sans frontiers, RSF) միջազգային կազմակերպությունը, որոնք կոչ են արել անհապաղ ազատ արձակել ֆոտոլրագրողին:-0-

Loading...
Թեմատիկ նյութեր
Բաժնի այլ նյութեր
18:00
22 Օգոստոսի 2017
ՀՀ բնապահպանության նախարարը խոսել է իր հրաժարականի հավանականության մասին
ՀՀ բնապահպանության նախարար Արծվիկ Մինասյանը խոսել  է իր հրաժարականի հավանականության մասին Խոսրովի արգելոցում գրանցված հրդեհի համատեքստում։
11:27
21 Օգոստոսի 2017
ՀՀ ԱԳՆ–ն մեկնաբանել է ԵՏՄ մաքսային գոտուն միանալու Թուրքիայի մտադրությունը
ՀՀ փոխարտգործնախարար Շավարշ Քոչարյանը ԱԳՆ–ի Twitter–յան էջում մեկնաբանել է ԵՏՄ մաքսային գոտի մուտք գործելու Թուրքիայի ցանկությունը։
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։