483.58
+0.74
513.85
-7.76
7.67
+0.05
+4
Եղանակը Երևանում
Հայ
Հայաստանը 100 հազար դոլար կուղղի Իրաքի եզդիներին
16:22
21 Օգոստոսի 2014

ԵՐԵՎԱՆ, 21 օգոստոսի. /Նովոստի–Արմենիա/. Հայաստանը որպես մարդասիրական օգնություն 100 հազար դոլար կուղղի Իրաքի եզդի ժողովրդին, հինգշաբթի Հայաստանի կառավարության նիստում հայտնեց Հայաստանի արտաքին գործերի փոխնախարար Շավարշ Քոչարյանը։

«Իրաքում ներքաղաքական բախումների հետևանքով էապես տուժել և իրենց բնակության վայրերից արտաքսվել են բազմաթիվ եզդի ընտանիքներ։ Բացի այդ, ահաբեկիչները նրանց նկատմամբ բռնություն են կիրառել»,– ասաց Քոչարյանը։

Նա նշեց, որ նման իրավիճակում Հայաստանի իշխանությունները բարեկամական եզդի ժողովրդին օժանդակելու համար որոշում են ընդունել աջակցություն ցուցաբերել երկու ուղղությամբ։

Ըստ նրա, նախագահը հանձնարարել է Հայաստանի բոլոր դիվանագիտական ներկայացուցիչներին բարեկամական երկրներում և միջազգային կազմակերպություններում քննարկումներ կազմակերպել Իրաքում բռնության դադարեցման  և իրավիճակի կայունացման քայլերի իրականացման ուղղությամբ։

Երկրորդ ուղղությունը, ինչպես նշեց փոխնախարարը, կապված է մարդասիրական օգնության հետ, որը պետք է բաշխվի Իրաքի եզդի բնակչության միջև։

«Օգնությունը հասցնելու հնարավորությունների մասին քննարկումները ցույց տվեցին, որ նպատակային նշանակությունը գործնականորեն անհնար է, ինչի կապակցությամբ Հայաստանը դիմել է ՄԱԿ–ի` փախստականների հարցերով գերագույն հանձնակատարի գրասենյակ, որն ունի բոլոր անհրաժեշտ մեխանիզմները, և, պայմանավորվածության համաձայն, Հայաստանից եզդի ժողովրդի օգնությունը կփոխանցվի այդ կազմակերպության միջոցով»,– ասաց Քոչարյանը։

Նա միաժամանակ նշեց, որ Հայաստանն ի սկզբանե նախատեսում էր հատկացնել 50 հազար դոլար, սակայն նախագահի հանձնարարականից հետո գումարը կրկնապատկվեց` մինչև 100 հազար դոլար։

«Իսլամական պետություն» արմատական խմբավորման գրոհայինները, ովքեր մինչև վերջերս կռվում էին Սիրիայում, հունիսին գլխավորել են գրոհն Իրաքի հյուսիսային և արևմտյան շրջանների վրա, որն ուղեկցվել է տեղական ոչ մահմեդական բնակչության, այդ թվում` եզդիների զանգվածային սպանություններով։ Հունիսի վերջին ԻՊ–ն հայտարարել է Իրաքի և Սիրիայի` իրեն ենթակա տարածքներում «իսլամական խալիֆայություն» ստեղծելու մասին։

Ավելի վաղ Աշխարհի եզդիների ազգային միությունը բազմաթիվ անգամ կոչ էր արել միջազգային կառույցներին և ողջ մարդկությանը համապատասխան քայլեր ձեռնարկել, քանի որ անգործունեության դեպքում եզդիների նկատմամբ իրականցող հանցագործությունները կշարունակվեն: Միության ղեկավարությունը բաց նամակով դիմել է ԱՄՆ-ի, Ռուսաստանի, Հայաստանի նախագահներին, ինչպես նաև Մեծ Բրիտանիայի վարչապետին՝ հորդորելով պաշտպանել Իրաքի եզդիներին:

Եզդիները քուրդ ժողովրդի մի մասն են, ովքեր հատուկ կրոն են դավանում: Նրանք հիմնականում բնակվում են Իրաքում: Եզդիների կրոնը պարունակում է հեթանոսական, հնագույն հնդիրանական դավանանքի, հուդայականության, քրիստոնեության և իսլամի տարրեր:

2013 թ.-ին իրականացված մարդահամարի համաձայն՝ Հայաստանում բնակվում է 41 հազար եզդի, եզդիերեն թերթ է հրապարակվում և ռադիոհաղորդում հեռարձակվում: Հայաստանի մի շարք դպրոցներում դասավանդումն իրականացվում է եզդիերեն:-0-

Loading...
Թեմատիկ նյութեր
Բաժնի այլ նյութեր
20:43
09 Դեկտեմբերի 2016
Հայաստանի և Ադրբեջանի ղեկավարների հանդիպման հնարավորությունը չի բացառվում. Նալբանդյան
Հայաստանի և Ադրբեջանի նախագահների Սերժ Սարգսյանի և Իլհամ Ալիևի հանդիպումը չի բացառվում:
16:43
09 Դեկտեմբերի 2016
Նախագահ Սարգսյանը կգլխավորի ՀՀԿ նախընտրական ցուցակը
ՀՀ նախագահ, Հայաստանի իշխող կուսակցության նախագահ Սերժ Սարգսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
16:32
09 Դեկտեմբերի 2016
Հայաստանի առաջին նախագահը կգլխավորի ՀԱԿ–ի ցուցակը 2017թ.–ի ընտրություններում. խմբակցության ղեկավար
Հայ ազգային կոնգրես կուսակցության նախագահ, ՀՀ առաջին նախագահ Լևոն Տեր-Պետրոսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
12:39
09 Դեկտեմբերի 2016
ՀՀԿ-ում բոլորը «փշերի» վրա են
Այսօր մամուլն արդեն գրում է, թե ովքեր են լինելու ՀՀԿ ցուցակում, և ովքեր են դուրս մնալու:
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը: