482.36
-0.38
568.99
-1.66
8.19
-0.05
-1
Եղանակը Երևանում
Հայ
Դպրոցներում Հայոց ցեղասպանության թեման ուսումնասիրելիս պետք է շեշտադրվի զոհի բարդույթից ազատվելու հարցը
18:03
30 Հուլիսի 2014

ԵՐԵՎԱՆ, 30 հուլիսի. /Նովոստի–Արմենիա/.  Դպրոցներում Հայոց ցեղասպանության թեման ուսումնասիրելիս պետք է շեշտադրվի զոհի բարդույթից ազատվելու հարցը, կարծում է Հայոց ցեղասպանության թանգարան–ինստիտուտի փոխտնօրեն Սուրեն Մանուկյանը։

«Պետք է ազատվել զոհի բարդույթից, Հայոց ցեղասպանության թեմայի դասավանդումը պետք է ուղղված լինի ավելի պատասխանատու, ավելի գրագետ և հպարտ սերնդի դաստիարակմանը։ Մենք պետք է ընդգծենք, որ թեև Հայոց ցեղասպանության նպատակը մեր ազգի բնաջնջումն էր, սակայն տոկունության և դիմակայության շնորհիվ հայ ժողովուրդը կարողացավ ոչ միայն վերապրել Ցեղասպանությունը, այլ նաև պետականություն ստեղծել և 21–րդ դար մտնել որպես անկախ պետություն։ Ահա ինչը պետք է շեշտադրվի»,– ասաց Մանուկյանը։

30 ուսուցիչներ Հայաստանից, Արցախի Հանրապետությունից և Սփյուռքից մասնակցում են «Ինչպես դասավանդել Հայոց ցեղասպանություն թեման» ամառային դպրոցին, որը բացվել է չորեքշաբթի Հայոց ցեղասպանության թանգարան–ինստիտուտում։

Ինչպես նշեց Մանուկյանը, Թանգարան–ինստիտուտը կարևորում է դպրոցներում այս թեմայի ճիշտ դասավանդումը, քանի որ այն որոշակի մարտահրավերներ է պարունակում։

«Խնդիրն այն է, որ վերջին տարիներին Հայոց ցեղասպանության թեման հայկական դպրոցներում պատմության դասերի ընթացիկ թեմաներից մեկն է, մինչդեռ այս թեման հատուկ մոտեցման կարիք ունի, որովհետև պարունակում է որոշակի ռիսկեր, և սխալ մատուցման դեպքում կարող է հանգեցնել հոգեբանական լուրջ հետևանքների։ Ամառային դպրոցի նպատակն է` օգնել Հայոց պատմության ուսուցիչներին թեմային նոր մոտեցումներ գտնել, մշակել դասավանդման նոր մեթոդիկա և այն կիրառել դպրոցներում»,– նշեց նա։

Նա հայտնեց, որ ամառային դպրոցի արդյունքում կմշակվի ուսուցիչների համար հատուկ ձեռնարկ, որը կօգնի նրանց ճիշտ դասավանդել Հայոց ցեղասպանության թեման։

«Ձեռնարկը կընդգրկի նաև Ցեղասպանության մասին ժամանակով ստուգված և երկակի ստանդարտներ չպարունակող գրականության ցանկ»,– ավելացրեց նա։

Կալիֆոռնիայի համալսարանի գիտաշխատող, բանասիրական գիտությունների դոկտոր, Հայոց ցեղասպանության և Հայկական հարցի մասին գրքի հեղինակ Ռուբինա Փիրումյանն ընդգծեց, որ Հայոց ցեղասպանության դասավանդումը պետք է որոշակի ուղերձ ունենա` «նրանք, ովքեր մոռանում են անցյալը, դատապարտված են դրա կրկնությանը»։

«Պետք է հիշեցնեմ հրեաների ոչնչացման կապակցությամբ Հիտլերի ասած խոսքերը` «Եվ ո՞վ է այսօր հիշում Հայոց ցեղասպանության մասին», – և ընդգծեմ, որ եթե աշխարհը ժամանակին ճանաչեր և դատապարտեր Հայոց ցեղասպանությունը, պատժեր մեղավորներին, ապա Հոլոքոստ չէր լինի»,– ասաց նա։

Նա միաժամանակ ընդգծեց, որ չի կարելի երեխաների մեջ սերմանել այն միտքը, որ հայերին կոտորում էին նրանց թույլ լինելու պատճառով։

«Հակառակը, պետք է ազատվել այդ բարդույթներից։ Ճիշտ է, որ թուրքերը Ցեղասպանություն են իրականացրել, իսկ քրդերը նրանց ձեռքի գործիքն են դարձել, սակայն սխալ է երեխաներին թուրքերի նկատմամբ ատելություն ներշնչելը, քանի որ վաղ թե ուշ այդ ժողովուրդը կգիտակցի իր սխալները»,– ընդգծեց Փիրումյանը։

Բացի Փիրումյանից, դասախոսություններով հանդես եկան պատմական գիտությունների դոկտոր, Հայաստանի գիտությունների ազգային ակադեմիայի Հնագիտության և ազգագրության ինստիտուտի ավագ գիտաշխատող Հարություն Մարությանը և պատմական գիտությունների դոկտոր, Հայոց ցեղասպանության թանգարան–ինստիտուտի փոխտնօրեն Սուրեն Մանուկյանը։

Հայոց ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի վերաբերյալ Արևմուտքի կողմից արվող քննադատություններին։

Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։ -0-

Loading...
Թեմատիկ նյութեր
Բաժնի այլ նյութեր
16:47
16 Դեկտեմբերի 2017
Արձանագրությունների ստորագրումից հետո էլ, այսօր էլ գնդակը թուրքական կիսադաշտում է. ՀՀ ԱԳՆ
ՀՀ ԱԳՆ-ն հայտարարություն է տարածելցյուրիխյան արձանագրությունների վերաբերյալ Թուրքիայի վերջին հայտարարության վերաբերյալ:
17:36
15 Դեկտեմբերի 2017
Հայաստանում ԵՄ պատվիրակության ղեկավարը խոսել է ԵՄ–ի հետ ստորագրված համաձայնագրի դրական կողմերի մասին
Նա ընդգծեց նաև, որ հայկական իշխանությունները գործադրում են անհրաժեշտ բոլոր ջանքերը, որպեսզի երկրի քաղաքացիները ավելի շուտ զգան համաձայնագրի դրական ազդեցությունը:
13:09
15 Դեկտեմբերի 2017
Թուրք լրագրողը հարձակվել է հայ քաղաքագետի վրա «Զվեզդա» հեռուստաալիքի եթերում (ՎԻԴԵՈ)
Թուրք լրագրողը «Զվեզդա» հեռուստաալիքի «Process» (Процесс) հաղորդման ժամանակ հարձակվել է հայ քաղաքագետ Սարգիս Ծատուրյանի վրա:
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում:
19:21
14 Դեկտեմբերի 2017
Թուրքիան հայտարարել է, որ հավատարիմ է Հայաստանի հետ հարաբերությունների բարելավմանն ուղղված արձանագրություններին
Թուրքիան պահպանում է Հայաստանի հետ հարաբերությունների բարելավմանն ուղղված արձանագրությունների նկատմամբ իր հավատարմությունը:
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։