482.25
+0.32
566.07
-3.09
8.39
+0.02
+9
Եղանակը Երևանում
Հայ
Մարկեդոնով. Մոսկվան չի ճանաչի Մերձդնեստրը, եթե արմատապես չփոխվի ստատուս քվոն
13:45
29 Հուլիսի 2014

ԵՐԵՎԱՆ, 29 հուլիսի. /Նովոստի–Արմենիա/. Ռուսաստանն ի սկզբանե Մերձդնեստրը ճանաչելու ձգտում չուներ, բայց ռուսական շահերին հակասող ստատուս քվոյի փոփոխության դեպքում հնարավոր է ամեն ինչ, կարծում է ռուս հայտնի փորձագետ, Ռուսաստանի պետական հումանիտար համալսարանի արտասահմանյան տարածաշրջանի և արտաքին քաղաքականության ամբիոնի դոցենտ Սերգեյ Մարկեդոնովը։

«Ի սկզբանե Ռուսաստանը նման ձգտում, նման ցանկություն չունի, որովհետև դա հղի է բարդություններով։ Սակայն եթե ստատուս քվոյի արմատական փոփոխություն լինի ոչ Ռուսաստանից շահերից, ապա շատ բան է հնարավոր»,– «Նովոստի–Արմենիա» գործակալության հետ զրույցում ասաց Մարկեդոնովը։

Ըստ նրա, այժմ գոյություն ունի որոշակի ձևաչափ, որը լավ թե վատ աշխատում է, և Մոսկվան այն փոխելու շահագրգռվածություն չունի։

«Ի դեպ, հետաքրքիր է, որ ուկրաինական ճգնաժամի ժամանակ Վլադիմիր Պուտինն Անգելա Մերկելի և Բարաք Օբամայի հետ զրույցներում երկու անգամ հնչեցրել է 5+2 ձևաչափի պահպանման հարցը։ Այդ մասին խոսել է նաև Սերգեյ Լավրովը։ Կարծում եմ` եթե այդ ձևաչափը, թեկուզ վատ տեսքով, պահպանվի, ապա Մոսկվան այն չի փոխի»,– նշեց Մարկեդոնովը։

Մերձդնեստրյան 5+2 ձևաչափով կարգավորման բանակցություններին մասնակցում են Մոլդովան և Մերձդնեստրը որպես հակամարտության կողմեր, Ռուսաստանն ու Ուկրաինան` որպես երաշխավորներ, ԵԱՀԿ–ն` որպես միջնորդ, Եվրամիությունն ու ԱՄՆ–ն` որպես դիտորդ։

Բացի այդ, փորձագետն ընդգծեց, որ Մոսկվան այժմ սպասում է Մոլդովայի ընտրություններին, այն է` ով Քիշնևում իշխանության կգա` Մերձդնեստրի նկատմամբ ավելի կոշտ ճնշման կողմնակիցնե՞րը` «ա–լյա «Սահակաշվիլի-2», թե՞ ավելի պրագմատիկ գործողությունների կողմնակիցները։ «Եվ, անշուշտ, Ուկրաինայի շուրջ ամբողջ իրավիճակը նույնպես կազդի այդ ամենի վրա։ Ամփոփելով ասեմ` եթե ստատուս քվոյի կտրուկ փոփոխություններ չլինեն, Մոսկվան դժվար թե իր կողմից ինչ–որ բան ձեռնարկի»,– նշեց փորձագետը։
 
Նա հիշեցրեց, որ մինչև որոշակի ժամանակ դիտարկվում էր Մերձդնեստրի և Մոլդովայի համատեղ գոյակցության հնարավորությունը։

«Դա ձեռնարկում էր Տիրասպոլը, որովհետև հակամարտությունը չէր հասնում այն խորության, որը եղել է Լեռնային Ղարաբաղում։ Այստեղ չեն եղել բնակչության տրանսֆերտներ, այստեղ չեն եղել փախստականներ, չի եղել հստակ էթնիկ տարր։ Այստեղ հակամարտությունը կրում էր ավելի քաղաքական, քան էթնիկ բնույթ։ Բայց 2006 թվականից հետո Ուկրաինայի և Մոլդովայի ձեռնարկած ստատուս քվոն ստուգելու առաջին փորձը (առևտրային կանոնների փոփոխություն և Մերձդնեստրի արտաքին տնտեսական ինքնուրույն գործունեության մասին Մոսկվայի հուշագրի փաստացի լուծարում) դրդեց Տիրասպոլին Ռուսաստանի հետ ավելի լրջորեն մերձենալ»,– ասաց Մարկեդոնովը։

Ըստ նրա, Մոլդովայի և Ուկրաինայի` 2006 թվականին ստատուս քվոն փոխելու և նույն տարվա սեպտեմբերին կարգավիճակի հանրաքվե (Մերձդնեստրի անկախության կուրսի սատարում և հետագա ազատ միացում Ռուսաստանի Դաշնությանը) անցկացնելու փորձերը շատ հստակ կապված երևույթներ են։ «Ճնշման, կարգավիճակի փոփոխության, ճնշում գործադրելու փորձերը, և Մոլդովայից, պայմանականորեն ասած, հեռանալու ավելի ռուսամետ, հեռանալուն, փախուստի ավելի հակված պատասխան ռեակցիա»։

Նա ավելացրեց, որ ԵՄ–ի հետ Մոլդովայի ասոցացման մասին համաձայնագիրը երկու կառույցների միջև ևս մեկ լրացուցիչ «փոս» է։

«Ես, անկեղծ ասած, պրագմատիկ տեսանկյունից չեմ տեսնում, թե ինչով Մոլդովան կարող է հետաքրքիր լինել Մերձդնեստրին։ Չեմ տեսնում ինչ–որ հետաքրքիր «մագնիսներ», որոնք կարող են առաջարկվել»,– ասաց Մարկեդոնովը։ -0-

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: