486.7
-0.08
515.12
-0.38
8.43
+0.02
+8
Եղանակը Երևանում
Հայ
Թուրքիայի հայերը նախագահի ընտրություն կատարելիս կաջակցեն Էրդողանին. փորձագետ
17:50
25 Հուլիսի 2014

ԵՐԵՎԱՆ, 25 հուլիսի. /Նովոստի-Արմենիա/. Թուրքիայում բնակվող հայերը նախագահի` օգոստոսին նախատեսված ընտրությանը իրենց քվեները կտան գործող վարչապետ Ռեջեփ Թայիպ Էրդողանին, կարծում է թուրքագետ Հակոբ Չաքրյանը:

Նրա խոսքով՝ Էրդողանը, ի տարբերություն իր նախորդների, որոնց վարչապետ լինելու տարիներին առգրավվում էր հայերի համայնքային ունեցվածքը, օրենք նախաձեռնեց, որն արգելում է առգրավումը, ինչի արդյունքում ունեցվածքի մի մասը վերադարձվեց հայերին: Բացի այդ, Էրդողանը, Թուրքիայի կառավարության մնացած ղեկավարների համեմատ, ովքեր միշտ ընդգծված բացասական վերաբերմունք էին դրսևորում հայերի նկատմամբ, նման բան չի անում:

«Էրդողանն ընտրություններում հաղթելու ամենամեծ հնարավորություններն ունի, թեև նրա անվան շուրջ աղմկահարույց պատմություններ են պտտվում, ինչպես նաև երկրում ճնշում է գործադրվում խոսքի ազատության վրա», - ուրբաթ լրագրողներին ասաց Չաքրյանը:

Թուրքագետը կարծում է, որ ընդհանուր առմամբ ընտրողներին քիչ են անհանգստացնում այնպիսի հարցեր, ինչպիսին են՝ մարդու իրավունքները, ժողովրդավարությունը կամ համամարդկային արժեքները: «Նրանց հիմնականում հետաքրքրում է այն, որ իրենց աղջիկները կարողանան գլխաշորով դպրոց կամ համալսարան հաճախել, իսկ դպրոցներում իսլամ դասավանդվի: «Եթե էրդողանը նրանց այս ամենը տա, ապա նրանք էլ ոչնչի մասին չեն մտածի», - ասաց փորձագետը:

Համաձայնելով գործընկերոջ հետ՝ թուրքագետ Արտակ Շաքարյանը նշեց, որ Էրդողանը կարող է հաղթել, եթե ոչ առաջին, ապա հաստատ երկրորդ փուլում:

«Էրդողանը ունի այն, ինչով կարող է մասնակցել նախագահի ընտրությանը. նա կարող է ներկայացնել այն, ինչ խոստացել է անել և կատարել է այդ խոստումը», - ասաց նա:

Շաքարյանը կարծում է, որ թուրք ժողովուրդը հստակ գիտակցում է, որ նախկին կառավարության դեպքում երկրում կենսամակարդակը շատ ավելի ցածր էր, քան հիմա:

Իսկ ընդդիմությունը, նրա խոսքով, ընտրության նախաշեմին որևէ կառուցողական հայտարարություն չի անում՝ սահմանափակվելով միայն Էրդողանի քննադատությամբ:

Ինչպես նշել է փորձագետը, ընդդիմությունն ամեն դեպքում կարողացավ միավորվել և առաջադրել իր միասնական թեկնածուին՝ ի դեմս Էքմելեդին Իհսանօղլուի:

«Ընդդիմությունից միասնական թեկնածուի առաջադրումն արդեն նրա հաղթանակն է, քանի որ շատերը երկրում չէին հավատում, որ ընդդիմությունը կկարողանա միավորվել և միասնական թեկնածու առաջադրել», - ընդգծել է Շաքարյանը:

Թուրքիայում նախագահի ընտրություն կանցկացվի 2014թ.-ի օգոստոսի 10-ին: Եթե թեկնածուներից ոչ մեկն անհրաժեշտ քանակությամբ քվե չստանա առաջին փուլում, ապա օգոստոսի 24-ին կանցկացվի երկրորդ փուլը: Սա Թուրքիայի նախագահի առաջին համաժողովրդական ընտրություն է, ավելի վաղ նախագահին ընտրում էր խորհրդարանը:-0-

 


 

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։