480.39
+0.17
536.6
+0.48
8.07
+0.03
+21
Եղանակը Երևանում
Հայ
Հայաստանը հույս ունի, որ իր անդամակցումը ԵՏՄ–ին փոխշահավետ կլինի անդամ–պետությունների համար
16:14
07 Հուլիսի 2014

ԵՐԵՎԱՆ, 7 հուլիսի. /Նովոստի–Արմենիա/. Հայաստանը հույս ունի, որ իր անդամակցումը Եվրասիական տնտեսական միությանը փոխշահավետ հեռանկարներ կստեղծի բոլոր անդամ–պետությունների համար, ասել է Հայաստանի Ազգային ժողովի նախագահ Գալուստ Սահակյանը։

Ռուսաստանը, Բելառուսը և Ղազախստանը մայիսի 29–ին Աստանայում Եվրասիական տնտեսական միության մասին պայմանագիր են ստորագրել, որն ուժի մեջ կմտնի 2015 թվականի հունվարի 1–ից։ Հայաստանը շուտով ԵՏՄ–ի լիիրավ անդամ կդառնա ։

«Ինչ վերաբերում է Հայաստանի եվրասիական ինտեգրմանը, անհրաժեշտ եմ համարում նշել, որ Հայաստանը կատարել է ճանապարհային քարտեզում շարադրված բոլոր պահանջները։ Մենք ակնկալում ենք ռուսական կողմի օժանդակությունը Եվրասիական տնտեսական միությանը Հայաստանի միացման համաձայնագրի ստորագրման և վավերացման հարցում»,– ասել է Սահակյանը Պետդումայում պալատի նախագահ Սերգեյ Նարիշկինի հետ հանդիպմանը, հաղորդում է ՌԻԱ Նովոստին։

«Վստահ եմ, որ Եվրասիական տնտեսական միությանն ու Մաքսային միությանը Հայաստանի մասնակցությունը փոխշահավետ հեռանկարներ կստեղծի բոլոր անդամ–պետությունների համար»,– ավելացրել է Սահակյանը։

Նա նշել է նաև, որ ՌԴ–ի և Հայաստանի միջև հարաբերությունները վերելք են ապրում, բարենպաստ պայմաններ են ստեղծվել ռուսական ներդրումների համար։ «Վերջին տարիներին նկատելիորեն աճել է միջխորհրդարանական կապերի մակարդակը, իսկ խորհրդարանների միջև կապերը կանոնավոր բնույթ են կրում»,– ընդգծել է հայ խորհրդարանականը։

Սահակյանը նշել է նաև մարդասիրական ոլորտի, ինչպես նաև ուսանողական փոխանակման ծրագրերի համագործակցության լավ մակարդակը։ «Հայաստանի և Ռուսաստանի միջև ռազմավարական հարաբերություններն արտացոլվում են նաև մեր երկրների համագործակցության մեջ միջազգային ասպարեզում... Պետք է ցավով նշեմ, որ ՀԱՊԿ մի շարք անդամների դիրքորոշումը ղարաբաղյան կարգավորման շուրջ... չի համապատասխանում բանակցային գործընթացի ընդհանուր ոգուն, հակասում է ԵԱՀԿ Մինսկի խմբի համանախագահների հայտարարություններին, ինչպես նաև ՀԱՊԿ շրջանակում ընդունված փաստաթղթերին»,– ասել է նա։ 

Պետդումայի խոսնակ Սերգեյ Նարիշկինն իր հերթին նշել է, որ Ռուսաստանի և Հայաստանի հարաբերություններն «հիրավի ռազմավարական են»։

«Դրա վկայությունն են քաղաքական ինտենսիվ կապերը` մեր երկրների նախագահների մակարդակով, բոլորովին վերջերս` մի քանի ամիս առաջ, կայացավ ՌԴ նախագահ Վլադիմիր Պուտինի այցը, ստորագրվեց մեր երկրների միջև համաձայնագրերի մեծ փաթեթ, ինչպես նաև հաճախակի այցերը, բանակցությունները գործադիր իշխանության մակարդակով»,– ասել է ռուսական խորհրդարանի ստորին պալատի նախագահը։

Նա հիշեցրել է, որ վերջերս կայացել է երկկողմ միջխորհրդարանական հանձնաժողովի նիստը, որն անցկացվել է Նիժնի Նովգորոդում։ «Գիտեմ, որ հենց հայկական կողմն է բարձրացրել որոշ հարցեր, այդ թվում` ռազմատեխնիկական համագործակցության համաձայնագրի շուտափույթ վավերացումը»,– նշել է Նարիշկինը։ Նա հայտնել է, որ վերջերս այդպիսի համաձայնագիր է վավերացրել Պետդուման։ «Բացի այդ, վավերացվել է Հայաստանին նավթի, նավթամթերքի մատակարարումների համաձայնագիր»,– ավելացրել է ՊԴ խոսնակը։

Սահակյանն ընդգծել է, որ 2015 թվականին կնշվի հայոց ցեղասպանության զոհերի հիշատակի 100–ամյա տարելիցը։ «Այդ սարսափելի հանցագործությունը պետք է ընդունվի և դատապարտվի ամբողջ միջազգային հանրության կողմից, ինչը կարևոր նշանակություն կունենա մարդկության դեմ ծանրագույն հանցագործությունների կանխման հարցում»,– ասել է նա։

Սահակյանի խոսքով` 2015 թվականին կկայանան այդ օրվան նվիրված մի շարք միջոցառումներ։ «Ապրիլին Երևանում կանցկացվի «Խորհրդարանականներն ընդդեմ ցեղասպանության» խորագրով միջազգային համաժողով։ Պաշտոնապես հրավիրում եմ Ձեզ, պարոն Նարիշկին, մասնակցելու այդ համաժողովին, ինչպես նաև 2015 թվականի ապրիլի 24–ին հայոց ցեղասպանության զոհերի հիշատակի օրվան նվիրված միջոցառումներին»,– ասել է Սահակյանը։ -0-

Loading...
Թեմատիկ նյութեր
Բաժնի այլ նյութեր
21:02
22 Հունիսի 2017
Սերժ Սարգսյանը ԵԺԿ–ի գագաթնաժողովում ներկայացրել է Հայաստանի առաջընթացը
Հայաստանի նախագահ Սերժ Սարգսյանը Բրյուսելում մասնակցել է Եվրոպական ժողովրդական կուսակցության` ընդլայնված կազմով գագաթնաժողովին:
14:01
22 Հունիսի 2017
Նիկոլ Փաշինյանը`Վահրամ Բաղդասարյանին. «Պադեզդի մակարդակ եք ուզում, եկեք գնանք...» (ՎԻԴԵՈ)
«Գիշերը երևի վատ է անդրադարձել, երեկ ավելի օբյեկտիվ ելույթներ էին հնչում»,-ասաց Վահրամ Բաղդասարյանը:  
19:09
21 Հունիսի 2017
ՀՀ նախագահն աշխատանքային այցով մեկնել է Բրյուսել
ՀՀ նախագահ Սերժ Սարգսյանն այսօր երեկոյան աշխատանքային այցով մեկնել է Բելգիայի Թագավորություն։
15:20
20 Հունիսի 2017
Ֆրանսահայ համայնքի պատմության նոր էջ. 4 հայ պատգամավորներ ընտրվել են Ֆրանսիայի ԱԺ–ում
Էմանուել Մակրոնի «Առաջ, հանրապետություն» կուսակցությունից չորս ֆրանսահայեր անցել են Ֆրանսիայի խորհրդարան:
15:26
19 Հունիսի 2017
Հայաստանի և Ադրբեջանի նախագահները պատրաստ են շարունակել բանակցությունները ԼՂ հիմնահարցի շուրջ. ռուս միջնորդ
Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը պատրաստ են շարունակել ղարաբաղյան հակամարտության կարգավորմանն ուղղված խաղաղ բանակցությունները:
18:54
15 Հունիսի 2017
Մենք կարող ենք ինքներս լուծել և՛ Ղարաբաղում, և՛ Մերձդնեստրում, և՛ Ուկրաինայում առկա խնդիրները. Լուկաշենկո
Բելառուսի նախագահ Ալեքսանդր Լուկաշենկոն անդրադարձել է ՀԱՊԿ տարածաշրջանի երկրների որոշ խնդիրների։
20:00
14 Հունիսի 2017
Հայաստանն ու Տաջիկստանը, հնարավոր է, ուղիղ ավիահաղորդակցություն գործարկեն. Սարգսյան
Հայաստանն ու Տաջիկստանը դիտարկում են երկու երկրների միջև ուղիղ ավիաչվերթի գործարկման հնարավորությունը:
18:41
14 Հունիսի 2017
Տաջիկստանի նախագահը նշել է Հայաստանի հետ համագործակցության հեռանկարային ոլորտները (ՖՈՏՈ)
ՀՀ նախագահի հրավերով պաշտոնական այցով այսօր Հայաստան է ժամանել Տաջիկստանի Հանրապետության նախագահ Էմոմալի Ռահմոնը:
14:43
13 Հունիսի 2017
Նալբանդյանը նշել է ԵՄ-ի հետ շրջանակային համաձայնագրի ստորագրման ժամկետը
Էստոնիան ԵՄ նախագահությունը կստանձնի հուլիսի 1-ից:
13:43
12 Հունիսի 2017
Հայաստան կայցելի Էստոնիայի արտգործնախարար Սվեն Միկսերը
Էստոնիայի արտգործնախարարին կընդունեն հանրապետության նախագահը, Ազգային ժողովի նախագահը և վարչապետը։
15:38
09 Հունիսի 2017
ՀՀ նախագահն աշխատանքային այցով մեկնել է Ղազախստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղազախստանի Հանրապետություն:
13:48
08 Հունիսի 2017
Թեհրանի ահաբեկչությունը կհանգեցնի իրանցիների աննախադեպ քաղաքական համախմբման. փորձագետ
Ահաբելիչները սխալ հաշվարկներ են կատարել։