484.75
-0.5
571.76
+2.32
8.19
+0.01
+5
Եղանակը Երևանում
Հայ
Ծաղկաձորում անցկացվող Եվրասիական համաժողովը թույլ կտա երիտասարդների աչքերով նայել ինտեգրման հարցերին. խոսնակ
17:54
11 Հունիսի 2014

ԵՐԵՎԱՆ, 11 հունիսի. /Նովոստի–Արմենիա/. Չորեքշաբթի Ծաղկաձորում բացված եվրասիական երկրորդ երիտասարդական համաժողովը թույլ է տալիս ինտեգրման հարցերին նայել երիտասարդների աչքերով և բացահայտել այդ գործընթացի խնդիրները, առավելություններն ու հեռանկարները, միջոցառման բացմանն ասաց Հայաստանի Ազգային ժողովի խոսնակ Գալուստ Սահակյանը։

«Ես մեծ նշանակություն եմ տալիս երիտասարդության մասնակցությանը ինտեգրացիոն տարբեր գործընթացներին, քանի որ ապագայում նրանք պետք է կայացնեն աշխարհի քաղաքական պատկերի վրա ազդող որոշումները»,– ասաց Սահակյանն իր ողջույնի խոսքում։

Ըստ նրա, կատարվող իրադարձությունների սթափ վերլուծությունը հաստատում է այն իրականությունը, որ անհնար է միայնակ դիմակայել մարտահրավերներին։ «Ակնհայտ է, որ երկրների ներգրավումն ինտեգրացիոն գործընթացներում այլընտրանք չունի»,– ասաց հայկական խորհրդարանի ղեկավարը։

Նա հույս հայտնեց, որ համաժողովը նաև կօժանդակի կապերի ամրապնդմանը, տեղեկատվական դաշտի ձևավորմանը և համագործակցության խորացմանը։

Եվրասիական երկրորդ երիտասարդական համաժողովի բացման արարողությանը մասնակցեցին նաև Հայաստանի կրթության և գիտության նախարար Արմեն Աշոտյանը, Երիտասարդական հիմնադրամի հոգաբարձուների խորհրդի համակարգող, Ազգային ժողովի պատգամավոր Կարեն Ավագյանը, Հայաստանում Ռուսաստանի Արտակարգ և Լիազոր դեսպան Իվան Վոլինկինը, Հայաստանի օրենսդիր և գործադիր իշխանության ներկայացուցիչներ, դիվանագետներ, ՀԱՊԿ Վերլուծական կենտրոնի ներկայացուցիչներ։

Իր ելույթում Հայաստանի կրթության և գիտության նախարարը նշեց, որ եվրասիական ինտեգրումը ձուլման չի տանում, այլ նպաստում է, որ յուրաքանչյուր ժողովուրդ իր ինքնությունը պահպանելու հնարավորություն ունենա։

«Եվրասիական ինտեգրումը ոչ թե Հայաստանի իշխանությունների, այլ հայ ժողովրդի ընտրությունն է։ Այդ գործընթացը ձուլման հարթակ չէ, այլ նպաստում է, որ եվրասիական մայրցամաքում բնակվող յուրաքանչյուր ժողովուրդ ինքնարտահայտման և ինքնահաստատման հնարավորություն ունենա։ Մենք միմյանց հետաքրքրում ենք հենց նրանով, որ տարբեր ենք»,– ասաց Աշոտյանը։

Խոսելով համաժողովի անցկացման ձևաչափի մասին` Երիտասարդական հիմնադրամի հոգաբարձուների խորհրդի համակարգող, Ազգային ժողովի պատգամավոր Կարեն Ավագյանը նշեց, որ համաժողովը բավականին հետաքրքիր է թրեյնինգների առկայությամբ, մասնակիցները կարող են նաև կարծիքներ փոխանակել, կա ժամանցային մաս, որը կօգնի մտերմանալ համաժողովի մասնակիցներին։

«Բավականին լուրջ մասնագետներ են հավաքվել, ովքեր մի շարք դասախոսություններով  ելույթ կունենան տարբեր թեմաներով, ինչպես օրինակ, տեղեկատվական անվտանգություն, ՀԱՊԿ գործունեություն։ Հուսով եմ, որ համաժողովը կծառայի իր նպատակին և օրինակելի կդառնա»,– ասաց Ավագյանը լրագրողներին։

Եվրասիական համագործակցության զարգացման հիմնադրամի փոխնախագահ Անդրեյ Սմիրնովն իր հերթին նշեց, որ համաժողովն ուղղված է նրան, որ դրական ֆոն ստեղծի Եվրասիական տնտեսական միության ստեղծման պայմանագրի ստորագրման շուրջ։

«Եվրասիական երիտասարդական համաժողովի հիմնական նպատակն Աստանայում ԵՏՄ ստեղծման մասին ստորագրած պայմանագրի շուրջ դրական ֆոնի և եվրասիական երիտասարդության շփման հարթակ ստեղծելն է։ Մենք ցանկանում ենք կիսել մեր գիտելիքները, որ եվրասիական ինտեգրումն ավելի դրական ընկալվի այլ երկրներում»,– ասաց Սմիրնովը։

Համաժողովի շրջանակում ԱՊՀ–ի, Բալթյան երկրների և Վրաստանի երիտասարդ լրագրողների համար նախատեսված սեմինար–դասընթացներ կանցկացվեն, որոնք կազմակերպել է «Ռոսիա սեգոդնյա» միջազգային լրատվական գործակալությունը` Եվրասիական համագործակցության զարգացման հիմնադրամի աջակցությամբ։

«Երիտասարդ Եվրասիա» խորագրով երկրորդ եվրասիական երիտասարդական համաժողովն ընթանում է հունիսի 10–15–ը Ծաղկաձորում, համաժողովին մասնակցում են հետխորհրդային տարածքի անկախ պետությունների երիտասարդ առաջնորդները, Ռուսաստանի և Հայաստանի գործադիր և օրենսդիր իշխանության ներկայացուցիչները, ՀԱՊԿ Վերլուծական ասոցիացիայի անդամները։

Առաջին համաժողովն անցկացվել է 2012 թվականի օգոստոսի 22-ից 27-ը Ծաղկաձորում։-0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։