480.39
+0.17
536.6
+0.48
8.07
+0.03
+16
Եղանակը Երևանում
Հայ
ԵՄ–ն հանուն իր էներգետիկ շահերի աչք չի փակում Ադրբեջանում մարդու իրավունքների խնդիրների վրա. Լեհաստանի դեսպան
17:32
16 Մայիսի 2014

ԵՐԵՎԱՆ, 16 մայիսի. /Նովոստի–Արմենիա/. ԵՄՆ–ն հանուն իր էներգետիկ շահերի աչք չի փակում լրագրող Ռաուֆ Միրկադիրովի ձերբակալության և իրավապաշտպան Լեյլա Յունուսի և նրա ամուսին Արիֆ Յունուսովի նկատմամբ ադրբեջանական իշխանությունների գործողությունների վրա, հայտարարել է ՀՀ–ում Լեհաստանի արտակարգ և լիազոր դեսպան Զդիսլավ Ռաչինսկին։

«Մասնավորապես ես և Բաքվում իմ լեհ գործընկերն աչք չենք փակում այդ իրադարձությունների վրա, և դա մեզ մոտ իսկապես մտահոգություն է առաջացնում», – ասել է Ռաչինսկին` Մամուլի ազգային ակումբում պատասխանելով «Նովոստի–Արմենիա» գործակալության հարցին։

Դեսպանն ավելացրել է, որ Ֆրանսիայի նախագահ Ֆրանսուա Օլանդը ևս անդրադարձել է այս թեմային Հարավային Կովկաս կատարած իր տարածաշրջանային այցի ընթացքում։

Ռաչինսկին նաև մեկնաբանել է ԵԱՀԿ ՄԽ ամերիկացի համանախագահ Ջեյմս Ուորլիքի հայտարարությունը, որը վերաբերում էր ղարաբաղյան հակամարտության կարգավորման ուղիներին։ Նրա կարծիքով` Ուորլիքը պարզապես համախմբել է այս տարիների ընթացքում ԱՄՆ–ի, Ռուսաստանի և Ֆրանսիայի նախագահների արած բոլոր հայտարարությունները  և միասնական մոտեցում է արտահայտել, որը վերաբերում է համանախագահների`ավելի վաղ արտահայտած կարծիքին։

«Որպես ԵԱՀԿ ՄԽ նոր ամերիկացի համանախագահ` նա փորձում է նոր ազդակ, ղարաբաղյան հակամարտության կարգավորմանն ուղղված քայլերին նոր շունչ հաղորդել», – նշել է նա։

Դեսպանը նաև ավելացրել է, որ Ուորլիքի հայտարարության նկատմամբ ՀՀ ԱԳ նախարար Էդվարդ Նալբանդյանի «դրական արձագանքը», նրա կարծիքով, խոսում է այն մասին, որ Հայաստանը ևս շահագրգռված է և կանի ամեն ինչ, որպեսզի հակամարտությունը կարգավորվի խաղաղ ճանապարհով։

Մայիսի 7–ին ԵԱՀԿ ՄԽ ամերիկացի համանախագահ Ջեյմս Ուորլիքը Վաշինգտոնի Քարնեգի հիմնադրամում ելույթ է ունեցել, որտեղ ներկայացրել է ղարաբաղյան հակամարտության կարգավորման վեց առաջարկ։

Ղարաբաղյան հակամարտության կարգավորման առաջարկների թվում Ուորլիքը նշել է, որ «Ղարաբաղի վերջնական կարգավիճակը պետք է որոշվի կամարտահայտության միջոցով, իսկ անցումային կարգավիճակը պետք է ժամանակավոր լինի, նախկին Լեռնային Ղարաբաղի ինքնիշխան մարզի տարածքները, որոնք չեն վերահսկվում Բաքվի կողմից, պետք է անցումային կարգավիճակ ստանան երաշխավորված անվտանգությամբ և ինքնակառավարմամբ, նախկին ԼՂԻՄ–ի օկուպացված հողերը պետք է վերադարձվեն Ադրբեջանին, և այդ տարածքներում պետք է վերականգնվի Ադրբեջանի ինքնավարությունը»։

Նա նաև հայտարարել է, որ «պետք է Ղարաբաղի հետ Հայաստանը կապող միջանցք լինի, սակայն այն չի կարող ներառել Լաչինի ողջ շրջանը։ Պետք է ընդունվի տեղափոխված անձանց` իրենց տները վերադարձնելու իրավունքը։ Եվ վեցերորդը` կարգավորումը պետք է ապահովեն միջազգային երաշխիքները, այդ թվում նաև խաղաղապահ օպերացիան»։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
21:02
22 Հունիսի 2017
Սերժ Սարգսյանը ԵԺԿ–ի գագաթնաժողովում ներկայացրել է Հայաստանի առաջընթացը
Հայաստանի նախագահ Սերժ Սարգսյանը Բրյուսելում մասնակցել է Եվրոպական ժողովրդական կուսակցության` ընդլայնված կազմով գագաթնաժողովին:
14:01
22 Հունիսի 2017
Նիկոլ Փաշինյանը`Վահրամ Բաղդասարյանին. «Պադեզդի մակարդակ եք ուզում, եկեք գնանք...» (ՎԻԴԵՈ)
«Գիշերը երևի վատ է անդրադարձել, երեկ ավելի օբյեկտիվ ելույթներ էին հնչում»,-ասաց Վահրամ Բաղդասարյանը:  
19:09
21 Հունիսի 2017
ՀՀ նախագահն աշխատանքային այցով մեկնել է Բրյուսել
ՀՀ նախագահ Սերժ Սարգսյանն այսօր երեկոյան աշխատանքային այցով մեկնել է Բելգիայի Թագավորություն։
15:20
20 Հունիսի 2017
Ֆրանսահայ համայնքի պատմության նոր էջ. 4 հայ պատգամավորներ ընտրվել են Ֆրանսիայի ԱԺ–ում
Էմանուել Մակրոնի «Առաջ, հանրապետություն» կուսակցությունից չորս ֆրանսահայեր անցել են Ֆրանսիայի խորհրդարան:
15:26
19 Հունիսի 2017
Հայաստանի և Ադրբեջանի նախագահները պատրաստ են շարունակել բանակցությունները ԼՂ հիմնահարցի շուրջ. ռուս միջնորդ
Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը պատրաստ են շարունակել ղարաբաղյան հակամարտության կարգավորմանն ուղղված խաղաղ բանակցությունները:
18:54
15 Հունիսի 2017
Մենք կարող ենք ինքներս լուծել և՛ Ղարաբաղում, և՛ Մերձդնեստրում, և՛ Ուկրաինայում առկա խնդիրները. Լուկաշենկո
Բելառուսի նախագահ Ալեքսանդր Լուկաշենկոն անդրադարձել է ՀԱՊԿ տարածաշրջանի երկրների որոշ խնդիրների։
20:00
14 Հունիսի 2017
Հայաստանն ու Տաջիկստանը, հնարավոր է, ուղիղ ավիահաղորդակցություն գործարկեն. Սարգսյան
Հայաստանն ու Տաջիկստանը դիտարկում են երկու երկրների միջև ուղիղ ավիաչվերթի գործարկման հնարավորությունը:
18:41
14 Հունիսի 2017
Տաջիկստանի նախագահը նշել է Հայաստանի հետ համագործակցության հեռանկարային ոլորտները (ՖՈՏՈ)
ՀՀ նախագահի հրավերով պաշտոնական այցով այսօր Հայաստան է ժամանել Տաջիկստանի Հանրապետության նախագահ Էմոմալի Ռահմոնը:
14:43
13 Հունիսի 2017
Նալբանդյանը նշել է ԵՄ-ի հետ շրջանակային համաձայնագրի ստորագրման ժամկետը
Էստոնիան ԵՄ նախագահությունը կստանձնի հուլիսի 1-ից:
13:43
12 Հունիսի 2017
Հայաստան կայցելի Էստոնիայի արտգործնախարար Սվեն Միկսերը
Էստոնիայի արտգործնախարարին կընդունեն հանրապետության նախագահը, Ազգային ժողովի նախագահը և վարչապետը։
15:38
09 Հունիսի 2017
ՀՀ նախագահն աշխատանքային այցով մեկնել է Ղազախստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղազախստանի Հանրապետություն:
13:48
08 Հունիսի 2017
Թեհրանի ահաբեկչությունը կհանգեցնի իրանցիների աննախադեպ քաղաքական համախմբման. փորձագետ
Ահաբելիչները սխալ հաշվարկներ են կատարել։