481.93
+0.2
569.16
+0.19
8.37
-0.02
+19
Եղանակը Երևանում
Հայ
Էրդողանի հայտարարությունն ուղղված է ոչ թե հայերին, այլ համաշխարհային ԶԼՄ–ներին. փորձագետ
19:20
23 Ապրիլի 2014

ԵՐԵՎԱՆ, 23 ապրիլի. /Նովոստի–Արմենիա/. Թուրքիայի վարչապետ Ռեջեփ Թայիպ Էրդողանի հայտարարությունն ապրիլի 24–ի նախաշեմին ուղղված է ոչ թե հայերին, այլ համաշխարհային ԶԼՄ–ներին, կարծում է թուրքագետ Արտակ Շաքարյանը։

Թուրքիայի վարչապետ Թայիպ Էրդողանը չորեքշաբթի խորհրդարանի նիստում առաջին անգամ ցավակցություն է հայտնել 20–րդ դարասկզբի իրադարձությունների ժամանակ զոհված հայերի թոռներին։

«Հայտարարության նպատակն ուշադրությունը շեղելն էր, ստուգել, թե ինչ արձագանք կգտնի այդ ուղերձը... Էական է, որ Թուրքիան նույնպես խաղի մեջ է մտնում, և հաջորդ տարվա ապրիլի 24–ից առաջ ամբողջ հանրությունը սպասելու է ոչ միայն Բարաք Օբամայի, այլ նաև թուրք վարչապետի կամ նախագահի հայտարարությանը»,– ասաց Շաքարյանը «Նովոստի–Արմենիա» գործակալությանը։

Նա միաժամանակ նշեց, որ թեև Էրդողանը ցավակցություն է հայտնել 20–րդ դարասկզբի իրադարձությունների ժամանակ զոհված հայերի թոռներին, սակայն, ընդհանուր առմամբ, հայտարարությունը ցեղասպանությունը ժխտելու քաղաքականությունն է շարունակում։

«Նպատակը հին գաղափարները նոր ձևով համեմելն է` հայտարարելով, թե իրենց  արխիվները բաց են, և իրենք առաջարկում են ստեղծել պատմաբանների ընդհանուր հանձնաժողով»,– նկատեց փորձագետը։

Շաքարյանն ասաց նաև, որ այդ հայտարարությունն էական ազդեցություն չի ունենա թուրք հասարակության կամ Էրդողանի վարկանիշի վրա, քանի որ թուրք վարչապետն իրականում նշանակալի ոչինչ չի ասել։

«Բայց, միևնույն ժամանակ, նրա հայտարարությունը համեմված է այնպիսի «կեղծ սոուսով», որ միջազգային հանրության համար այն որոշակի առումով ներողություն է նշանակում»,– կարծում է փորձագետը։

Այդ կապակցությամբ նա նշեց, որ, ցավակցություն հայտնելով հայերին` Էրդողանը միաժամանակ ցավակցում է Օսմանյան կայսրության բոլոր այն ժողովուրդներին, որոնք կորուստներ են կրել 1915 թվականին։

«Այսինքն, նա մի տեղ է հավաքում Հայոց ցեղասպանության զոհերին և Առաջին համաշխարհային պատերազմում զոհված թուրքերին` հավասարության նշան դնելով նրանց միջև»,– ասաց Շաքարյանը։

Հայոց մեծ եղեռնը 20-րդ դարի առաջին ցեղասպանությունն է, որը կազմակերպվել և ծրագրավորված իրագործվել է երիտթուրքական կառավարության կողմից, ինչի հետևանքով Օսմանյան կայսրության կազմի մեջ մտնող Արևմտյան Հայաստանում, սրի է քաշվել ավելի քան 1,5 մլն. հայ։

Հայոց ցեղասպանության փաստը ճանաչել են բազմաթիվ երկրներ։ Առաջինը 1965 թ.-ին ճանաչել է Ուրուգվայը, որի օրինակին են հետևել Ռուսաստանը, Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, ԱՄՆ-ի 42 նահանգները։ Հայոց ցեղասպանությունը ճանաչել են նաև Վատիկանը, Եվրախորհրդարանը, Եկեղեցիների համաշխարհային խորհուրդը։-0-

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: