482.25
+0.32
566.07
-3.09
8.39
+0.02
+8
Եղանակը Երևանում
Հայ
Քեսաբի իրադարձություններից կարելի է ենթադրել, որ Թուրքիան պատրաստվում է բռնակցել սիրիական այդ բնակավայրը. փորձագետ
18:11
08 Ապրիլի 2014

ԵՐԵՎԱՆ, 8 ապրիլի. /Նովոստի–Արմենիա/. Քեսաբում տեղի ունեցող իրադարձություններից կարելի է ենթադրել, որ Թուրքիան պատրաստվում է բռնակցել սիրիական այդ բնակավայրը, կարծում է ՀՀ ԳԱԱ Արևելագիտության ինստիտուտի տնօրեն Ռուբեն Սաֆրաստյանը։

«Մի առանձնահատկություն կա, որին կցանկանայի հատուկ ուշադրություն հրավիրել։ Քեսաբը փաստորեն գտնվում էր Ալեքսանդրետի սանջակի կազմում, որը Երկրորդ համաշխարհային պատերազմից առաջ ներառվեց Թուրքիայի կազմում, սակայն Քեսաբի բնակիչներն այդ ընթացքում, 30–ականների վերջին, բողոքի ձայն բարձրացրին, որն այն ժամանակ լսվեց, և Հռոմի Պապի միջամտությամբ, ինչպես նաև կարդինալ Աղաջանյանի մեծ աջակցությամբ Քեսաբը չներառվեց Թուրքիայի կազմում։ Փաստորեն, այժմ Թուրքիան փորձում է ավարտին հասցնել այն գործը, որը սկսել էր դեռ 30–ականների վերջին», – ասաց Սաֆրաստյանը «Նովոստի» միջազգային մամուլի կենտրոնում տեղի ունեցած «Հայոց ցեղասպանություն Սիրիայում. պատմությունը կրկնվու՞մ է» թեմայով Երևան–Մոսկվա տեսակամուրջի ընթացքում։

Նա նաև ընդգծեց, որ Քեսաբում տեղի ունեցող իրադարձությունները ցեղասպանության և էթնիկ զտումների քաղաքականության փաստացի շարունակությունն են, որը Օսմանյան և հանրապետական Թուրքիան իրականացնում էր հայ ժողովրդի նկատմամբ, ընդ որում ոչ միայն Քեսաբում, այլև ողջ տարածքում, որն, այսպես թե այնպես, գտնվում էր թուրքական վերահսկողության տակ։

«Փաստորեն մենք հիմա Մերձավոր Արևելքի հայաթափման հերթական փուլի վկաներն ենք, ժամանակակից Թուրքիայի իրականացրած քաղաքականության վկաները», – ասել է նա։

Փորձագետի կարծիքով` էթնիկ զտումը, որն իրականացվել է Քեսաբում Թուրքիայի աջակցությամբ և նրա ուղղակի նշանառությամբ, հիմք է պատրաստում հյուսիսային Սիրիայի որոշ շրջանների նկատմամբ Թուրքիայի ագրեսիայի համար, և սա, փաստորեն, առաջին քայլն է այդ տարածքը բռնակցելու ուղղությամբ։

Գլոբալ գնահատական տալով Մերձավոր Արևելքում տիրող իրավիճակին` Սաֆրաստյանը նշեց, որ աշխարհը կանգնած է նոր աշխարհակարգի ձևավորման դարաշրջանի առաջ, որը հիմնված է ոչ թե մուսուլմանական և քրիստոնեական քաղաքակրթությունների բախման գաղափարի, այլ Արևելքում մշակված որոշակի արժեքային հայեցակարգերի միջև բախման վրա, որոնք փորձում են մոլորակային մասշտաբում տարածել այն արժեքների պահպանմանն ուղղված աշխարհի ժողովուրդների ձգտումը, որոնք նրանց համար ավանդական են։

Միաժամանակ ըստ Սաֆրաստյանի` ավանդական արժեքների պաշտպանը Ռուսաստանն է։ «Ես լավատես եմ և կարծում եմ, որ նոր աշխարհակարգը, որը կսահմանվի, հիմնված կլինի ավանդական արժեքների պահպանմանն ուղղված ժողովուրդների ձգտման վրա, պահպանել այն, ինչ նրանք ունեն արևմտյան արժեքների զավթողականության առաջ։ Ռուսաստանը դրանում կարող է օրինակ ծառայել», – ընդգծեց նա։ 

Մարտի վերջին Թուրքիայի սահմանին գտնվող Քեսաբ քաղաքը, որը բնակեցված է հիմնականում հայերով, ենթարկվեց «Ջեբհատ ան–նուսրա» և «Ահրար աշ–Շամ» ծայրահեղական խմբավորումների գրոհայինների հարձակմանը։ Թուրքական կողմը, հաշվի չառնելով միջազգային օրենքներն ու պարտավորությունները, կրակ բացեց հայկական գյուղերի և համայնքների ուղղությամբ, իսկ հետո ճանապարհ բացեց ապստամբների համար Քեսաբը զավթելու նպատակով։ Մարտի 21–ի առավոտյան ծայրահեղական խմբավորումները սկսեցին հարձակվել Քեսաբի վրա` ստիպելով քաղաքացիական բնակչությանը, որոնց թվում շուրջ 700 հայկական ընտանիք կար, փախչել հարևան Լաթաքիա։ –0–

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: