480.45
+0.06
537.05
+0.45
8.13
+0.06
+21
Եղանակը Երևանում
Հայ
Արևմուտքի միջամտությունը Մերձավոր Արևելքում քրիստոնեական համայնքների ոչնչացման ու ամայացման է հանգեցնում. պատգամավոր
16:14
08 Ապրիլի 2014

ԵՐԵՎԱՆ, 8 ապրիլի. /Նովոստի–Արմենիա/. Արևմտյան ուժերի միջամտությունը Մերձավոր Արևելքում քրիստոնեական համայնքների ոչնչացման ու ամայացման է հանգեցնում, կարծում է ՀՀ ԱԺ պատգամավոր Հայկ Բաբուխանյանը։

«Սիրիան քրիստոնյաների և մուսուլմանների միջև հիանալի հարաբերությունների օրինակ էր, այդ երկրի չափավոր իսլամն աջակցում էր քրիստոնեական համայնքներին։ Նույնը կարելի է ասել Իրաքի մասին, որտեղ մինչև ամերիկացիների միջամտությունը գոյություն ունեին հիանալի հարաբերություններ քրիստոնյաների և մուսուլմանների միջև, քրիստոնյաներն օգտվում էին շատ մեծ արտոնություններից կրոնի և մշակույթի զարգացման համար։ Այժմ այս ամենին միջամտել է Արևմուտքը, աջակցել է արմատական իսլամիստներին, և այս ամենը հանգեցրեց նրան, որ քրիստոնեական համայնքները մեռնում են, կործանվում են, քրիստոնյաները փախչում են, և այս ամենը, իհարկե, տանում է կործանման», – ասաց Բաբուխանյանը «Նովոստի» միջազգային մամուլի կենտրոնում տեղի ունեցած «Հայոց ցեղասպանություն Սիրիայում. պատմությունը կրկնվու՞մ է» թեմայով Երևան–Մոսկվա տեսակամուրջի ընթացքում։

Խոսելով Սիրիայի Քեսաբում տեղի ունեցող իրադարձությունների մասին` Բաբուխանյանը նշեց, որ այստեղ կարելի է խոսել Արևմուտքի կողմից երկակի չափանիշների հերթական դրսևորման մասին։

Մարտի վերջին Թուրքիայի սահմանին գտնվող Քեսաբ քաղաքը, որը բնակեցված է հիմնականում հայերով, ենթարկվեց «Ջեբհատ ան–նուսրա» և «Ահրար աշ–Շամ» ծայրահեղական խմբավորումների գրոհայինների հարձակմանը։ Թուրքական կողմը, հաշվի չառնելով միջազգային օրենքներն ու պարտավորությունները, կրակ բացեց հայկական գյուղերի և համայնքների ուղղությամբ, իսկ հետո ճանապարհ բացեց ապստամբների համար Քեսաբը զավթելու նպատակով։ Մարտի 21–ի առավոտյան ծայրահեղական խմբավորումները սկսեցին հարձակվել Քեսաբի վրա` ստիպելով քաղաքացիական բնակչությանը, որոնց թվում շուրջ 700 հայկական ընտանիք կար, փախչել հարևան Լաթաքիա։

Բաբուխանյանը հիշեցրեց, որ Թուրքիան ՆԱՏՕ–ի անդամ է, ԵՄ–ի ասոցացված անդամ է, նա ԱՄՆ–ի և ԵՄ—ի հետ բոլոր հարաբերություններում փաստացի դաշնակիցն է։

«Եվ այս պետությունը իր կանոնավոր զորքերի աջակցությամբ կազմակերպում է ավազակային, ահաբեկչական անգամ ոչ թե խմբավորումներ, այլ զորքեր, քանի որ այնտեղ փաստացի կար մոտ 10 հազար ահաբեկիչ։ Ուսուցանում է նրանց իր տարածքում, սեփական ՌՕՈւ–ի և հրետանու աջակցությամբ իր տարածքից ուղարկում է հարևան պետության տարածք և ոչնչացնում է քաղաքացիական բնակչությանը, որն, ի դեպ, ազգային կամ կրոնական փոքրամասնություն է», – ասաց պատգամավորը։

Նրա խոսքով` ագրեսիան, ահաբեկչությանն աջակցելը, ազգային փոքրամասնությունների ոչնչացումը, հավատի ճնշումը, քաղաքացիական բնակչության ոչնչացումը միջազգային հանցագործություններ են, որոնք դատապարտվում են բոլոր միջազգային փաստաթղթերով, միջազգային իրավունքներով, սակայն ԱՄՆ–ի և Արևմտյան Եվրոպայի երկրների իշխանությունների կողմից որևէ արձագանք չեղավ։

«Ինչու՞ այդ երկրները չափազանց ցավագին արձագանքեցին Ղրիմի կամարտահայտության նկատմամբ, երբ հանրաքվեն ամենաժողովրդավարականն է, ինչ կարող է լինել։ Ժողովուրդն ինքն է որոշում որտեղ և ինչպես ապրել», – նշեց Բաբուխանյանը։ Նա ավելացրեց, որ Ռուսաստանի նկատմամբ անգամ ծիծաղելի պատժամիջոցների ներդրումը, այնուամենայնիվ, քաղաքական արձագանք էր։

«Իսկ այստեղ չկա քաղաքական արձագանք, ավելին` այդ երկրները փորձում են խանգարել այս կամ այն միջազգային կազմակերպություններում բանաձևերի ընդունմանը», – ավելացրեց պատգամավորը։

Նա նաև նշեց, որ Թուրքիայի գործողությունները նորություն չեն Հայաստանի համար։ Նրա խոսքով` Թուրքիան այն պետությունն է, որը ցեղասպանություն է իրականացրել և շարունակում է ցեղասպան պետություն մնալ։

«Այն ֆաշիստական գաղափարախոսությունը, որը տարածվում է թուրքական քաղաքական վերնախավի կողմից, կարող է հանգեցնել միայն նոր ցեղասպանությունների հայերի և ընդհանրապես քրիստոնյաների նկատմամբ», – նշեց պատգամավորը։

Նրա խոսքով` հակաիրավական գործողություններ Թուրքիան իրականացրել է ոչ միայն 1915 թ.–ին, նա իրականացվում է այսօր Քեսաբի հարցում։ «Չի կարելի մոռանալ Հայաստանի 22 տարի տևող շրջափակումը, որի պատճառով մեր երկիրը մեծ կորուստներ է կրել։ Թուրքիայի հարևանները գտնվում են ագրեսիայի մշտական սպառնալիքի տակ, այդ երկիրն աջակցում է միջազգային ահաբեկությանը։ Թուրքիան փաստորեն աջակցեց Ադրբեջանին մսագործ Սաֆարովի հերոսացման հարցում, ով կացնահարեց իր գործընկեր սպային միայն այն պատճառով, որ նա արյունով հայ է։ Սա միջնադար է, և այս ամենը տեղի է ունենում արևմտյան, ՆԱՏՕ–ի գործընկերների աչքի առաջ, և որևէ արձագանք չի հետևում», – նշեց նա։

Խոսելով միջոցների մասին, որոնք Հայաստանը պետք է ձեռնարկի Սիրիայում և մասնավորապես Քեսաբում իր քաղաքացիներին պաշտպանելու համար և այնտեղ ինքնապաշտպանության կամավոր ջոկատներ ուղարկելու հնարավորության մասին` Բաբուխանյանը նշեց, որ Հայաստանն ունի բավականին ուժեղ բանակ և ինքնապաշտպանության լավ ավանդույթներ։

«Սակայն հիմա ավելի կարևոր է հայտարարել, որ մենք պետք է միջազգային պատժամիջոցներ պահանջենք Թուրքիայի նկատմամբ։ Սա առաջինն է, ինչ պիտի անենք։ Բացի այդ, մենք պետք է պահանջենք ԱՄՆ–ից և նրա դաշնակիցներից դադարեցնել այն ավազակային կազմավորումների ֆինանսավորումն ու սպառազինումը, որոնք գործում են քրիստոնեական բնակչության դեմ։ Այս ամենը պետք է պահանջել ամենաբարձր մակարդակում», – ասաց Բաբուխանյանը։

Նրա խոսքով` հարկավոր է շարունակել համաշխարհային մասշտաբում Հայոց ցեղասպանության ճանաչմանն ուղղված աշխատանքը և Հայոց ցեղասպանության ժխտման համար պատժի կիրառում պահանջել։–0–

Loading...
Թեմատիկ նյութեր
Բաժնի այլ նյութեր
00:46
26 Հունիսի 2017
Հայկական ձևով հնդկահավն իրարանցում է առաջացրել Բաքու մեկնող ինքնաթիռում (ՎԻԴԵՈ)
Հայկական ձևով հնդկահավն ու բրինձը իրարանցում են առաջացրել Բաքու մեկնող ինքնաթիռում։
21:02
22 Հունիսի 2017
Սերժ Սարգսյանը ԵԺԿ–ի գագաթնաժողովում ներկայացրել է Հայաստանի առաջընթացը
Հայաստանի նախագահ Սերժ Սարգսյանը Բրյուսելում մասնակցել է Եվրոպական ժողովրդական կուսակցության` ընդլայնված կազմով գագաթնաժողովին:
14:01
22 Հունիսի 2017
Նիկոլ Փաշինյանը`Վահրամ Բաղդասարյանին. «Պադեզդի մակարդակ եք ուզում, եկեք գնանք...» (ՎԻԴԵՈ)
«Գիշերը երևի վատ է անդրադարձել, երեկ ավելի օբյեկտիվ ելույթներ էին հնչում»,-ասաց Վահրամ Բաղդասարյանը:  
19:09
21 Հունիսի 2017
ՀՀ նախագահն աշխատանքային այցով մեկնել է Բրյուսել
ՀՀ նախագահ Սերժ Սարգսյանն այսօր երեկոյան աշխատանքային այցով մեկնել է Բելգիայի Թագավորություն։
15:20
20 Հունիսի 2017
Ֆրանսահայ համայնքի պատմության նոր էջ. 4 հայ պատգամավորներ ընտրվել են Ֆրանսիայի ԱԺ–ում
Էմանուել Մակրոնի «Առաջ, հանրապետություն» կուսակցությունից չորս ֆրանսահայեր անցել են Ֆրանսիայի խորհրդարան:
15:26
19 Հունիսի 2017
Հայաստանի և Ադրբեջանի նախագահները պատրաստ են շարունակել բանակցությունները ԼՂ հիմնահարցի շուրջ. ռուս միջնորդ
Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը պատրաստ են շարունակել ղարաբաղյան հակամարտության կարգավորմանն ուղղված խաղաղ բանակցությունները:
18:54
15 Հունիսի 2017
Մենք կարող ենք ինքներս լուծել և՛ Ղարաբաղում, և՛ Մերձդնեստրում, և՛ Ուկրաինայում առկա խնդիրները. Լուկաշենկո
Բելառուսի նախագահ Ալեքսանդր Լուկաշենկոն անդրադարձել է ՀԱՊԿ տարածաշրջանի երկրների որոշ խնդիրների։
20:00
14 Հունիսի 2017
Հայաստանն ու Տաջիկստանը, հնարավոր է, ուղիղ ավիահաղորդակցություն գործարկեն. Սարգսյան
Հայաստանն ու Տաջիկստանը դիտարկում են երկու երկրների միջև ուղիղ ավիաչվերթի գործարկման հնարավորությունը:
18:41
14 Հունիսի 2017
Տաջիկստանի նախագահը նշել է Հայաստանի հետ համագործակցության հեռանկարային ոլորտները (ՖՈՏՈ)
ՀՀ նախագահի հրավերով պաշտոնական այցով այսօր Հայաստան է ժամանել Տաջիկստանի Հանրապետության նախագահ Էմոմալի Ռահմոնը:
14:43
13 Հունիսի 2017
Նալբանդյանը նշել է ԵՄ-ի հետ շրջանակային համաձայնագրի ստորագրման ժամկետը
Էստոնիան ԵՄ նախագահությունը կստանձնի հուլիսի 1-ից:
13:43
12 Հունիսի 2017
Հայաստան կայցելի Էստոնիայի արտգործնախարար Սվեն Միկսերը
Էստոնիայի արտգործնախարարին կընդունեն հանրապետության նախագահը, Ազգային ժողովի նախագահը և վարչապետը։
15:38
09 Հունիսի 2017
ՀՀ նախագահն աշխատանքային այցով մեկնել է Ղազախստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղազախստանի Հանրապետություն: