486.67
+0.35
520.49
+1.39
8.22
+0.01
-2
Եղանակը Երևանում
Հայ
Սիրիայի Քեսաբ շրջանում տեղի ունեցող իրադարձությունների կապակցությամբ բողոքի ակցիա է կազմակերպվել ՀՀ–ում ԱՄՆ դեսպանատան առաջ
16:24
02 Ապրիլի 2014

ԵՐԵՎԱՆ, 2 ապրիլի. /Նովոստի–Արմենիա/. Չորեքշաբթի ՀՀ–ում ԱՄՆ  դեսպանատան շենքի առաջ բողոքի ակցիա անցկացվեց։ Մարդիկ պահանջում էին Սիրիայի և Թուրքիայի սահմանին գտնվող հայաբնակ Քեսաբում դադարեցնել  Թուրքիայի գործողություններն ու փրկել խաղաղ բնակչությանը։

«Այս ակցիայում ամենակարևորը այն մարդկանց մասնակցությունն է, ովքեր իսկապես և անկեղծ մտահոգված են քեսաբցիների ճակատագրով, և այսօր այստեղ Քեսաբից եկած երկու մարդ կա։ Մենք այս ամենը անում ենք նրանց համար, Սիրիայի քրիստոնյաների համար», – «Նովոստի–Արմենիա» գործակալությանն ասաց ակցիայի նախաձեռնող Լևոն Հովհաննիսյանը։

Նա նշեց, որ ակցիային նախատեսվածից քիչ մարդ է հավաքվել, սակայն նրա խոսքով` կարևորը ոչ թե ցուցարարների քանակն է, այլ` նրանց գործողությունների արդյունքը։

Այս համատեքստում նա նշեց, որ հավաքվածները սպասում են ԱՄՆ դեսպանատան պաշտոնական ներկայացուցիչների արձագանքին, հավաքվածները խնդրել են հանդիպում կազմակերպել ԱՄՆ դեսպան Ջոն Հեֆերնի կամ նրա ներկայացուցչի հետ, որին պարտադիր պետք է մասնակցեն նաև Քեսաբի երկու բնակիչները, որպեսզի ամերիկացիներն «առաջին ձեռքից» իմանան այդ քաղաքում տեղի ունեցող իրադարձությունների մասին։

Այս նպատակով ակցիայի մասնակիցները պաստառներ էին պահել հետևյալ գրառումներով` «Խաղաղությունը ամերիկյան արժեք է, օգնեք Քեսաբի բնակիչներին», «Այս երկրագունդը խաղաղ է ստեղծված, փրկեք Քեսաբի բնակիչներին», ինչպես նաև հայտնի հեշթեգով («#savekessab») պաստառը։

Ցուցարարներին ընդառաջ դուրս եկավ ԱՄՆ դեսպանի տեղակալ Կլարկ Փրայսը։ Նա լսեց ակցիայի կազմակերպիչների պահանջներն ու չափազանց մեծ հետաքրքրվածություն ցուցադրեց հանդիպմանը ներկա քեսաբցիների հետ զրույցում։ Նա հետաքրքրվեց, թե նրանք ծանոթներ և մտերիմներ ունեն Քեսաբում և խնդրեց ներկայացնել իրենց տեսակետը Քեսաբում տիրող իրավիճակի  կապակցությամբ։

«Ես Քեսաբում ընկերներ և հարազատներ ունեի, սակայն հիմա, խոսելով նրանց հետ, իմացա, որ նրանք շատ վատ վիճակում են, տեղափոխվել են Լաթաքիա և բնակվում են եկեղեցու բակում։ Ահաբեկչական խմբավորումները ներխուժել են Քեսաբ Թուրքիայի աջակցությամբ, և այդ աջակցությունը մեզ ամենաշատն է մտահոգում», – ասաց Քեսաբի բնակիչ Նշան Գզելյանը։ Նա նաև տեղեկացրեց, որ քաղաքի բնակիչներին սննդով և անհրաժեշտ ամեն ինչով ապահովում են Լաթաքիայի հայերը։

Դեսպանի տեղակալը տեղեկացրեց, որ Քեսաբի հարցը շատ կարևոր է նրանց համար, և Պետդեպարտամենտը հանդես է եկել համապատասխան հայտարարությամբ։

«Շատ ուրախ ենք, որ դուք եկել եք մեզ հետ զրուցելու։ Ես դեսպանին կփոխանցեմ մեր հանդիպման մանրամասները։ Մենք ուշադիր հետևում ենք տեղի ունեցող իրադարձություններին», – ասաց Կլարկը։ Լրագրողներին նա ասաց, որ չի կարող ոչինչ ավելացնել Պետդեպարտամենտի հայտարարությանը։

«Ինձ համար ամենակարևորը մարդկային կողմն է, ինձ համար կարևոր է իմանալ, որ մարդիկ կապի մեջ են Քեսաբում գտնվող իրենց հարազատների հետ և կարող են հետևել իրավիճակին», – ասաց նա «Նովոստի–Արմենիա» գործակալությանը։

ԱՄՆ պետդեպարտամենտն ավելի վաղ մտահոգություն էր հայտնել Սիրիայում տեղի ունեցող բռնության կապակցությամբ, որը վտանգի տակ է դրել Քեսաբի հայկական համայնքի ներկայացուցիչների անվտանգությունն ու ստիպել է շատերին լքել իրենց տները։

Արդեն մի քանի օր է` Քեսաբում ողբերգական իրադարձություններ են ծավալվում։ Թուրքական կողմը, խախտելով միջազգային օրենքներն ու պարտավորությունները, գնդակոծել է հայկական գյուղերն ու ավանները, այնուհետև ճանապարհ է բացել ապստամբների համար` այդ հայաբնակ շրջանը զավթելու նպատակով։ Մարտի 21–ի առավոտյան ծայրահեղական խմբավորումները սկսել են գրոհել Քեսաբը` ստիպելով քաղաքացիական բնակչությանը, այդ թվում` մոտ 700 հայ ընտանիքների, անցնել հարևան Լաթաքիա։

Ամբողջ աշխարհի հայությունը սոցիալական ցանցերում սկսել է #SaveKessab ակցիան, որի նպատակն է իրազեկել միջազգային հանրությանը Քեսաբի իրադարձությունների մասին։ Ակցիային միացել են բազմաթիվ հայտնի մարդիկ, որոնց թվում` ամերիկյան ռեալիթի–շոուի աստղ Քիմ Քարդաշյանը, փոփ–երաժշտության լեգենդ Շերը և ուրիշներ։ Իսկ «Հայաստան» համահայկական հիմնադրամը Քեսաբին աջակցություն ցուցաբերելու արշավ է սկսել` բացելով հատուկ հաշվեհամար, որին ցանկացողները կարող են գումար փոխանցել։–0–

Loading...
Թեմատիկ նյութեր
Բաժնի այլ նյութեր
10:57
19 Հունվարի 2017
Խաչատուր Սուքիասյանը կլինի Գագիկ Ծառուկյանի դաշինքի շտաբի պետը
Երկար քննարկումներից հետո Խաչատուր Սուքիասյանը որոշել է առաջիկա ընտրություններին մասնակցել Գագիկ Ծառուկյանի դաշինքով։
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ:
16:32
16 Հունվարի 2017
ՀՀ նոր վարչապետից հարկավոր չէ սպասել լուրջ փոփոխություններ. քաղաքագետ
Իրավիճակի լուրջ բարելավում, որին սպասում է Հայաստանի բնակչությունը նոր վարչապետից և կառավարությունից, սկզբունքորեն չի կարող լինել, հայտարարեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին:
12:23
11 Հունվարի 2017
ՀՀԿ կանանց շրջանում խռովություն է հասունանում
ՀՀԿ կանայք պատրաստվում են Սերժ Սարգսյանից հանդիպում խնդրել և նրա մոտ բարձրացնել ցուցակի առաջին եռյակը եզրափակող Արփինե Հովհաննիսյանի հարցը: