478.51
-0.06
560.91
-1.27
8.03
+0.05
+19
Եղանակը Երևանում
Հայ
Մեծ Բրիտանիան Պուտինին հորդորում է զերծ մնալ Ղրիմի հանրաքվեի արդյունքները ճանաչելուց և հարցը լուծել ԵԱՀԿ և ԵԽ շրջանակներում. դեսպան
17:00
14 Մարտի 2014

ԵՐԵՎԱՆ, 14 մարտի. /Նովոստի–Արմենիա/. Մեծ Բրիտանիան կոչ է անում Ռուսաստանի նախագահ Վլադիմիր Պուտինին զերծ մնալ Ղրիմի հանրաքվեի արդյունքները ճանաչելուց և հարցը լուծել ԵԱՀԿ և Եվրոպայի Խորհրդի շրջանակներում, իր բլոգում գրել է Հայաստանում Միացյալ Թագավորության Արտակարգ և Լիազոր դեսպան Քեթի Լիչը։

«Մենք շարունակում ենք համոզել Ռուսաստանին օգտագործել այդ ռեսուրսները (ԵԱՀԿ և ԵԽ - «Նովոստի–Արմենիա»), դիվանագիտական լուրջ երկխոսություն ծավալել ուկրաինական կառավարության հետ և խնդրի խաղաղ լուծում գտնել, քանի դեռ ուշ չէ։ Նախագահ Պուտինի առաջին կարևոր քայլը կիրակի օրվա քվեարկության արդյունքների ճանաչումից զերծ մնալն է»,– ասվում է դեսպանի գրառման մեջ։

Լիչը նշում է, որ երբ 20–րդ դարում երկու համաշխարհային պատերազմները կործանեցին Եվրոպան, ստեղծվեց 1991 թվականից հետո ավելի ամրացած կազմակերպությունների մի ցանց` անցյալի դառն առճակատումներից խուսափելու և հակամարտությունները խաղաղ ճանապարհով հարթելու գործում աշխարհին օգնելու համար։

«Այնպիսի կազմակերպություններ, ինչպիսին են ԵԱՀԿ–ն և Եվրոպայի Խորհուրդը, որոնց ինտեգրված անդամ է Ռուսաստանը, գոյություն ունեն, որ աջակցեն պետություններին ինքնորոշման հարցեր բարձրաձայնելու և իրենց փոքրամասնությունների իրավունքները պաշտպանելու հարցերում»,– ընդգծել է նա։

«Մենք բոլորս, ովքեր հոգ են տանում Եվրոպայի խաղաղության համար, ցնցված ենք վերջին երկու շաբաթներին Ղրիմում կատարվող իրադարձություններով։ Կիրակի Ղրիմում կանցկացվի հանրաքվե, որը որևէ հնարավորություն չի տալիս նրանց, ովքեր ցանկանում են պահպանել Ղրիմի` որպես Ուկրաինայի անբաժանելի մասի կարգավիճակը։ Մարդիկ կարող են միայն քվեարկել Ռուսաստանին միանալու օգտին կամ դե ֆակտո անկախության օգտին` վերադարձնելով 1992 թվականի չգործող սահմանադրությունը»,– ասվում է գրառման մեջ։

Դեսպանը նշել է, որ մինչդեռ Ռուսաստանը կողմ է հանրաքվեին, G7–ը, ԵՄ–ն, Անվտանգության խորհրդի այլ անդամներ և միջազգային հանրության մեծ մասը հստակ արտահայտվել են, որ Ղրիմի մարտի 16–ի հանրաքվեն անօրինական է։

Նա հիշեցրել է ԵԱՀԿ գործող նախագահի`Շվեյցարիայի արտաքին գործերի նախարար Դիդիե Բյուրքհալթերի` մարտի 11–ի հայտարարությունն այն մասին, որ Ուկրաինայի տարածքային ամբողջականության, Ղրիմի ինքնավարության կամ ինքնիշխանության վերաբերյալ ցանկացած հանրաքվե պետք է հիմնված լինի Ուկրաինայի Սահմանդրության վրա և համապատասխանի միջազգային իրավունքին։

«Հանրաքվեի անցկացումը նույնպես ամբողջովին անօրինական կլինի։ Կարելի՞ է, արդյոք, ազատ և արդար համարել այն հանրաքվեն, որը կազմակերպվել է երկու շաբաթվա ընթացքում, երբ փողոցներում կան զինված մարդիկ` առանց տարբերանշանների, երբ լրագրողների նկատմամբ բռնություն են կատարում և առգրավում են նրանց սարքավորումները, երբ խոչընդոտում են միջազգային ներկայացուցիչների ժամանումը Ղրիմ, երբ, չնայած ռուսական կողմի հերքումներին, հստակ ապացույցներ կան, որ ռուսական զորքերը լքել են իրենց բազաները և զբաղեցրել Ղրիմի ենթակառուցվածքները` խախտելով Ուկրաինայի ինքնիշխանությւոնը և տարածքային ամբողջականությունը, ինչպես նաև մի շարք երկկողմ և բազմակողմանի համաձայնագրեր»,– նշվում է գրության մեջ։

Դեսպանն ընդգծել է նաև, որ հանրաքվե կարող է ծրագրվել միայն այն ժամանակ, երբ պարզ կդառնա, որ բոլոր կողմերը պատրաստ են խաղաղությամբ ընդունել դրա արդյունքը։

«Սա պատճառներից մեկն է, թե ինչու մենք Մեծ Բրիտանիայում պատրաստ ենք Շոտլանդիայի անկախության հանրաքվե անցկացնել այս տարի»,– ավելացրել է նա։ -0-

Loading...
Թեմատիկ նյութեր
Բաժնի այլ նյութեր
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ: