481.77
-0.24
540.26
-0.7
8.5
-0.06
+17
Եղանակը Երևանում
Հայ
Հայաստանի միացումը ՄՄ–ին չի խոչընդոտի հայ–վրացական համագործակցության զարգացմանը. Սարգսյան
19:17
27 Փետրվարի 2014

ԵՐԵՎԱՆ, 27 փետրվարի. /Նովոստի-Արմենիա/. Մաքսային միությանը Հայաստանի միանալու վերաբերյալ որոշումը որևէ խոչընդոտ չի ստեղծի հայ–վրացական համագործակցության զարգացման ճանապարհին, հինգշաբթի Երևանում հայտարարեց Հայաստանի նախագահ Սերժ Սարգսյանն իր վրացի գործընկեր Գեորգի Մարգվելաշվիլիի հետ հանդիպումից հետո։

«Մենք պարոն Մարգվելաշվիլիի հետ միակարծիք ենք, որ մեր երկրների ընտրությունները՝ կապված տնտեսական զարգացման հետ, երբեք չպետք է խոչընդոտեն մեր տնտեսական հարաբերություններին: Ավելի պարզ եթե ասենք՝ Հայաստանի Հանրապետության որոշումը՝ միանալու Մաքսային միությանը և Վրաստանի որոշումը՝ Ազատ առևտրի պայմանագիր կնքելու Եվրամիության հետ, մեր համոզմամբ, չեն խոչընդոտի մեր տնտեսական հարաբերություններին»,– նշեց Սարգսյանը։

Պետության ղեկավարը կարևորեց հայ-վրացական առևտրատնտեսական հարցերով համատեղ աշխատանքային խմբի ձևավորումը, որի առաջին նիստը նախատեսվում է գումարել մարտի երկրորդ կեսին։

Սարգսյանն ընդգծեց, որ երկու երկրների առաջնորդները կարևորում են արդյունավետ փոխգործակցությունը միջազգային հարթակում։

«Մենք կարծում ենք, որ բոլոր հակամարտությունների համապարփակ կարգավորումը հնարավոր է բացառապես խաղաղ ճանապարհով՝ միջազգային իրավունքի սկզբունքներին համապատասխան»,– նշեց նախագահը։

Նա ընդգծեց երկու երկրների համագործակցության անհրաժեշտությունը մշակույթի և կրթության բնագավառներում։

Ըստ նրա` հայ և վրաց ժողովուրդների միջև գոյություն ունեցող ջերմ բարեկամական հարաբերությունները մեր միջպետական փոխշահավետ համագործակցության երաշխիքն են և տարածաշրջանում կայունության պահպանման լավագույն ուղին:

«Հայ-վրացական գործընկերության հետևողական ամրապնդումը Հայաստանի Հանրապետության արտաքին քաղաքական օրակարգի կարևորագույն բաղադրիչներից է»,– նշեց Սարգսյանը։

Պետության ղեկավարն այս առիթով նշեց, որ 2013թ. տեղի են ունեցել վարչապետի մակարդակով մեկ և 15 նախարարական այցելություններ, ինչը խոսում է հայ–վրացական հարաբերությունների բարձր մակարդակի մասին։

«Հայաստանի և Վրաստանի միջև առևտրատնտեսական համագործակցության բնագավառում ձևավորվել են հստակ ուղղություններ, որոնք ներառում են տրանսպորտի և էներգետիկայի ոլորտը, զբոսաշրջությունը, գյուղատնտեսական ապրանքների վերամշակումը: Վստահ եմ, որ Երևանում գումարվելիք Հայ-վրացական միջկառավարական հանձնաժողովի հերթական՝ տասներորդ նիստը հնարավորություն կընձեռի քննարկել նախկինում ձեռք բերված պայմանավորվածությունների կատարման ընթացքը և նախանշել մեր տնտեսական համագործակցության հեռանկարները»,– ասաց Սարգսյանը։

Նա նաև շնորհակալություն փոխանցեց Վրաստանի նախկին վարչապետ Բիձինա Իվանիշվիլիին, որ նա իր մասնավոր հիմնադրամից միջոցներ է հատկացրել Թբիլիսիում գտնվող հայկական եկեղեցիներից մեկը վերանորոգելու համար:

«Պարոն Մարգվելաշվիլիի այցը որակական լիցք կհաղորդի Հայաստանի և Վրաստանի միջև բարեկամական և ինչու ոչ՝ եղբայրական հարաբերությունների ամրապնդմանն ու կնպաստի հայ-վրացական հարաբերությունների ողջ ներուժի լիարժեք իրացմանը»,– նշեց Հայաստանի նախագահը։

Մարգվելաշվիլին իր հերթին շնորհակալություն հայտնեց Սարգսյանին` Երևան հրավիրելու համար և իր գործընկերոջը հրավիրեց Վրաստան։

«Վրաստանը մտադիր է ակտիվորեն համագործակցել իր հարևանների հետ, և, իհարկե, համագործակցությունը պետք է խորանա և զարգանա»,– նշեց նախագահը։

Ըստ նրա` մի շարք ոլորտների համագործակցության զարգացումը գերակա է Վրաստանի համար, և այդ համագործակցության շրջանակներում հնարավոր կլինի բազմաթիվ խնդիրներ լուծել։
Վրաստանի նախագահ Գեորգի Մարգվելաշվիլին Հայաստանում է երկօրյա պաշտոնական այցով` իր հայ գործընկեր Սերժ Սարգսյանի հրավերով։ Այցի շրջանակներում ծրագրված են

Մարգվելաշվիլիի հանդիպումները Հայաստանի բարձրագույն իշխանության, ինչպես նաև Ամենայն Հայոց Գարեգին Բ կաթողիկոսի հետ։

Չորեքշաբթի նա ծաղկեփունջ դրեց «Ծիծեռնակաբերդ» հուշահամալիրին։

Հայ-վրացական արտաքին առևտրաշրջանառությունը 2013թ. կազմել է $151,9 մլն.`մեկ տարվա ընթացքում աճելով 26,9%-ով։

Երկու երկրների միջև գործում է մոտ 80 միջազգային պայմանագիր և համաձայնագիր, որոնք ներառում է փոխհարաբերությունների գրեթե ողջ շրջանակը։--0—

Loading...
Թեմատիկ նյութեր
Բաժնի այլ նյութեր
11:29
27 Մայիսի 2017
Արդարադատության նախարարությունում լարված մթնոլորտ է
Նոր կառավարության միակ «սյուրպրիզը» արդարադատության նախարարի պաշտոնում Դավիթ Հարությունյանի նշանակումն էր:
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա: