478.23
-0.15
574.4
+0.97
8.26
+0.03
+20
Եղանակը Երևանում
Հայ
Հայ-թուրքական հարաբերություններն ու ղարաբաղյան հարցը չեն կարող իրար հետ կապվել. ՄՃԽ
11:21
16 Հունվարի 2012

ԵՐԵՎԱՆ, 16 հունվարի. /Նովոստի-Արմենիա/. Հայ-թուրքական հարաբերություններն ու ղարաբաղյան հարցը չեն կարող իրար հետ կապվել, կարծում է Միջազգային ճգնաժամային խմբի եվրոպական ծրագրերի տնօրեն Սաբինա Ֆրեյզերը:

«Այս երկու գործընթացները ոչ մի կերպ չեն կարող կապվել իրար հետ: Չնայած չի կարելի պնդել, թե դրանք ընդհանրապես կապված չեն: Որոշակի աստիճանով նրանք շաղկապված են, սակայն չի կարելի հուսալ, թե հայ-թուրքական գործընթացը կլուծի ղարաբաղյան հարցը», - ասել է Ֆրեյզերը http://bs-kavkaz.org կայքին տված հարցազրույցում:

Նրա խոսքերով՝ հայ-թուրքական արձանագրությունները շատ ընդդիմախոսներ ունեն ինչպես հայկական և թուրքական ընդդիմության, այնպես էլ հասարակական կառույցների շրջանում, սակայն կա ևս մեկ կարևորագույն խոչընդոտ՝ Ադրբեջանը:

«Բանակցություններ սկսելով Հայաստանի հետ՝ Թուրքիան կարծում էր, թե կարող է վարել դրանք՝ հաշվի չառնելով Բաքվի կարծիքը, նա ադրբեջանցիների կողմից նման բուռն դիմադրություն չէր սպասում: Սակայն թուրքերը սխալվեցին իրենց հաշվարկներում: Ադրբեջանին հաջողվեց ազդել թուրքական իշխանությունների, հասարակության և ազգայնամոլ ուժերի վրա՝ հասնելով նրան, որ Անկարան Երևանի հետ հարաբերություններում ստիպված է հաշվի առնել Բաքվի կարծիքը», - նշել է փորձագետը:

Ֆրեյզերի խոսքերով՝ հայ-թուրքական արձանագրությունների վավերացումը կլավացնի երկու հարևան երկրների միջև հարաբերությունները, ինչն իր հերթին կնպաստի տարածաշրջանում կայունության ամրապնդմանը:

«Իսկ եթե արձանագրությունները չվավերացվեն, ապա կարծում եմ, որ Հայաստանի և Թուրքիայի միջև գործընթացը կբարդանա՝ մեծ հիասթափություն առաջացնելով ինչպես հայկական, այնպես էլ թուրքական հասարակությունում: Սակայն հուսանք, որ այն երկար չի տևի և ատելության աղբյուր չի դառնա, քանի որ ընդհանուր շահերն ու հարաբերությունների կարգավորման հարցում շահագրգռվածությունն, ամեն դեպքում, գերակայում են», - նշել է ՄՃԽ-ի եվրոպական ծրագրերի տնօրենը:

Նա համոզված է, որ երկկողմ հարաբերությունների կարգավորումը ձեռնտու է ինչպես Հայաստանին, այնպես էլ Թուրքիային: «Անկարան համոզված է, որ դա բավականին դրական քայլ է առաջին հերթին արտաքին քաղաքականության տեսակետից, այսինքն նման կերպ Թուրքիան իրագործում է «զրո խնդիր հարևանների հետ» իր ծրագիրը, իսկ դա կարևոր է ԵՄ մուտք գործելու համար: Բացի այդ, Թուրքիան հնարավորություն կստանա ընդլայնել տնտեսական ազդեցությունը հարավկովկասյան տարածաշրջանում», - ասել է Ֆրեյզերը: Ինչ վերաբերում է Հայաստանին, ապա փորձագետի խոսքերով՝ արձանագրությունների վավերացումից հետո նա Թուրքիայի հետ բաց սահմաններ կունենա և դիվանագիտական հարաբերություններ կհաստատի, իսկ արտաքին քաղաքականության հարցում այս ամենը դիվիդենտներ կբերի երկրին:

Ֆրեյզերը կարծում է, որ հայ-թուրքական սահմանը պետք է բացվի նույնիսկ առանց քաղաքական համատեքստի: «Եկեք չմոռանանք, որ Թուրքիայում բնակվում է 40-70 հազար հայ, հետևաբար ժողովուրդների միջև շփում հաստատելու համար հարկավոր է լուծել ինչպես տնտեսական, այնպես էլ ճանապարհային հաղորդակցության խնդիրները: Ինչ վերաբերում է Ադրբեջանի սպառնալիքներին, ապա իմ կարծիքով՝ Բաքվին պետք է համոզել, որ հակամարտություններից խուսափելու նպատակով նրա շահերից է բխում տեղի ունեցածին դրական վերաբերվելը», - ասել է նա:

Հայ-թուրքական հարաբերությունների կարգավորման գործընթացը սկսվել էր ՀՀ նախագահ Սերժ Սարգսյանի նախաձեռնությամբ 2008թ.-ի աշնանը: Էդվարդ Նալբանդյանն ու Ահմեդ Դավութօղլուն հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանային երկու երկրների խորհրդարանների կողմից: Սակայն ՀՀ նախագահ Սերժ Սարգսյանն ապրիլի 22-ի իր հրամանագրով կասեցրել է երկրի խորհրդարանում հայ-թուրքական արձանագրությունների վավերացման ընթացակարգը՝ հայտարարելով, որ Թուրքիան պատրաստ չէ շարունակել սկսված գործընթացը: -0-

Loading...
Թեմատիկ նյութեր
Բաժնի այլ նյութեր
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին:
16:46
14 Սեպտեմբերի 2017
ՌԴ վարչապետ Դմիտրի Մեդվեդևը մոտ ապագայում կայցելի Երևան
ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդևի հետ: