485.25
-0.08
569.44
-2.72
8.18
-0.02
-2
Եղանակը Երևանում
Հայ
Խորհրդարանական ընտրությունների քվեարկությանը մասնակցելու համար Ղազախստանի դեսպանատանը ընտրատեղամաս կգործի
14:33
11 Հունվարի 2012

Հայաստանում բնակվող Ղազախստանի քաղաքացիները կկարողանան մասնակցել հունվարի 15-ին կայանալիք Ղազախստանի խորհրդարանական ընտրություններին՝ քվեարկելով ՀՀ-ում Ղազախստանի դեսպանատանը գործող ընտրատեղամասում, տեղեկացրել է ՀՀ-ում Ղազախստանի դեսպան Այիմդոս Բոզժիգիտովը:

«Ընտրատարածքում գրանցված է շուրջ 30 ընտրող, ովքեր օրենքով սահմանված կարգով դեսպանատան կողմից իրազեկվել են ընտրությունների օրը քվեարկության վայրի և կարգի մասին», - ասել է նա չորեքշաբթի «Նովոստի» միջազգային մամուլի կենտրոնում հրավիրված մամուլի ասուլիսի ժամանակ:
Դեսպանի խոսքով՝ ընտրատեղամասում կան անհրաժեշտ տեղեկատվական և քարոզչական փաստաթղթերը, այն ամբողջովին պատրաստ է ընտրությունների անցկացմանը:

«Արտերկրում ընտրատեղամասերի ընդհանուր թիվը կկազմի 56, դրանք բաց կլինեն Ղազախստանի բոլոր դեսպանատներում, հինգ գլխավոր հյուպատոսություններում  և երեք հյուպատոսական հաստատություններում», - նշեց նա:
Բոզժիգիտովը տեղեկացրեց, որ խորհրդարանական ընտրություններին կմասնակցի յոթ քաղաքական կուսակցություն՝ 359 թեկնածուով, ովքեր կպայքարեն 98 պատգամավորական մանդատի համար:

«Դա պատգամավորական մեկ տեղի համար ավելի քան երեք մարդ է: Բացի այդ, Մաժիլիսում (խորհրդարանի ստորին պալատ) 107 պատգամավորներից 9-ը կմրցեն Ղազախստանի ժողովրդի վեհաժողովի գծով», - ասաց նա:
Դեսպանը նաև ընդգծեց, որ երկրում իրականացվում է նախընտրական քարոզարշավ, և բոլոր կուսակցություններին հավասար հնարավորություններ են տրամադրվել ընտրարշավ անցկացնելու համար:

«Երկրում ստեղծվել են բոլոր պայմանները ԶԼՄ-ների նկատմամբ հավասար հասանելիության համար: Այսպես, 53 տպագիր հրատարակությունների, 13 հանրապետական հեռուստաալիքների, 19 հանրաճանաչ հասարակական-քաղաքական ինտերնետ-ռեսուրսների, հինգ հանրապետական ռադիոալիքների շրջանում անցկացված մոնիտորինգը ցույց է տալիս, որ բոլոր յոթ քաղաքական կուսակցությունները տեղադրում են իրենց հարյուրավոր քարոզչական նյութերն այդ ԶԼՄ-ներում», - ասաց Բոզժիգիտովը:

Նա նաև տեղեկացրեց, որ ընտրությունների ընթացքին հետևելու է 819 միջազգային դիտորդ, իսկ ԱԳՆ-ում հավատարմագրված է օտարերկրյա ԶԼՄ-ների 118 ներկայացուցիչ:
2011թ.-ի նոյեմբերին Ղազախստանի նախագահ Նուրսուլթան Նազարբաևը հրամանագիր ստորագրեց Մաժիլիսը ցրելու և արտահերթ ընտրություններ անցկացնելու մասին, որոնք կանցկացվեն հունվարի 15-ին:

Մաժիլիսի ցրումը նախաձեռնել էին մի խումբ պատգամավորներ, երկրի ղեկավարին ուղղված դիմումի տակ ստորագրել էր 107 պատգամավորներից 53-ը: Նրանք հիմնավորեցին իրենց նախաձեռնությունը ճգնաժամի նոր ալիքի նախաշեմին շուտափույթ կերպով ընտրություններ անցկացնելու անհրաժեշտությամբ, որպեսզի «բոլոր պետական մարմինները, կառավարությունն ու խորհրդարանը, չշեղվելով ընտրությունների անցկացման հարցում, իրենց ուշադրությունը կենտրոնացնեն հակաճգնաժամային միջոցառումների իրականացման վրա»: Նրանք նաև նպատակահարմար են համարում «չհետաձգել ժողովրդավարական մեխանիզմների իրականացումը, որոնք թույլ են տալիս ձևավորել բազմակուսակցական խորհրդարան»:

Ստորին պալատի նախկին կազմում կուսակցական ցուցակներով ընտրված բոլոր 98 պատգամավորները ներկայացնում էին «Նուր Օթան» կուսակցությունը, որը հաղթել է 2007 թ.-ի օգոստոսի 18-ին կայացած ընտրությունների ժամանակ այն դեպքում, երբ այլ կուսակցություններ չեն կարողացել հաղթահարել 7 տոկոսանոց շեմը:

Արտահերթ ընտրությունների անցկացումից հետո Մաժիլիսն այլևս չի կարող միակուսակցական լինել: Ընտրական օրենսգրքում կատարված փոփոխությունների համաձայն՝ եթե երկրորդ տեղը զբաղեցրած կուսակցությունը չկարողանա հավաքել ձայների 7 տոկոսը, այն կկարողանա մասնակցել պատգամավորական մանդատների բաշխմանը:-0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։