486.81
+0.07
517.04
-0.95
8.4
-0.03
-9
Եղանակը Երևանում
Հայ
Հայաստանի կարևորագույն խնդիրն է՝ աշխարհին ապացուցել ղարաբաղցիների պայքարի ճշմարիտ լինելը. Սարգսյան
16:36
18 Նոյեմբերի 2011

Հայաստանի կարևորագույն խնդիրն այսօր՝ աշխարհին ապացուցել ղարաբաղցիների պայքարի ճշմարտացիությունը, հայտնեց Հայաստանի նախագահ Սերժ Սարգսյանը:

«Այսօր ռազմական փուլն ավարտված է: Չեմ ասում, թե այն այլևս անհնար է, բայց ներկա փուլում մենք բոլորս միասին պետք է պայքարենք և աշխարհին ապացուցենք ղարաբաղցիների պայքարի ճշմարտացիությունը: Սա շատ կարևոր հանգամանք է»,- ուրբաթ ասաց պետության ղեկավարը հայտնի բուլղարացի լրագրող Ցվետանա Պասկալևայի «Ղարաբաղի վերքերը» խորագրով վավերագրական յոթ  ֆիլմերի սկավառակի շնորհանդեսի ժամանակ:

Նախագահի խոսքով՝ Հայաստանի պաշտպանության նախարարությունը շատ ճիշտ քայլ է կատարել՝ օժանդակություն ցուցաբերելով Պասկալևայի աշխատանքների պատրաստման գործում:

«Այս սկավառակը հարգանքի տուրք է այն բոլոր մարդկանց, ովքեր պատվով կարողացել են պաշտպանել իրենց հայրենի հողը, և, իհարկե, հարգանքի տուրք է հենց Պասկալևային: Չեմ հասկանում, թե ինչպես կարելի էր այսպիսի արժեքը դարակում թողնել այսքան տարիների ընթացքում»,- ասաց Սարգսյանը:

Պետության ղեկավարը նշեց, որ բուլղարացի լրագրողը հսկայական և անփոխարինելի աշխատանք է կատարել, և առանց նրա աշխատանքի լիարժեք պատկերացում չէր ձևավորվի Ղարաբաղում 90-ականների առաջին կեսին տեղի ունեցած իրադարձությունների մասին:
«Իր երիտասարդ տարիները Ցվետանան նվիրեց մեր պայքարին, կանգնեց հայ զինվորի կողքին և իր տեսախցիկով ու ֆոտոխցիկով նկարահանեց այդ բոլոր իրադարձությունները: Լինելով համեստ մարդ՝ այսօր էլ նա շնորհակալություն է հայտնում տարբեր մարդկանց և կազմակերպություններին սկավառակի թողարկման գործում, բայց մենք բոլորս պետք է հասկանանք, որ հենց մենք պետք է շնորհակալ լինենք նրան: Վստահ եմ, որ այսուհետ էլ նա կման մեր պայքարի ամենաակտիվ մասնակիցներից մեկը»,- ընդգծեց նախագահը:

«Ղարաբաղի վերքերը» DVD-ֆիլմերը թողարկվել են վեց լեզվով՝ հայերեն, ռուսերեն, անգլերեն, ֆրանսերեն, իսպաներեն և բուլղարերեն: Ֆիլմերի իրադարձություններն ընդգրկում են 1991 թվականից մինչև 1994 թվականի հրադադարի համաձայնագրի ստորագրումն ընկած ժամանակահատվածը: Բոլոր ֆիլմերն արտացոլում են առավել նշանակալի ռազմական գործողությունների ընթացքը և հեղինակի մարդկային վերաբերմունքն այդ ամենի նկատմամբ:

Արդեն թողարկվել է 1000 սկավառակ, որոնց կեսը կտարածվի հայկական բանակում հենց Պասկալևայի ցանկությամբ: Սկավառակը թողարկող Armenian Music Centre ընկերությունը մտադիր է ավելացնել օտար լեզուներով DVD-ների թիվը՝ արտասահմանում տարածելու համար: 2012 թվականին նախատեսվում է նաև սկավառակների շնորհանդես կազմակերպել արտասահմանյան այն բոլոր երկրներում, որտեղ տեսագրված են Պասկալևայի ֆիլմերը:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:
Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։
21:05
12 Փետրվարի 2017
Հայաստանի ԱԳ նախարարը շնորհավորել է Շթայնմայերին
Հայաստանի արտաքին գործերի նախարար Էդվարդ Նալբանդյանը սրտանց շնորհավորել է Ֆրանկ Վալտեր Շթայնմայերին Գերմանիայի նախագահի պաշտոնում ընտրվելու կապակցությամբ:
20:58
12 Փետրվարի 2017
Ընտրվել է Գերմանիայի 12-րդ նախագահը
Գերմանիայի արտաքին գործերի նախկին նախարար Ֆրանկ Վալտեր Շթայնմայերը դարձել է երկրի 12-րդ նախագահը:
20:16
10 Փետրվարի 2017
Արտահոսք Օհանյան–Օսկանյան դաշինքից
Խորհրդարանական ընտրությունների նախաշեմին պաշտպանության նախկին նախարար Սեյրան Օհանյանի և ԱԳ նախկին նախարար Վարդան Օսկանյանի ձևավորած դաշինքից արտահոսքը շարունակվում է։
18:53
10 Փետրվարի 2017
Ֆրանսիայի նախագահը հրավիրել է հայ գործընկերոջը պաշտոնական այցով այցելել Փարիզ
Ֆրանսիայի նախագահ Ֆրանսուա Օլանդը հրավիրել է իր հայ գործընկեր Սերժ Սարգսյանին պաշտոնական այցով այցելել Փարիզ: