478.62
+0.08
550.51
-1.2
8.1
+0.01
+22
Եղանակը Երևանում
Հայ
Թուրքիայում տեղի ունեցած երկրաշարժն Անկարայի համար լավ շղարշ դարձավ՝ քրդերի նկատմամբ ագրեսիվ քաղաքականություն վարելու համար. հայ քաղաքագետ
15:49
25 Հոկտեմբերի 2011

Թուրքիայում տեղի ունեցած երկրաշարժը Անկարայի համար լավ շղարշ դարձավ՝ քրդերի նկատմամբ ագրեսիվ քաղաքականություն վարելու համար, երեքշաբթի «Նովոստի» միջազգային մամուլի կենտրոնում լրագրողներին ասաց «Եվրոպական ինտեգրացիա» կազմակերպության ղեկավար Կարեն Բեքարյանը:

Կիրակի կեսօրին Թուրքիայի հարավ-արևելքում 7,2 մագնիտուդով երկրաշարժ է տեղի ունեցել: Կիրակի լույս երկուշաբթի գիշերը երկրաշարժից տուժած գավառում տեղի է ունեցել ևս մեկ երկրաշարժ, այս անգամ 6,1 մագնիտուդով: Տեղի սեյսմոլոգները կանխատեսում են, որ զոհվածների թիվը կարող է հասնել 500-1000 մարդու: Հայաստանը պատրաստակամություն է հայտնել փրկարարնել ուղարկել երկրաշարժից տուժած Թուրքիա, սակայն պաշտոնական Անկարան հրաժարվել է օգնությունից:

«Երկրաշարժը Թուրքիայի համար առիթ դարձավ շարունակելու առավել ինտենսիվ և լայնամասշտաբ ռազմական գործողությունները քրդերի նկատմամբ ոչ միայն սեփական տարածքում, այլև Իրաքում», - ասաց Բեքարյանը:

Նրա խոսքերով՝ երկրաշարժը, որպես հումանիտար աղետ, դարձավ նպաստող գործոն՝ «լրատվական ժապավենները լցնելու համար՝ դրանց ծածկի տակ ակտիվացնելով սեփական ագրեսիվ քաղաքականությունը»:

Քաղաքագետը նշեց, որ 1915 թ.-ի Հայոց ցեղասպանության ժամանակ լուրերի միջազգային ժապավենները ևս զբաղված էին այլ իրադարձություններով, և թուրքերն առանց խոչընդոտի կարողացան ցեղասպանություն իրականացնել:

«Այժմ ողջ աշխարհի աչքի առաջ 21-րդ դարում տեղի է ունենում նմանատիպ մի բան քրդերի նկատմամբ, ինչը գտնվում է հասարակության ուշադրությունից դուրս, և փաստորեն թուրքերը շատ լավ պահ են գտել՝ իրենց սրտին համար ամենամոտ ձևով այդ հարցը լուծելու համար», - ասաց Բեքարյանը:

Ինչպես կարծում է քաղաքագետը,  Հայաստանը պետք է բարձրացնի այս հարցը նվազագույնը երկու պատճառով՝ քանի որ իր վրա է զգացել նմանատիպ քաղաքականության հետևանքները, ինչպես նաև այն պատճառով, որ Հայաստանում ազգային փոքրամասնությունների թվում նաև քրդեր են բնակվում:

Միաժամանակ նա նշեց, որ հպարտություն է առաջացնում այն փաստը, որ Հայաստանը, չնայած բոլոր քաղաքական խնդիրներին և պատմական դժվարություններին, Թուրքիային առաջարկեց իր օգնությունը երկրաշարժի հետևանքների վերացման գործում:

Ներկայումս Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։

Երկու երկրի միջև բարդ հարաբերությունները պայմանավորված են մի շարք հանգամանքներով, որոնք կապված են, մասնավորապես, Անկարայի՝ ադրբեջանական դիրքորոշման պաշտպանությամբ ղարաբաղյան հարցում, ինչպես նաև Թուրքիայի սուր արձագանքի հետ 1915 թվականին Օսմանյան կայսրությունում Հայոց ցեղասպանության միջազգային ճանաչման հետ կապված։

Հայ-թուրքական հարաբերությունների կարգավորման գործընթացը սկսվեց ՀՀ նախագահ Սերժ Սարգսյանի նախաձեռնությամբ 2008 թ.-ի աշնանը: 2009 թ.-ի հոկտեմբերի 10-ին երկու երկրների արտգործնախարարները հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանան երկու երկրների խորհրդարանների կողմից:

Սակայն 2010 թ.-ի ապրիլի 22-ին Սարգսյանը հայ-թուրքական արձանագրությունների վավերացման գործընթացի դադարեցման մասին հրամանագիր ստորագրեց՝ հայտարարելով, որ Թուրքիան պատրաստ չէ շարունակել սկսած գործընթացը: -0-

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: