487.29
-0.01
568.08
+2.76
8.23
+0.01
+9
Եղանակը Երևանում
Հայ
ՌԴ ԱԳՆ-ի պաշտոնական ներկայացուցիչը կոռեկտության կոչ է արել ադրբեջանցի լրագրողին
19:42
30 Սեպտեմբերի 2011

Ռուսաստանի արտաքին գործերի նախարարի պաշտոնական ներկայացուցիչ Ալեքսանդր Լուկաշևիչն ուրբաթ կայացած ճեպազրույցի ընթացքում կոռեկտության կոչ է արել ադրբեջանցի լրագրողին, ով իր հարցում օգտագործել է պաշտոնական Բաքվի հակահայկական քարոզչության ողջ զինանոցը:

«Ես հասկանում եմ ձեր էմոցիաները, բայց արդեն ձեր գործընկերներին նախազգուշացրել եմ, որ պաշտոնական ներկայացուցչի և ԱԳՆ-ի ճեպազրույցներում պետք է ավելի կոռեկտ լինել և փորձել չօգտագործել նման նսեմացնող հռետորություն: Այսինքն, այնուամենայնիվ, պահել էմոցիաների և բանակցային գործընթացում առկա քաղաքական գծի միջև հավասարակշռությունը»,- ասել է Լուկաշևիչը:
«Վերջիվերջո, Լեռնային Ղարաբաղի կարգավորմամբ անմիջականորեն զբաղվում է ոչ թե ՄԱԿ-ը, այլ ԵԱՀԿ-ն՝ ի դեմ Մինսկի խմբի և համանախագահների»,- նշել է Ռուսաստանի ԱԳՆ-ի պաշտոնական ներկայացուցիչը:
 
Նա ասել է, որ բանակցությունները միշտ բարդ գործ են, և նման ձգձգված հակամարտության դեպքում արագ և թեթև լուծումների հույս ունենալ չարժե:

«Բայց ևս մեկ անգամ կրկնում եմ, որ և Ռուսաստանը, և Մինսկի խմբի համանախագահության մեր գործընկերները ձեռնարկում են և կձեռնարկեն անհրաժեշտ բոլոր քայլերը, որպեսզի մոտեցնեն այն պահը, երբ կողմերը կարող են պայմանավորվածություն ձեռք բերել կարգավորման սկզբունքների շուրջ, և, բնականաբար, Ռուսաստանն ավելի, քան Մինսկի խմբում ընդգրկված մյուս պետությունները, շահագրգռված է տարածաշրջանում կայունության վերականգնմամբ, անվտանգության երաշխավորմամբ և նրանով, որ ավելի շատ խոսենք համագործակցության ձևերի մասին, այլ ոչ թե զբաղվենք հռետորությամբ, ավելի լուրջ հայտարարություններ անենք տարածաշրջանային անվտանգության մասին»,- նշել է Լուկաշևիչը:
Նա կրկնել է, որ ՌԴ նախագահն անմիջականորեն է զբաղվում Երևանի և Բաքվի միջև երկխոսության օժանդակության, շարունակության և զարգացման քայլերով:

«Մենք արդեն բազմիցս կրկնել ենք, որ Մինսկի խումբը մնում է ղարաբաղյան կարգավորման բանակցային գործընթացի օժանդակության շատ կարևոր և արդյունավետ մեխանիզմը»,- ասել է ՌԴ ԱԳՆ-ի ներկայացուցիչը:
 
Ինչ վերաբերում է Ռուսաստանի դերին, ապա, Լուկաշևիչի խոսքով, այն շատ ակտիվ ու արգասաբեր է, ինչը խոստովանում են ինչպես մյուս համանախագահները, այնպես էլ կողմերը:

«Ռուսաստանի նախագահն անձամբ մասնակցել է բանակցությունների մի շարք ռաունդների, և նրա հովանու ներքո են, ըստ էության, մշակվել կարգավորման այն սկզբունքները, որոնք կազմում են բանակցային գործընթացի հիմքը»,- ասել է Լուկաշևիչը:

Ըստ նրա, ամեն ինչ չէ, որ թեթև և սահուն է ընթանում՝ հաշվի առնելով հակամարտող կողմերի տարբեր մոտեցումները, բայց, այնուամենայնիվ, Կազանի վերջին հանդիպումը ցույց տվեց, որ կարգավորման հեռանկարները բավականին հասանելի են կողմերի քաղաքական կամքի դեպքում:
«Ինչ վերաբերում է այս կամ այն երկրի հատուկ դերակատարմանը, ապա կարգավորման արդյունքը, ամեն դեպքում, Երևանի և Բաքվի միջև փոխզիջումներն են: Իսկ մենք, որպես համանախագահներ, որպես ՄԱԿ-ի Անվտանգության Խորհրդի մշտական անդամներ, ամեն կերպ օժանդակել ենք և կշարունակենք օժանդակել նման երկխոսությանը և այնպիսի պայմանավորվածությունների, որոնք երկարաժամկետ, ստուգելի կլինեն և կկազմեն ձգձգված հակամարտության կարգավորման հիմքը»,- ասել է Լուկաշևիչը:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:
1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:
Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։