478.62
+0.08
550.51
-1.2
8.1
+0.01
+24
Եղանակը Երևանում
Հայ
ՄԱԿ-ում ՀՀ մշտական ներկայացուցիչը հերքել է ԳԱ-ի նստաշրջանում Ադրբեջանի հնչեցրած մեղադրանքները
10:46
29 Սեպտեմբերի 2011

ՄԱԿ-ում Հայաստանի մշտական ներկայացուցիչ,  դեսպան Կարեն Նազարյանը մերժել է Միավորված Ազգերի Կազմակերպության Գերագույն Ասամբլեայի նստաշրջանում Ադրբեջանի ԱԳՆ-ի ղեկավար Էլմար Մամեդյարովի հնչեցրած մեղադրանքները:

Քննարկումների ժամանակ Նազարյանը Հայաստանին և Լեռնային Ղարաբաղին հասցեագրված Մամեդյարովի խոսքերը նրա երևակայության պտուղ է անվանել:

Հայ դիվանագետի խոսքով՝ Բաքվում շարունակում են կարծել, թե սառը պատերազմի ժամանակահատվածի քարոզչությունը և ՄԱԿ-ում հակահայկական հայտարարությւոնները կարող են ԵԱՀԿ Մինսկի խմբի միջնորդությամբ տարվող բանակցություններում դիրքերի ամրապնդման արդյունավետ գործիք դառնալ:

«Բանակցություններն ուղղված են խնդրի լուծման համապարփակ, և ոչ քայլ առ քայլ լուծմանը, ինչպես պնդում է Ադրբեջանի արտգործնախարարը»,- հիշեցրել է Նազարյանը:

Հերքելով ՄԱԿ-ի բանաձևերում «Հայաստանի ագրեսիայի», «հանրապետության Զինված ուժերի դուրսբերման», ինչպես նաև «20 տոկոս տարածքների զավթման արդյունքում 1 մլն փախստականների» մասին ձևակերպումների առկայությունը` դեսպան Նազարյանն ընդգծել է, որ Մամեդյարովի ելույթում հնչած մեղադրանքները և փաստերի խեղաթյուրումն անհիմն են, ոչ արդյունավետ, խանգարում են բանակցությունների ընթացքին և միջազգային կազմակերպությունների աշխատանքին` արհեստականորեն երկարաձգելով կառուցողական այն քայլերը, որոնք անհրաժետ են Լեռնային Ղարաբաղի ժողովրդի պահանջների բավարարման համար:
     
Նշվել է նաև, որ հենց Ադրբեջանն է լայնածավալ ռազմական գործողություններ սկսել Լեռնային Ղարաբաղի դեմ` ի պատասխան ինքնորոշման իրավունքի կիրառմանը:

«Եթե Ադրբեջանը, աղավաղված փաստեր օգտագործելով, մոլորության մեջ է գցում իր ժողովրդին, դա դեռ չի նշանակում, որ նույնը կարող է անել միջազգային հանրության նկատմամբ»,- ասել է Նազարյանը:

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:
Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: