484.11
-0.64
570.43
-1.33
8.23
+0.04
-1
Եղանակը Երևանում
Հայ
Հայաստանը խոչընդոտել է EURONEST-ի զեկույցի ընդունմանը, քանի որ այն հակասում է իր ազգային շահերին. պատգամավորներ
14:27
22 Սեպտեմբերի 2011

Հայաստանը խոչընդոտել է EURONEST-ի զեկույցի ընդունմանը, քանի որ փաստաթղթում առկա մի շարք ձևակերպումներ հակասում են մեր ազգային շահերին, հայտարարում են «Արևելյան գործընկերության» խորհրդարանական վեհաժողովում (EURONEST) հայկական պատվիրակության անդամները:

EURONEST-ի առաջին լիագումար նիստը կայացել է սեպտեմբերի 14-15-ը Ստրասբուրգում:

«Փաստաթղթում որպես միջազգային իրավունքի սկզբունքներ նշվել են տարածքային ամբողջականությունն ու սահմանների անքակտելիությունը, սակայն մեր վրացի և ադրբեջանցի գործընկերները «մոռացել են» ազգերի ինքնորոշման իրավունքների հավասարազոր սկզբունքի մասին»,- հինգշաբթի լրագրողներին հայտնեց ՀՅԴ անդամ Լիլիթ Գալստյանը:

Ըստ նրա, հայկական կողմը չէր կարող չխոչընդոտել նման փաստաթղթի ընդունմանը, քանի որ հավասար իրավական ուժ ունեցող միջազգային իրավունքի սկզբունքների հանդեպ նման ընտրական վերաբերմունքը հակասում է Հայաստանի ազգային շահերին և չի նպաստում տարածաշրջանում խաղաղության աջակցմանը:

«Հայաստանը ցույց տվեց, որ կողմ է երկխոսությանը, գործընկերությանը՝ հանուն տարածաշրջանի կայունության ձեռքբերման, բայց պատրաստ չէ ոչ մի զիջումների և փոխզիջումների՝ իր ազգային շահերի հաշվին»,- ընդգծեց նա:

Ինչպես իր հերթին նշեց ընդդիմադիր «Ժառանգություն» կուսակցության ղեկավար Ստեփան Սաֆարյանը, եվրոպական կողմը հետագա վեճերից խուսափելու համար առաջարկել է զեկույցից լիովին լիովին հանել այդ հատվածը, իսկ հայկական կողմն առաջարկել է ամրագրել միջազգային իրավունքի բոլոր տասը սկզբունքները կամ թվարկումը փոխարինել հղումով:

«Սակայն առաջարկներից ոչ մեկը չանցավ: Եվրոպական կողմի առաջարկին դեմ եղավ Ուկրաինան, որը համանախագահ է հանդես գալիս: Արդյունքում, չնայած զեկույցի ընդունմանը Հայաստանն էր դեմ դուրս եկել, դրա խափանման պատասխանատվությունն ընկնում էր Վրաստանի, Ադրբեջանի և Ուկրաինայի ներկայացուցիչների վրա»,- ավելացրեց նա:
Ավելի վաղ EURONEST-ում Հայաստանի պատվիրակությունը հայտարարությամբ է հանդես եկել, որում Ադրբեջանի և Վրաստանի պատվիրակություններին մեղադրել է զեկույցի խափանման մեջ, որը պետք է ներկայացվեր սեպտեմբերի վերջում Վարշավայում կայանալիք «Արևելյան գործընկերություն» Եվրամիության ծրագրի գագաթնաժողովին:
Հայաստանի պատվիրակությունն անհամաձայնություն է հայտնել փաստաթղթի որոշ ձևակերպումների առնչությամբ, որտեղ որպես միջազգային իրավունքի սկզբունք նշվել է տարածքային ամբողջականությունը, սահմանների անքակտելիությունը: Հայկական պատվիրակությունն առաջարկել է փաստաթղթում ավելացնել ազգերի ինքնորոշման իրավունքը, ինչպես նաև ուժի չկիրառումը կամ ուժի կիրառման սպառնալիքները, սակայն ադրբեջանական և վրացական պատվիրակությունների խիստ դիմադրության պատճառով այդպես էլ համաձայնության չեն եկել: -0-

Loading...
Թեմատիկ նյութեր
Բաժնի այլ նյութեր
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ: