478.57
+0.37
561.79
+1.96
8.05
+0.02
+32
Եղանակը Երևանում
Հայ
Իսրայելը կարող է ճանաչել Հայոց ցեղասպանությունը՝ ի պատասխան Անկարային. փորձագետ
15:03
06 Սեպտեմբերի 2011

Իսրայելը կարող է ակտիվացնել 1915թ.-ի Հայոց ցեղասպանության ճանաչման ուղղությամբ քայլերը՝ ի պատասխան դիվանագիտական հարաբերությունները նվազագույնի հասցնելու և ռազմական համագործակցության սառեցման վերաբերյալ Թուրքիայի որոշմանը, կարծում է թուրքագետ Ռուբեն Մելքոնյանը։

Նախորդ ուրբաթ Թուրքիայի ԱԳՆ ղեկավար Ահմեդ Դավութօղլուն հրապարակել է Իսրայելի դեմ պատժամիջոցների փաթեթ, քանի որ Իսրայելը հրաժարվել է կատարել է Անկարայի պահանջները նախորդ տարվա մայիսի 31-ին Գազայի հատված ուղևորվող «Ազատության նավատորմ» միջազգային հումանիտար նավախմբի հետ կատարված միջադեպից հետո։ Իսրայելական հատուկջոկատայինների կողմից նավատորմը գրոհելու հետևանքով զոհվել էր Թուրքիայի ութ քաղաքացի, ԱՄՆ մեկ քաղաքացի։

«Սա ամենահավանական պատասխան քայլն է, որը կարող է ձեռնարկել Իսրայելը։ Արդեն այսօր թուրքական ԶԼՄ-ների և փորձագետների շրջանակներում կարծիք է տարածվել, որ առաջիկայում Քնեսեթում շատ հավանական է Հայոց ցեղասպանության ճանաչման քննարկումը»,- երեքշաբթի լրագրողներին ասաց նա։

Ըստ Մելքոնյանի, Թել Ավիվի այդ քայլը ևս մեկ անգամ կապացուցի, որ շատ պետություններ փորձում են ցեղասպանության ճանաչման հարցը քաղաքական նպատակներով օգտագործել։
«Եթե անգամ Իսրայելը ճանաչի ցեղասպանությունը, այդ քայլը չի կարող անկեղծ համարվել։ Ես կարծում եմ, որ մենք պետք է զուսպ վերաբերվենք այդ իրադարձությանը։ Ոչ մի պետություն չի կարող մեր ժողովրդի ողբերգությունը քաղաքական առուծախի առարկա դարձնել»,- հայտնեց նա։
Մեկնաբանելով Թուրքիայի դիրքորոշումը և այն շարժառիթները, որոնք դրդեցին Անկարային գնալ Իսրայելի հետ հարաբերությունների կտրուկ վատացման, որն իր կարևոր ռազմական գործընկերն է, թուրքագետը նշեց, որ պատճառը Թուրքիայի՝ Մերձավոր Արևելքում անվիճելի առաջնորդ լինելու հավակնությունն է։

«Հաշվի առնելով, որ իսլամական աշխարհում բավական ուժեղ են հակաիսրայելական տրամադրությունները, և այդ քայլերի արդյունքում Թուրքիայի հեղինակությունը զգալիորեն կբարձրանա, կարելի է ենթադրել, թե ինչ ռազմավարական խնդիրներ է նա հետապնդում»,- ընդգծեց նա։ 
Մելքոնյանը նաև ավելացրեց, որ այդ համատեքստում թուրք վարչապետ Թայիփ Էրդողանի այցը Գազայի հատված չափազանց շահավետ ազդեցություն կունենա իսլամական աշխարհում Թուրքիայի վարկանիշի վրա։
«Թուրքական քաղաքական մեքենան հաշվարկել է իր գործողությունների բոլոր հնարավոր հետևանքները և ենթադրվում է, որ Իսրայելի հետ հարաբերությունների վատացումն իր համար արդարացված քայլ է»,- ասաց նա։

Թուրքական իշխանությունները մեկ տարուց ավել է՝ Իսրայելից պահանջում են պաշտոնական ներում գրոհի համար, զոհված և տուժած ընտանիքներին փոխհատուցման վճարում, ինչպես նաև՝ Գազայի շրջափակման հանում։  
Սակայն Թել Ավիվում այդ պահանջները հերքում են։ ՄԱԿ-ի հատուկ հանձնաժողովը տեղի ունեցածի համար պատասխանատվություն է դրել Իսրայելի, մասամբ Թուրքիայի, ինչպես նաև՝ պաղեստինյան անկլավ անթույլատրելի բեռների առաքման ակցիայի անմիջական կազմակերպիչների վրա։

Հայոց Ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի վերաբերյալ Արևմուտքի կողմից արվող քննադատություններին։

Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Կանադայի խորհրդարանի համայնքների պալատը և Լեհաստանի սեյմը, Վատիկանը, Եվրախորհդարանը, Եկեղեցիների համաշխարհային խորհուրդը։ -0-

Loading...
Թեմատիկ նյութեր
Բաժնի այլ նյութեր
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ: