486.78
+0.12
515.5
+2.27
8.41
+0.01
+6
Եղանակը Երևանում
Հայ
ՀԱԿ-ի և ՀՀ կոալիցիայի երկխոսությունը թույլ կտա լուծել երկրի խնդիրները, պատգամավոր
16:03
05 Օգոստոսի 2011

ԵՐԵՎԱՆ, 5 օգոստոսի.  /Նովոստի-Արմենիա/. Հայաստանի իշխանությունների և ընդդիմադիր Հայ ազգային կոնգրեսի երկխոսության արդյունքում կողմերը կկարողանան գտնել Հայաստանի առջև ծառացած խնդիրների լուծումը, կարծում է ԱԺ ֆինանսավարկային և բյուջետային հարցերի հանձնաժողովի նախագահ Գագիկ Մինասյանը, ով ներկայացնում է Հայաստանի Հանրապետական կուսակցությունը ՀԱԿ-ի հետ բանակցությունների աշխատանքային խմբում։

«ՀԱԿ-կոալիցիա հանդիպումներն անցկացվում են բավականին կառուցողական մթնոլորտում, և այդ հանդիպումների գործընթացն ինձ հույս է ներշնչում, որ կողմերն արդյունքում կգտնեն Հայաստանի առջև կանգնած խնդիրների փոխհամաձայնեցված լուծումներ»,- ուրբաթ մամուլի ասուլիսի ժամանակ ասաց Մինասյանը։
Նախօրեին կոալիցիայի և ՀԱԿ-ի ներկայացուցիչների աշխատանքային խմբերի երրորդ հանդիպման արդյունքում որոշում ընդունվեց  շաբաթական երկու անգամ կանոնավոր հանդիպումներ անցկացնելու մասին։ Երկխոսության օրակարգում է երկու հարց՝ նախագահական և խորհրդարանական արտահերթ ընտրությունների անցկացում, ինչպես նաև մրցակցության քաղաքակիրթ կանոնների ապահովում ընտրություններում։

Պատգամավորը նշեց, որ կոալիցիա-ՀԱԿ երկխոսության հիմնական նպատակն իրողությունների վերհանումն ու դրանց ախտորոշում տալն է։ «Չի կարելի վիրահատել առանց համապատասխան ախտորոշման։ Մենք (կոալիցիան) ակնկալում ենք, որ Հայաստանում իրավիճակը մեր ընդդիմադիր գործընկերների հավաստումներին ի հակառակ կրիտիկական չէ, և արտահերթ ընտրությունների անցկացման անհրաժեշտություն չկա»,- ասաց նա։

ՀԱԿ-ը կարծում է, որ երկրում քաղաքական և սոցիալ-տնտեսական իրավիճակ է ստեղծվել, և որպես լուծում առաջարկում է հոկտեմբերի կեսերին նախագահական արտահերթ ընտրություններ անցկացնել, իսկ դրանցից անմիջապես հետո՝ արտահերթ խորհրդարանական։

Նրա խոսքով, ընտրությունները երկրում որևէ բան փոխելու միջոց են, ոչ թե վերջնանպատակ։ «Հույս ունեմ, որ ՀԱԿ-ի մեր գործընկերները հասկանում են տարբերությունը միջոցի և վերջնանպատակի միջև, և ընտրությունների անցկացումը նրանց համար նպատակ չէ»,- ավելացրեց նա։

Մինասյանը նշեց, որ կոալիցիան մանրամասն ուսումնասիրել է երկրում տիրող իրավիճակը, և այն արդեն բազմաթիվ լուծումներ ունի այդ իրավիճակի համար։ «Մենք կփորձենք ապացուցել մեր գործընկերներին, որ արտահերթ ընտրությունները խնդրի լուծում չէ»,- ասաց նա։

Պատգամավորը միաժամանակ վստահ չէ, թե կհաջողվի համոզել ՀԱԿ-ին, որ արտահերթ ընտրությունների անցկացման անհրաժեշտություն չկա, «սակայն ես վստահ եմ, որ մեր հանդիպումների անկողմնակալ հանդիսատեսը՝ հասարակությունը, վերջում կհանգի ճիշտ եզրակացությունների»,- ասաց նա։

Մեկնաբանելով ՀԱԿ-ի առաջնորդ Լևոն Տեր-Պետրոսյանի կողմից վերջին հանրահավաքում արած հայտարարությունը ՀԱԿ-ի պահանջների կատարման վերջնաժամկետի մասին (սեպտեմբերին՝ «Նովոստի-Արմենիա»)՝ Մինասյանն ընդգծեց, որ երկխոսության գործընթացն էություն և ձև ունի, և չի կարելի թույլ տալ, որպեսզի ձևը խեղդի էությունը։

«Եթե մեր գործընկերները ցանկանում են թողնել երկխոսությունը միայն այն պատճառով, որ սեպտեմբերին արդյունքներ չեն լինի, ապա նշանակում է, որ նրանք այլ շահերով են առաջնորդվում։ Բայց այնուամենայնիվ, ես հեռու են այն մտքից, թե ՀԱԿ-ի մեր գործընկերներն այլ առաջնահերթություններ ունեն»,- ասաց նա։

Հաջորդ հանդիպմանը ՀԱԿ-ն նախագահական և խորհրդարանական արտահերթ ընտրությունների անցկացման, ինչպես նաև ընտրությունների օրինականության ապահովման վերաբերյալ առաջարկությունների և հիմնավորումների լուջ փաթեթ կներկայացնի։

Իշխանությունները մինչև վերջերս հերքում էին ՀԱԿ-ի կողմից առաջարկվող բանակցությունների ձևաչափը և արտահերթ ընտրությունների անցկացման հնարավորությունը:
Հայաստանի հերթական խորհրդարանական ընտրությունները պետք է անցկացվեն 2012թ.-ի մայիսին, իսկ նախագահականը՝ 2013թ.-ի փետրվարին: 

ՀԱԿ-ը ստեղծվել է 2008 թ.-ի օգոստոսի 1-ին: ՀԱԿ-ի կազմում ներառված է շուրջ 20 քաղաքական կուսակցություն և կազմակերպություն: ՀԱԿ-ի առաջնորդն է ՀՀ առաջին նախագահ Լևոն Տեր-Պետրոսյանը:-0-

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։