478.65
-0.08
560.79
-0.28
8.05
-0.01
+38
Եղանակը Երևանում
Հայ
ՀՀ իշխող կոալիցիան և ՀԱԿ-ը պայմանավորվել են կանոնավոր հանդիպումներ անցկացնել
16:50
04 Օգոստոսի 2011

Հաջորդ շաբաթվանից սկսած՝ ՀՀ իշխող կոալիցիայի և Հայ ազգային կոնգրեսի (ՀԱԿ) ներկայացուցիչների միջև  բանակցությունների շրջանակներում աշխատանքային խմբերի հանդիպումները կանցկացվեն շաբաթը երկու անգամ՝ երեքշաբթի և ուրբաթ օրերին, հինգշաբթի կայացած երրորդ հանդիպումից հետո լրագրողներին հայտնեց իշխող կոալիցիայի պատվիրակության ղեկավար Դավիթ Հարությունյանը:

Ըստ Հարությունյանի, այսօրվա հանդիպման ընթացքում քննարկվել է աշխատանքների ժամանակացույցը և երկու հիմնական հարցերի քննարկման կանոնակարգը:

Հարությունյանն ընդգծեց, որ հաջորդ շաբաթվանից սկսած կանոնավոր հանդիպումների անցկացման վերաբերյալ որոշումը ոչ մի կերպ կապված չէ վերջին հանրահավաքի ժամանակ ՀԱԿ առաջնորդ Լևոն Տեր-Պետրոսյանի՝ ՀԱԿ-ի պահանջներն իրականացնելու վերջնաժամկետին (սեպտեմբերի) վերաբերող հայտարարության հետ:

Մեկնաբանելով տվյալ հայտարարությունը՝ Հարությունյանը հայտնեց, որ եթե ՀԱԿ-ը սեպտեմբերին իրոք երկխոսությունը սպառված համարի, ապա դա լուրջ խոչընդոտ կհանդիսանա արդյունավետ բանակցություններ անցկացնելու համար:

Հարությունյանն ավելացրեց, որ անցած հանդիպման ժամանակ ընդդիմության ներկայացուցիչները հայտարարել էին ՀԱԿ-ի վերջին հանրահավաքի ժամանակ ոստիկանության հետ տեղի ունեցած միջադեպի և մարզերից Երևան եկող ընդդիմության ակտիվիստների տեղաշարժը սահմանափակելու մասին: Նա հավաստիացրեց, որ կոալիցիան հիմնավորապես ուսումնասիրում է բոլոր այդ փաստերը և իր կարծիքը կհայտնի այդ հարցի շուրջ:

ՀԱԿ աշխատանքային խմբի ղեկավար Լևոն Զուրաբյանն իր հերթին հայտնեց, որ նախքան հանդիպումը, ՀԱԿ-ը կոալիցիայի ներկայացուցիչներին ընթերցել է հայտարարությունը, որտեղ հանրահավաքի նախօրեին թերթիկներ  բաժանող մարդկանց հետ Ոստիկանության աշխատակիցների կոպիտ վերաբերմունքի փաստերի անմիջական հետաքննություն է պահանջել:

Նա ավելացրեց, որ ՀԱԿ-ը նաև պահանջում է Հայաստանի Հանրային հեռուստատեսությամբ եւ մյուս հեռուստաալիքներով ՀԱԿ-ի հանրահավաքների մասին նյութերի հեռարձակման արգելքի հանումը:
«Կոալիցիայի գործունեությունն, ըստ էության, ցույց է տալիս, որ իշխանությունները երկխոսության իմիտացիայով են զբաղված: Կոալիցիայի նման վարքագիծը լուրջ հարված է հասցնում ՀՀ իշխանությունների հանդեպ վստահությանը»,- հայտնեց Զուրաբյանը:

Միաժամանակ նա հաստատեց, որ կոալիցիայի ներկայացուցիչները խոստացել են վերլուծել տվյալ փաստերը՝ ավելացնելով, որ ՀԱԿ-ը պատասխանի սպասում և մտադիր է հետևողականություն ցուցաբերել այդ հարցի լուծման մեջ:

Զուրաբյանը տեղեկացրեց, որ հաջորդ հանդիպման ժամանակ ՀԱԿ-ը առաջարկների և հիմնավորումների լուրջ փաթեթ կներկայացնի արտահերթ խորհրդարանական և նախագահական ընտրությունների, ինչպես նաև ընտրությունների օրինականության ապահովման վերաբերյալ:
«Մենք պատրաստ ենք քննարկել այդ հարցերը, բայց այդ քննարկումները պետք է անվերջանալի գործընթացի չվերածվեն: Եթե մինչև սեպտեմբեր ոչ մի էական արդյունք չլինի, մենք երկխոսությունը սպառված կհամարենք»,- հայտնեց նա:

ՀԱԿ-ը կարծում է, որ երկրում ծայրահեղ քաղաքական և սոցիալ-տնտեսական իրավիճակ է ստեղծվել և որպես լուծում առաջարկում է հոկտեմբերի կեսին արտահերթ նախագահական , իսկ անմիջապես դրանցից հետո՝ արտահերթ խորհրդարանական ընտրություններ անցկացնել:
Իշխանությունները մինչև վերջերս հերքում էին ՀԱԿ-ի կողմից առաջարկվող բանակցությունների ձևաչափը և արտահերթ ընտրությունների անցկացման հնարավորությունը:
Հայաստանի հերթական խորհրդարանական ընտրությունները պետք է անցկացվեն 2012թ.-ի մայիսին, իսկ նախագահականը՝ 2013թ.-ի փետրվարին:

«Բարգավաճ Հայաստան» և «Օրինաց երկիր» կուսակցությունները ընդգրկված են Հայաստանի Հանրապետական կուսակցության գլխավորած իշխող կոալիցիայի կազմում, որը ձևավորվել է 2008 թ.-ի մարտի 21-ին:

ՀԱԿ-ը ստեղծվել է 2008 թ.-ի օգոստոսի 1-ին: ՀԱԿ-ի կազմում ներառված է շուրջ 20 քաղաքական կուսակցություն և կազմակերպություն: ՀԱԿ-ի առաջնորդն է ՀՀ առաջին նախագահ Լևոն Տեր-Պետրոսյանը:-0-

Loading...
Թեմատիկ նյութեր
Բաժնի այլ նյութեր
15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։