481.35
+0.03
565.97
-1.55
8.4
-0.01
+14
Եղանակը Երևանում
Հայ
Ընդդիմությունը չի կարող ՀՀ իշխանությունների վզին փաթաթել երկխոսության ձևաչափը. պատգամավոր
15:48
02 Հունիսի 2011

Ընդդիմությունը չի կարող ՀՀ իշխանությունների վզին փաթաթել երկխոսության ձևաչափը և բանակցությունների մասնակիցների կոնկրետ ցուցակը, ասաց Հայաստանի Հանրապետական կուսակցության խորհրդարանական խմբակցության պատգամավոր Արտակ Զաքարյանը:

«Կարևոր է երկախոսության ոչ թե ձևաչափը, այլ դրա անցկացման փաստը, ինչից շահում են Հայաստանը և հայ ժողովուրդը, այլ կերպ երկխոսությունն ինքնանպատակ է դառնում: Ո՞վ է ասել, թե իշխանություններն առաջնորդվում են ընդդիմության պահանջներով, նրանք առաջնորդվում են հասարակության պահանջով»,- հինգշաբթի լրագրողներին ասաց Զաքարյանը:

Երեքշաբթի Ազատության հրապարակում ՀԱԿ-ի հանրահավաքի ժամանակ ընդդիմության առաջնորդ, Հայաստանի առաջին նախագահ Լևոն Տեր-Պետրոսյանը հայտարարեց, որ պատրաստ են «իշխանությունների հետ պաշտոնական երկխոսության, այսինքն, երկխոսության` պատվիրակությունների մակարդակով»:
Խորհրդարանականի խոսքով՝ երկխոսությունը միշտ ողջունելի է, քանի որ այն ընդհանուր շփման եզրեր է ուրվագծում, բայց գոյություն ունի օրակարգի հստակեցման խնդիր:

«Որպես իշխանության ներկայացուցիչ՝ պետք է ասեմ, որ նախագահն ու իշխանությունները բազմիցս երկխոսության պատրաստակամության և համագործակցության հստակ պատրաստակամություն են հայտնել բոլոր այն ուժերի հետ, որոնք երկրում տեղի ունեցող հասարակական և քաղաքական գործընթացների օժանդակության ծրագրեր և հնարավորություններ ունեն»,- ասաց Զաքարյանը:

Զաքարյանը նշեց, որ նման քննարկումներ են անցկացվել տարբեր ձևաչափերով, և հաջողվել է լիարժեք լուծում գտնել: «Ինչ վերաբերում է ՀԱԿ-ի իշխանությունների հետ երկխոսությանը, կցանկանայի, որպեսզի չչափազանցվեն երկխոսության դրդապատճառները և պատճառահետևանքային կապը»,- ասաց պատգամավորը:

«Լայնածավալ համաներումը պայմանավորված է ոչ թե ընդդիմության գործողություններով, այլ պարզ ժամանակագրական հանգամանքով՝ Հայաստանի անկախության 20-ամյակով, որի շրջանակներում մի շարք պետական միջոցառումներ են իրականացվում: Դրանց էլ համահունչ է համաներման հումանիստական որոշումը»,- ասաց նա:

Պատգամավորը միաժամանակ ասաց, որ արտահերթ ընտրությունների մասին խոսակցություններն անհիմն են, քանի որ դրանց անցկացման ինչպես պատճառներ, այնպես էլ համապատասխան հասարակական մթնոլորտ չկա, որ կարող է դրանց համար հարմար լինել:

Նախորդ հանրահավաքներից մեկի ժամանակ Լևոն Տեր-Պետրոսյանը նշել էր առնվազն երեք պահանջ, որոնց կատարման դեպքում հնարավոր է իշխանությունների հետ երկխոսությունը` ազատել բոլոր քաղբանտարկյալներին, իրավունք տալ ընդդիմությանը հանրահավաքներ անցկացնել Ազատության հրապարակում և անկախ հանձնաժողով ստեղծել 2008 թվականի մարտի 1-2-ի իրադարձությունների հանգամանքների քննության համար:

Իշխանությունները բավարարել են ընդդիմության բոլոր երեք պահանջները` արտոնել են հանրահավաքների անցկացումն Ազատության հրապարակում, հատուկ քննչական ծառայությանը հրահանգել են շարունակել 2008 թվականի մարտի 1-ի դեպքերի քննությունը և ազատել են տվյալ գործով բոլոր բանտարկյալներին:

2008թ. փետրվարի 20-ից Երևանի կենտրոնում, ՀՀ նախկին նախագահ Լևոն Տեր-Պետրոսյանի գլխավորությամբ, ընդդիմությունն անցկացնում էր հանրահավաքներ՝ բողոքելով փետրվարի 19-ի նախագահական ընտրությունների արդյունքների դեմ, որոնցում հաղթանակ էր տարել վարչապետ Սերժ Սարգսյանը։ Մարտի 1-2-ի բողոքի ցույցերը վերածվեցին անկարգությունների և ցուցարարների ու իրավապահ մարմինների միջև բախումների, որոնց հետևանքով զոհվեց տասը և վիրավորվեց ավելի քան 200 քաղաքացի:--0-

Loading...
Թեմատիկ նյութեր
Բաժնի այլ նյութեր
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը:
12:15
12 Հոկտեմբերի 2017
Հայաստանը ՌԴ–ից 100 մլն դոլարի պետական արտահանման վարկ կստանա
Վարկը տրամադրվելում է տարեկան 3% տոկոսադրույքով, 15 տարի մարման ժամկետով։
16:27
09 Հոկտեմբերի 2017
Անկարան կարող է հրաժարվել С-400-ի գնումից, եթե Մոսկվան մերժի համատեղ արտադրությունը
Անկարան կարող է հրաժարվել Մոսկվայից զենիթահրթիռային С-400 կամակարգերի գնումից:
13:59
08 Հոկտեմբերի 2017
Համանախագահներ. Հայաստանը և Ադրբեջանը վերահաստատել են բանակցությունները վերսկսելու պատրաստակամությունը
ԵԱՀԿ Մինսկի խմբի համանախագահները հաղորդագրություն են տարածել:
17:20
06 Հոկտեմբերի 2017
ԵԽԽՎ նախագահ Պեդրո Ագրամունտը հրաժարական է տվել
Պեդրո Ագրամունտը հեռանում է ԵԽԽՎ նախագահի պաշտոնից: